Zomi Movement (History)

Zomi Movement (History)

Zomi History   6:11:00 AM

ZOMI KHANGTHU KANNA (AD 1900-1980)

1901 Lushai hills Census masa pen; mihing 82,434 omin Paite pau zang 2,870 om hi.

1903 Missionary School masa pen Haka-ah kiphuan. Paite Sintungbu Vialphung Tombing & Rev. David E Jones. ten bawl. Tedimah Tan 4 Sang kiphuan.

1904 Dr. E.H. East-te nupa Khalkha tung. Zomite palik tum cilna; Zo palik kiphuan. Sila kiphiat.
Zogamah Kawllai sang kiphuan. Thuam Hang leh Pau Suan tui kiphum. Lushai hills L.P. School Exam masak pen. Khristian biakna ngeina siangtho-a kiteeng masa pen Hrangsaipuia leh Saimanliani.

1906 Lushai hills-ah Sunday School Exam neih masak pen.

1907 Zogam bup Tuiphum Pawlpi khoppi masa pen Haka-ah kizang. Zomi (Chin hills) Pastor masa pen Thuam Hang. Manipur State Durbar kipan.

1910 Rev. Joseph Herbert Copte-te nupa Tedim tung. Cope topa in Tedim, Falam laimal bawl. Dr. J.H. Woodin-te nupa Khalkha tung. Pau Cin Hau Pawl “Laipian’ kipan. Chin hills-ah Sila kibeisak, Khua gamgi kibawl. (May 7) Dr. Peter Fraser & Waatkin Robert. Manipur simah Khristian missionary-te lut kipatna, Senvon khua-ah kiphual. Lushai hills Presbeterian Pawlpi khoppi masak pen. Aizawl Bazal kipan.

1911 Chin hills Census; Tedim uk (Tonzang tawh) sungah mi 30,000 om. Lushai hills Census; Mihing 98,406 om in, Paite suan 10,460 om.

1913 Tedim pan Upper Chindwin District Civil Police-ah mi sawm-le-nga kitumsak. Zogamah Alu, Kawltu, Singno leh a tuamtuam ciin sin kipan. Thaangah Sumbuk kibawl. Falam Technical School pan Leisek bawl kisin.

1914 Leitung Galpi khatna kipan, Tedimah Thukizakna kiphuan.

1914 Manipur gam Sinzawl khua-ah Manipur State Durbar Vice-President Aizawl gam Suprintendent leh Tedim gam Asst. superintendent-te gamgi thu kikumna nei. Muizawl khua, Pau Khen in siah a piaknop loh manin Falam gamah lal dingin kisawl. Zomite police dinga sin uh, hoih tuaksa-in lak beh ding kivaihawm. Haka gamah nupa amau leh amau a kithat om.

1915 Tedim Pau tawh Lungdamna Matthai bu kikhen.

1915-16 Halhka gamah Zusa laangin kial tung. Mizo pau tawh Thuciamthak bupi kizo.

1917 Piancit paina leh Galpi masa. CHIN LABOUR CORPSGerman gal piang. may 25 ni-in Piantit (France) gam pai ding mi 1000 Tedim pan ding khia. Piantit paite London hawh. Labour corps, France-ah Ukpipa Hau Cin Khup in mi tampi paisak zo ahih manin Mikang kumpi in
minphatna KSM pia. Mi tampi Kawlpi zanggamah lal.

1918 Leitung Galpi khatna ve’ng ta. Piantit pai nuamlo Thahdo leh Khalkha in kumpi do. Oct. kha-in Piantit paite tung kik; 21 si, Piantit gamah kiphum.

1918 Tedimah military Police platoon 3, Haka ah 3, leh kawlpi-ah 3 kikoih. Tedim Labour Corp panin mi guk in minphatna namsau ngah.

1919 Mikang kumpi, Thahdo leh Khalkhate Hau Cin Khup in lem, kilemsak. Zogam tawh kisai thute kikum dingin.

1920 May kha-in Maymyo ah kikhopna om. Assam gam tangin Lushai hills
Suprintendent pai. Chin hills-ah Sangnaupang -1,712 pha. Hau Cin khup in a tapa Pum Za Mang huhna tawh vai hoih taka a hawm manin thauka (Revolver) kumpi in pia. Labour Corps-ah a nasepna a hoih manin Hlur Hmung in minphatna A.T.M ngah.

1920 Paltan tumcilna. Halka pau tawh Lungdamna Thu leh Sawltakte Tangthu kikhen.
Kawlgamah suahtakna deihna khang. Paite pau tawh Khritian la neih kipan.

1921 Chin hills Census, Tedim uk (Tonzang tawh) sungah inn 5045 leh Mihing 36,048 om.
Zogamah ann hoih lo ahih manin, Lusei gamah mi tampi tak Lal, India kumpi in 4/70th Chin Rifile bawl ding phasa. Falamah Educational Conference om a; Kawl lai pen Zolai tawh laih ding thukim. Zopau tawh thukizakna khat kikhen.

1921 Kawlgamah Paltan (Galkap) kiphuan. Vial Nang Ordination kipia; Chin hills-ah masa pen.

1922 Chin hills-ah kampau a tuamtuam tawh lai a kihilh manin haksatna tampi om hi. Lai sim nading kampau khat tel a, Roman script tawh laisim bu a bawl dingin kumpi in committee phuan.
Lophei Hausa Khup Lian in minphatna thau leh laipi(Certificate) khat ngah.

1923 Zomi 300,000 sung panin 2,351 in lai sim thei. Zomite lai pillo hi lo-in a kah kim zolo hi zaw hi.

1925 Zolai kisin ta. Kawllai kiphiat Zolai kiphuan. Dr C.U. Strait-te nupa khamtung gam tung’Roman Catholic Biakna Mizogamah lut.

1928 Chin hills-ah Chin National Union party kiphuan.

1930 Lamka khua, Phungkhothang Guite leh Zenhang Valte ten sat. Lushai hills-ah hanmual neih kipan.

1931 Pa Pau Cin Hau lai tawh Mualtung thuhilhna kikhen. Hau Za Cin Pau in Matric zo, Chin hills pan a zo masa pen.

1932 Tedim pau tawh Thuciam Thak kikhen.

1933 Zomite politics lungsim neih kipan. Chin Unity Organization kiphuankhia. CUO in Rangoon-a Mikang kumpi tungah deihna nam kua a nei memorandum khia.

1935 Falam High School kiphuan. Young Lushai Association (1947 pan Young Mizo Association, kici kik) kiphut hi.

1937 Mikang kumpi in Kawlgam leh Vaigam gamgi khung in, Zogam phel nih suak. Leitung Galpi nihna kipan.

1938 June-11 ni: Dr. Cope Khalkha-ah si. U Shiah Lwe in B.A zo, Chin hills-ah a masa pen. Lam Za Hang (Tedim) in Mawtaw nei, Chin hills-ah a masa pen. Mikang a do Zomi makai Pu Suang Khaw Kam, Magwe khuapi-ah si.

1939 Rev. F.O. Nelson-te nupa Tedim tung. CUO makai teng kiman, thongah khum.

1940 Paite pau tawh Laisiangthou bumal masak pen - Tanchinhoih Johan, Rev. Nengzachin in tei hi. Halkha pau tawh Thuciam Thak kikhen.

1942 August: Japan te’n Zogam leitang tung. Japan galkap 75,000 Kawlgam lut. Kawlgam galkap402,300 India-ah tai. Chin Army kiphuan. Leisan mualah thau zang lo-in temtawng tawh kido, Japante 150 liam, tampi si. Chin hills-ah Mikang huhna tawh Japan gal a nang dingin CHIN
LEVY kiphuan. Japan huhna tawh Mikangte do dingin CHIN DEFENCE ARMY (CDA) kiphut.
Paite pau tawh Khristian Labu neih kipan.

1943 Tedim, Halkha, Falam Japan in la.

1944 March: Japante Moirang tung, Imphal gal muh. Feb. Mar. Apr. sungin Arakan gamah Japante 5000 kithat. Sukte Independent Army (SIA) kiphuan. Japante nungkik, 50,000 val si.

1945 Galpi Nihan vengh. UNO kiphuan. R. Tuang Hmung in Chin Rural and Education Uplift Society phuan.

1946 Rev. R.G. Johnson-te nupa Khalkha tung. S.T. Hau Go in M.A (Madras) zo; Chin hills pan amasa pen. Khamtung Suahtak Vaihawm Pawlpi party kiphuan. makai: Pu Thang Kho Kai, Pu Song Theu, Pu Thang Za Kai, PuLang Khaw Thang. Thuhoih Vaihawm Pawlpi party kiphuan. Makaite —
Pu Vungh Za Kham, Pu Hau Za Lian, Pu Tuah Langh. Kawlmi te’n suahtakna lak a sawmna tawh kituak a khamtung mite kalsuan dan ding a vaan dingin Zomi, Shan, Kachin te’n The Supreme Council of The United Hill People (SCOUHP) cih kipawlna bawl. Kawlmi makai Aung San in suahtakna ngen dingin England gam zin. Mualtung mite thukimna keng lo ahih manin tangtung zo lo. Lushai hills-a political party masa pen Mizo Union kiphut hi.

1947 Chin-Burma Unity Pillar, Htilin khua-ah kiphut. Panglong Conference-ah Kawlmite tawh suahtakna la kawm dingin thukimna khutpimai meekna kibawl; Chin hills taangin Pu Thawng Za Khup, Pu Hrul Mung leh Pu Kio Mangte pai. Kawlgamah Constituent Assembly kiteelna kibawl; KSVP pan Pu Mang Tung Nung leh CNU pan Pu Vumthumaungte kihel. Gen. Aung San makaihna tawh Kawlgam Constitution Drafting Committee kibawl; Zomite tangin Pu Mang Tung Nung leh Pu Savut kihel. Tedimah High School kiphuan. THUKITUAHNA cih thukizakna kipan.
Zo Education Board kiphuan. Tedim ah Lai Siangtho Sang kiphuan. R. Tuang Hmung in Falam Chin hills D.C. seem. Siamsinpawlpi (SSPP) January 13 ni-in Suangpi khua-ah kiphut. President masa pen Dr. Liankham Samte. Mizoramah Kawlgam tawh kigawm a ut pawl - United Mizo Freedom Organisation (UMFO) kiphut hi. Manipur State Hill Peoples (Administration) Regulation Act kibawl.

1948 January4: Kawlgam in suahtakna ngah. Kawlgam in suahtakna ngahin, Chin Special Division in Union of Burma-ah State tawh a kizakim phialin thuneihna nei. ZBC sungah TBA, FBA, HBA kiphuan. Zo zum (Chin Affair Council) Rangoon-ah kiphuan. Hill Chin Students’Union Rangoonah kiphuan. Zogam ukpi te’n mipi’ deihna zui-in ukpi za nusia uh. January 22: Kawlgam Prime Minister zum thukikupna-ah Pu Mang Tung Nung in, Zogam sunga Chin Hill Regulation Acts thukhun zui-a ki-ukna tawh kisai, mipi’ deihna kan ding a kisapna thu sung.
1948 kum : February 5: Hih thukhun zuia ukpi ki-ukna, mipi’ngaihsutna a kan ding committee kibawl.
Capt. Mang Tung Nung in CHIN PEOPLE’S FREEDOM LEAGUE (CPFL) phut. Mizoramah political party masa pen Mizo Union kiphut hi.

1949 June 27: Paite National Council, Tangnuam khua-ah kiphut. President masa pen Pu T. Thangkhai. Manipur, Indian Union tawh kigawm.

1950 Lushai hills-ah Paite Federation kiphut. CBCNEI(Council of Baptist Churches in North East India) kiphuan. Sia S.T. Hau Go in MRE, Colgate Rochester Theological College, USA pan zo.
Paite pau tawh Thukhun Thak leh Sam bu, Rev .Nengzachin in tei zo.

1951 Falam pau tawh Thuciam Thak kikhen. K.T.P. (Khristian Thalai pawl) kiphut.

1952 ZBC (Zomi Baptist Convention) kiphuan. LUNGVAKNA cih thukizakna kiphuan. Hill Chin Students’ Union Magazine kikhen. Mizo District Council kipan.

1953 Falam Theological School kiphuan. April 1: Aizawl leh Lunglei Mawtaw Lampi kihong.
March 3: Lamka-ah Young Paite Association (YPA) kiphut. President masa pen Pu T. Vungsiam.

1954 C.K. Taikwel in M.Sc. (USA) zo, Chin hills pan masa pen. Lushai Hills pen Mizo District ci-in kikhek hi. Mizoramah sila kiphiat hi.

1955 VumKhaw Hau in Ambassador ngah. Khamtungmi masa pen.

1956 Manipur Villages Authority in the Hill Area Act kibawl.

1957 CNU leh CPFL kigawmin CHIN NATIONAL ORGANISATION (CNO) ci; Capt. Mang Tung Nung in President len.

1958 BCM (Baptist church of Manipur) kiphuan. Sia Kam Khaw Thang in B. Th. zo. Chin Liberation Army, Pu Tun kho Pum Baite in phut.

1960 Dr. Cope Golden Jubilee Tedimah kizang. Churachanpur Baptist Association Kiphuan. 
May 30: PNC President Pu T. Goukhenpau leh Secretary Pu S. Vung Khomte makaihna tawh India Prime Minister Pu Pandit Jawaharal Nehru kiangah ‘Re-unification of Chin People of India and Burma under one country’ cih thulu zangin Zo minam khempeuh ading District hiam, Division hiam, Region hiam khat bawlsak a, tua sungah gawmkhawm dingin ngetna memorandum khia.
Manipur Land revenue & Land Reform Act kibawl.

1961 Mizoramah Congress party leh Mizo National Front (MNF) kiphut hi.

1962 Chin Affair Council pen Chin Supreme Council ciin kikhak. Kawlgamah Socialist Kumpi kiphuan. 
Mizoramah Paite National Council (PNC) Pu Khan Cin makaihna tawh kiphut hi.
1963 Aizawl-a Electric zat kipan. December 11: India Kumpi in Manipur, Paite mite ‘Scheduled Tribe’ lakah guang.

1964 Mizo District MLA bye-election-ah MNF leh PNC pangkhawm. Khritian Thukizakna (EBC, Manipur) kipan. Kawlgamah ANTI-COMMUNIST FREEDOM ORGANISATION (ACFO) pawl kiphut in, Lt. Col. Son Khaw Pau, Pu Dam Khaw Hau, Pu Mang Khan Pau, Pu Hrang Nawl, Pu Son Cin Lian leh Pu Tual Zen ten makaih hi. ACFO pawl pen Manipur-a Zomi makai Tun Khaw Pum tawh kikopin, Zo Kumpi - UNITED CHIN GOVERNMENT pawl phuan uh hi. Pu Tun Khaw Pum pen Prime Minister, Pu Col. Son Khaw Pau pen Defense Minister, Pu Hrang Nawl pen Foreign Minister.

1965 PNC HQ in Sialkaltang, Paite Regional Council ngetna memorandum kumpi tungah khia.
Mizo District, Deputy Commissioner Pu K. Saigal IAS in Sialkaltang dung pha. MNF in India kumpi tungah Independent ngetna memorandum tun. Tedim & Tonzang uk sungah inn 10,649 leh mihing 84,553 om.

1966 March 1: MNF in Mizoram Independent puangin Mizoram buai kipan. Kumpi in Mikang missionary-te om a phal nawn loh manin Missionary-te ciah. Paite Regional Council ngetna tawh kisai-in PNC leh Pataskar Commission-te Aizawlah kiho. Chin National Organisation pen Zomi National Front ci-in kikhek.

1968 Dawt Sung in M.A. zo; Chin hills pan numei masa pen.

1969 UNITED CHIN GOVERNMENT makai Col. Son Khaw Pau, Pu Hrang Nawl, Pu Dam Khaw Hau, Pu Ro Thangte kimanin Kawlgam kumpi tungah ki-ap. Pu John Mang Tlingte makaihna tawh CHIN DEMOCRACY PARTY (CDP) kiphut.

1970 Paite pau tawh Laisiangthou buppi kizo.

1971 Manipur Hill Area District Council Act kibawl.

1972 Mizoram in U.T (Union Territory) ngah. Manipur in State ngah. January 21: Manipur, Daizang khua-ah Zomi National Congres (ZNC) kiphut. President masa pen Pu T. Gougin leh Secretary Pu S. Hangkhangin Ngaihte.

1973 Evangelical Convention Church (ECC) Lamka, kipan.

1974 January 3: Chin Hills in Chin State ngah. Dr. Vum Khaw Hau in Ph.D. ngah. Chin State-ahbiakna lam khanlawhna tung.

1975 Zolai kum 50 cin’na pawi Tlangnuamah kizang. Zolai kum 50 cin’na Magazine kikhen.
Mizoram-ah People’s Conference Party (Tun MPC) piang.

1976 LUNGDAMNA AW kiphuan.

1977 Tedim Lai Siangtho kizo. Kawlgam galkapte leh CNA (Khaimulen)te Vangteh leh Saizang kiim tengah nakpi takin kikap. CNA-te mi 60 Vangteh khua, Mah-Sah-Lah (Burma Socialist Programme Party) thuneite kiangah ki-surendar, kikaplum veve. Mi 46, Kalemyo Jail-ah kipuak.
mi 4 liam.

1980 April 10: Teikhang khua-ah Paite nam makaite kikaikhawmin, Mizoram Paite Organisation (MPO) kipawlna phut. Pu Thangzakap, President masa pen.

Laibu etkakte:
1. Zolus No. 4-na, 1999, Yangon
2. Zo Aw Thukizakna, April-June 1986 & Oct-Dec Issue. 1986, Guwahati.
3. Chin Baptist Association Silver Jubilee (1961-1986) Souvenir, Lamka
4. Mizo Chanchin by B. Lalthangliana, 2001, Aizawl
5. Siamsin Pawlpi Annual Magazine ( Golden Jubilee Special Issue), 1996, Lamka.
6. Zolawkta Thukizakna Kum Thum Cinna (1994-1997), Aizawl.
8. Zomi Innkuan Laibu, 1972, Tedim Zolawkta

Asim kha mimal khatciat Topan thupha ongpia tahen.

Zawgyi Font for Xiaomi/Redmi (No Root)

Zawgyi Font for Xiaomi/Redmi (No Root)

Mobile   11:00:00 PM

Xiaomi MI3 ဖုန္းေတြကို ျမန္မာစာေဖာင့္ ထည့္သြင္းတဲ့အခါမွာ ဖုန္းကို Root လုပ္ဖို႔ မလိုအပ္ပဲ အလြယ္တကူ ထည့္သြင္းႏိုင္မယ့္ နည္းလမ္း ျဖစ္ပါတယ္။ ဒါေပမယ့္ အခ်ိဳ႕ေသာ Device ေတြမွာေတာ့ အနည္းငယ္ အခက္အခဲ ရွိတတ္တာကိုလည္း ေတြ႕ရေပမယ့္ မ်ားေသာအားျဖင့္ေတာ့ အဆင္ေျပၾကပါတယ္။

Xiaomi MI3 ဖုန်းတွေကို မြန်မာစာဖောင့် ထည့်သွင်းတဲ့အခါမှာ ဖုန်းကို Root လုပ်ဖို့ မလိုအပ်ပဲ အလွယ်တကူ ထည့်သွင်းနိုင်မယ့် နည်းလမ်း ဖြစ်ပါတယ်။ ဒါပေမယ့် အချို့သော Device တွေမှာတော့ အနည်းငယ် အခက်အခဲ ရှိတတ်တာကိုလည်း တွေ့ရပေမယ့် များသောအားဖြင့်တော့ အဆင်ပြေကြပါတယ်။

စတင္ၿပီးေလ့လာ ၾကည့္ၾကပါမယ္။ ျမန္မာစာ ထည့္သြင္းဖို႔အ တြက္ Zawgyi One 2014 ဆိုတဲ့ေဖာင့္ကို လိုအပ္ပါတယ္။ ဒါေၾကာင့္ ဒီေဖာင့္ကို Download ျပဳလုပ္ရပါမယ္။ ေဖာင့္ကို Download ျပဳလုပ္ဖို႔အတြက္ Playstore ေပၚမွာ ရွာေဖြႏိုင္သလို Google ေပၚမွာလည္း အလြယ္တကူ ရွာေဖြႏိုင္ပါတယ္။ ေဖာင့္ကို Download ျပဳလုပ္ရရွိၿပီ ဆိုရင္ေတာ့ ရရွိလာတဲ့ ေဖာင့္ကိုဖုန္းရဲ႕ မွတ္ဉာဏ္ထဲမွာရွိတဲ့ Folder တစ္ခုမွာ ထည့္သြင္းလိုက္ပါ။

စတင်ပြီးလေ့လာ ကြည့်ကြပါမယ်။ မြန်မာစာ ထည့်သွင်းဖို့အ တွက် Zawgyi One 2014 ဆိုတဲ့ဖောင့်ကို လိုအပ်ပါတယ်။ ဒါကြောင့် ဒီဖောင့်ကို Download ပြုလုပ်ရပါမယ်။ ဖောင့်ကို Download ပြုလုပ်ဖို့အတွက် Playstore ပေါ်မှာ ရှာဖွေနိုင်သလို Google ပေါ်မှာလည်း အလွယ်တကူ ရှာဖွေနိုင်ပါတယ်။ ဖောင့်ကို Download ပြုလုပ်ရရှိပြီ ဆိုရင်တော့ ရရှိလာတဲ့ ဖောင့်ကိုဖုန်းရဲ့ မှတ်ဉာဏ်ထဲမှာရှိတဲ့ Folder တစ်ခုမှာ ထည့်သွင်းလိုက်ပါ။

ၿပီးရင္ေတာ့ Xiaomi MI3 ဖုန္း ရဲ႕ Themes စနစ္ထဲကို ဝင္လိုက္ပါ။

ပြီးရင်တော့ Xiaomi MI3 ဖုန်း ရဲ့ Themes စနစ်ထဲကို ဝင်လိုက်ပါ။

Themes ထဲကိုေရာက္ၿပီဆို ရင္ေတာ့ Themes ထဲက Local ဆိုတဲ့ ထဲကို ဝင္လိုက္ပါ။

Themes ထဲကိုရောက်ပြီဆို ရင်တော့ Themes ထဲက Local ဆိုတဲ့ ထဲကို ဝင်လိုက်ပါ။

Local ထဲကို ေရာက္ရွိတဲ့ အခ်ိန္မွာေတာ့ ဖုန္းရဲ႕ေအာက္ေျခမွာရွိေနတဲ့ Menu Key ကိုႏွိပ္လိုက္ပါ။ ဒါဆိုရင္ေတာ့ ခုလိုမ်ိဳး ျမင္ေတြ႕ ရပါလိမ့္မယ္။

Local ထဲကို ရောက်ရှိတဲ့ အချိန်မှာတော့ ဖုန်းရဲ့အောက်ခြေမှာရှိနေတဲ့ Menu Key ကိုနှိပ်လိုက်ပါ။ ဒါဆိုရင်တော့ ခုလိုမျိုး မြင်တွေ့ ရပါလိမ့်မယ်။

ျမင္ေတြ႕ရတဲ့ ေနရာမွာ Import SD Card ဆိုတဲ့ေနရာကို ႏွိပ္လိုက္ပါ။

မြင်တွေ့ရတဲ့ နေရာမှာ Import SD Card ဆိုတဲ့နေရာကို နှိပ်လိုက်ပါ။

Import SD Card ကိုေရြးခ်ယ္လိုက္ရင္ ခုလိုမ်ိဳးျမင္ေတြ႕ ရပါလိမ့္မယ္။

Import SD Card ကိုရွေးချယ်လိုက်ရင် ခုလိုမျိုးမြင်တွေ့ ရပါလိမ့်မယ်။

ျမင္ေတြ႕ရတာကေတာ့ ဖုန္းထဲမွာရွိေနတဲ့ Folder ေတြရွိတဲ့ ေနရာျဖစ္ပါတယ္။ ဒီေနရာမွာ ကိုယ္ထည့္သြင္းထားခဲ့တဲ့ Zawgyi ေဖာင့္ဖိုင္ကို ေရြးခ်ယ္ေပးလိုက္ပါ။ ေဖာင့္ကိုေရြးခ်ယ္ ေပးလိုက္ၿပီး သြားတဲ့အခ်ိန္မွာ Original Themes ေနရာကို ေရာက္ရွိပါလိမ့္မယ္။ ေရာက္ရွိတဲ့ အခ်ိန္မွာ အဆိုပါ Themes ကို ေရြးခ်ယ္ေပးလိုက္ပါ။ ၿပီးသြားရင္ေတာ့ စနစ္ေတြအားလံုးကို အစဆံုး ျပန္ထြက္လိုက္ပါ။

ၿပီးရင္ေတာ့ Themes စနစ္ ထဲကို ျပန္ဝင္လုိက္ပါ။ Themes ထဲမွာ Category ဆိုတဲ့ ေနရာကို သြားပါ။

မြင်တွေ့ရတာကတော့ ဖုန်းထဲမှာရှိနေတဲ့ Folder တွေရှိတဲ့ နေရာဖြစ်ပါတယ်။ ဒီနေရာမှာ ကိုယ်ထည့်သွင်းထားခဲ့တဲ့ Zawgyi ဖောင့်ဖိုင်ကို ရွေးချယ်ပေးလိုက်ပါ။ ဖောင့်ကိုရွေးချယ် ပေးလိုက်ပြီး သွားတဲ့အချိန်မှာ Original Themes နေရာကို ရောက်ရှိပါလိမ့်မယ်။ ရောက်ရှိတဲ့ အချိန်မှာ အဆိုပါ Themes ကို ရွေးချယ်ပေးလိုက်ပါ။ ပြီးသွားရင်တော့ စနစ်တွေအားလုံးကို အစဆုံး ပြန်ထွက်လိုက်ပါ။
ပြီးရင်တော့ Themes စနစ် ထဲကို ပြန်ဝင်လိုက်ပါ။ Themes ထဲမှာ Category ဆိုတဲ့ နေရာကို သွားပါ။

Category ထဲမွာ Components ဆိုတာရွိပါတယ္။ Components ထဲကို ဝင္လိုက္ရင္ခုလို မ်ိဳးျမင္ရပါလိမ့္မယ္။

Category ထဲမှာ Components ဆိုတာရှိပါတယ်။ Components ထဲကို ဝင်လိုက်ရင်ခုလို မျိုးမြင်ရပါလိမ့်မယ်။

ျမင္ေတြ႕ရတဲ့ ျမင္ကြင္းမွာ Font ဆိုတဲ့ စနစ္ရွိပါတယ္။ Fonts ထဲကိုဝင္လိုက္ပါ။

မြင်တွေ့ရတဲ့ မြင်ကွင်းမှာ Font ဆိုတဲ့ စနစ်ရှိပါတယ်။ Fonts ထဲကိုဝင်လိုက်ပါ။

Font ထဲမွာ Local ဆိုတဲ့ထဲ ကိုသြားပါ။

Font ထဲမှာ Local ဆိုတဲ့ထဲ ကိုသွားပါ။

Local ထဲမွာ ကိုယ္ထည့္သြင္း ထားခဲ့တဲ့ Zawgyi ေဖာင့္ကို ျမင္ေတြ႕ရပါလိမ့္မယ္။ Zawgyi ေဖာင့္ကို ေရြးခ်ယ္ေပးၿပီး Reboot ခ်လိုက္ပါ။ ဒါဆိုရင္ ဖုန္းထဲမွာ ေဇာ္ဂ်ီေဖာင့္ကို ထည့္သြင္းၿပီးသား ျဖစ္ပါလိမ့္မယ္။

Local ထဲမှာ ကိုယ်ထည့်သွင်း ထားခဲ့တဲ့ Zawgyi ဖောင့်ကို မြင်တွေ့ရပါလိမ့်မယ်။ Zawgyi ဖောင့်ကို ရွေးချယ်ပေးပြီး Reboot ချလိုက်ပါ။ ဒါဆိုရင် ဖုန်းထဲမှာ ဇော်ဂျီဖောင့်ကို ထည့်သွင်းပြီးသား ဖြစ်ပါလိမ့်မယ်။

Ref & Credit : http://www.internetjournal.media/how-to/1850

လာခြင်းကောင်းတဲ့ Hacking

လာခြင်းကောင်းတဲ့ Hacking

ITmm   12:37:00 PM

ဖက္ဒရယ္ဆိုတဲ့ ေ၀ါဟာရလိုပဲ hacking ဆိုတဲ့ ေ၀ါဟာရကလည္း တစ္ခ်ိန္က လိုဆြဲၿပီး ပံုဖ်က္တာခံခဲ့ရတယ္။ ဒါေၾကာင့္ hacking ဆိုတာ အဖ်က္လုပ္ရပ္၊ hacker ဆိုတာ လူဆိုးဆိုၿပီး လူအမ်ားစု စိတ္ထဲမွာ စြဲေနတယ္။ တကယ္ေတာ့ hacking ဆိုတာ ပညာရပ္နယ္ပယ္တစ္ခုကို တစ္ဖက္ကမ္းခတ္တတ္ေျမာက္ တယ္ဆိုတဲ့ အဓိပၸါယ္ေဆာင္ပါတယ္။ အခုတင္ျပမယ့္ ေဆာင္းပါးကလည္း အြန္လိုင္းမွာ ကြၽန္ေတာ္တို႔သံုးေနက် Website ေတြကို သံုးလို႔ပိုေကာင္းေအာင္ နည္းပညာနဲ႔ ျပဳျပင္ယူမယ့္ အေၾကာင္းျဖစ္ပါတယ္။

ဒါေၾကာင့္ လာျခင္းေကာင္း တဲ့ hacking လို႔ နာမည္ေပးလိုက္ပါတယ္။Website ေတြက သူ႕ထက္ငါ ေကာင္းေအာင္ႀကိဳးစားၾကတာပါပဲ။ ဒါေပမယ့္ အေကာင္းဆိုတဲ့ website ေတြေတာင္ စိတ္ကသိကေအာက္ျဖစ္စရာ အစိတ္အပိုင္းေတြရွိေနတတ္ပါ တယ္။ Page loading သိပ္ေႏွးတာမ်ဳိးေတြ၊ အေရာင္ေၾကာင္တဲ့ အတြက္ စာသားဖတ္ရခက္တာမ်ဳိးေတြ၊ ေၾကာ္ျငာေတြက webpage ရဲ႕ အဓိကအစိတ္ အပိုင္းကို ပိတ္ဆို႔ေနတာမ်ဳိးေတြ၊ option ကို ရွာရခက္တာမ်ဳိးေတြ စသည္ စသည္ျဖင့္ အမ်ားႀကီး ေတြ႕ရတတ္ပါတယ္။

ကံေကာင္းတာ Webpage ေတြရဲ႕ ျပႆနာေတြကို ျပဳျပင္ေပးၿပီး ကိုယ့္ စိတ္တိုင္းက် အေနအထားနဲ႔ ၾကည့္ႏိုင္ေအာင္ ေဆာင္ရြက္ေပးမယ့္ free tool ေတြရွိေနတာပါ။ သူတို႔က လွည့္ကြက္ေလးေတြနဲ႔ website ျပႆနာေတြကို ေျဖရွင္းေပးပါတယ္။ စက္ေပၚတင္ရတာကလည္း browser extension install လုပ္ရသေလာက္ လြယ္ပါတယ္။ ကိုယ္လုပ္ခ်င္တဲ့ hacking ကိုလည္း ကလစ္ တစ္ခ်က္ႏွိပ္႐ံုနဲ႔ လုပ္ႏိုင္ပါတယ္။ပထမဆံုးအေနနဲ႔ YouTube ကို hack လုပ္ၾကည့္ပါမယ္။ YouTube ဟာ ဒီေန႔ဆိုရင္ ေဖ်ာ္ေျဖေရးသက္သက္မဟုတ္ ေတာ့ဘဲ ပညာသင္ၾကားေရး၊ ဗဟုသုတရွာေဖြေရးအတြက္ သိပ္ၿပီးအသံုးတည့္ လာပါတယ္။

YouTube ကိုၾကည့္ရတဲ့ အရသာ ပိုေကာင္းလာေအာင္ အရည္ အေသြးျမႇင့္ပါမယ္။ အဲဒီကိစၥအတြက္ Magic actions for YouTube app ကို install လုပ္ပါမယ္။ အဲဒီ app ကို (www.chromeactions.com) ကေန download ခ်ပါမယ္။ သူ႕ထဲမွာ YouTube ကို ကိုင္တြယ္ဖို႔ အပိုေဆာင္း ေရြးခ်ယ္ခြင့္ေတြ တစ္ပံုႀကီး ထည့္ေပးထားပါတယ္။

ဒီ app ကို chrome ၊ Firefox နဲ႔ Opera ေတြအတြက္ သံုးႏိုင္ပါတယ္။ အံ့အား သင့္ရေလာက္ေအာင္ ေကာင္းတဲ့ ဒီ app က ေၾကာ္ျငာနဲ႔ မွတ္ခ်က္ေတြကို ပိတ္ဆို႔ေပးႏိုင္ပါတယ္။ ကိုယ္မၾကည့္ခ်င္တဲ့ page element ေတြကို ေဖ်ာက္ထားႏိုင္တယ္။ အဲဒီထဲမွာ comments ေတြ ပါတယ္။ ဆက္စပ္ ဗီဒီယို ေတြနဲ႔ အဲဒီဗီဒီယိုအေၾကာင္း ရွင္းျပခ်က္ေတြ ပါပါတယ္။ ေနာက္ၿပီး YouTube ေပၚက ဗီဒီယိုေတြကို ကိုယ့္စိတ္ႀကိဳက္ Size နဲ႔ resolution အတိုင္း ျပေစႏိုင္ ပါတယ္။

Mouse ထဲက scroll wheel ကိုသံုးၿပီး volume control လုပ္ႏိုင္ေစ ပါတယ္။ သူ႕ေၾကာင့္ screen capture လုပ္ႏိုင္မယ္။ တျခားလုပ္ႏိုင္တဲ့ ကိစၥ ေတြလည္း အမ်ားႀကီးရွိပါေသးတယ္။ Cinema mode ကေတာ့ အေတာ္ေလး သေဘာက်စရာေကာင္းပါ တယ္။ Screen ေပၚမွာ player ရဲ႕ ျပကြက္ေနရာ ေလာက္ကိုပဲ အလင္းေပးၿပီး က်န္တဲ့ေနရာေတြကို အေမွာင္ခ်ဖို႔ ခလုတ္တစ္ ခ်က္ႏွိပ္႐ံုနဲ႔ၿပီးပါတယ္။ Installation လုပ္ေနတုန္းမွာေထာက္ခံထားတဲ့ extra tool ေတြ အားလံုးကို install မလုပ္ဖို႔ေတာ့ သတိထား ရပါမယ္။
ဒုတိယ hack မယ့္ေနရာက Wikipedia ပါ။ သူ႕ထဲမွာ အပိုေဆာင္း options ေတြ ထပ္ထည့္ပါမယ္။

လက္ခံ ႀကိဳဆိုဖို႔ေကာင္းတဲ့ အပိုေဆာင္းစြမ္းရည္ ေတြကို အြန္လိုင္းစြယ္စံုက်မ္းႀကီးထဲမွာ ထည့္ႏိုင္ဖို႔ Wikipedia Plus on Chrome ကို install လုပ္ပါမယ္။ သူ႕ကိုwww.bit.ly/wikiplus402 ကေန download ခ်ႏိုင္ပါတယ္။ ဒီ extension ကို install လုပ္ၿပီးသြားရင္ link တစ္ခု အေပၚ mouse ျဖတ္တင္လိုက္တဲ့အခါ တျခားေသာ wikipedia entry ေတြကို စာသားအပိုင္းတိုေလးေတြ နဲ႔ ျပေပးပါမယ္။ section title ေတြကို in page link ေတြအျဖစ္ ေျပာင္းၿပီး ေဖာ္ျပေပးပါမယ္။ ဒါေၾကာင့္ book marking နဲ႔ sharing အလုပ္ကို ပိုၿပီး လြယ္ကူေစပါတယ္။ image တစ္ခုအေပၚ mouse ျဖတ္တင္ လိုက္ရင္ ပိုႀကီးတဲ့ image ကို အလြယ္တကူ ၾကည့္ခြင့္ရေစပါတယ္။

ေနာက္ထပ္စမ္းၾကည့္သင့္တဲ့ extension တစ္ခုက Black Menu for Wikipedia ျဖစ္ပါတယ္။ သူ႕ကို www.bit.ly/blackmenu 402 ကေန download ဆြဲခ်ႏိုင္ ပါတယ္။ သူ႕ကို install လုပ္လိုက္ရင္ webpage ေပၚမွာ sidebar တစ္ခု ထပ္ထည့္ေပးပါမယ္။ အဲဒီ sidebar ကေန တျခားေသာ Wikimedia foundation project ေတြဆီသြားႏိုင္ပါတယ္။ သူတို႔ကပိုၿပီး ထူးျခားလို႔လား။ ထူးျခားပါတယ္။ Wikimedia Foundation Project ေတြထဲမွာ Wikitionary ၊ Wikiquoto နဲ႔ Wikibooks ေတြ ပါပါတယ္။

ဒီတစ္ခါ စမ္းၾကည့္မွာက facebook ပါ။ face ကို ေျပာင္းလြယ္ ျပင္လြယ္ရွိ ေအာင္ ျပဳျပင္ၾကည့္ၾကပါမယ္။ facebook ဟာ တစ္ခါတစ္ခါမွာ အေတာ္ႀကီး စိတ္ကသိကေအာက္ျဖစ္ေစတဲ့အတြက္ ျပဳျပင္မွာပါ။ ဒီကိစၥအတြက္ social fixer ကိုသံုးပါ မယ္။ ဒီ app ကို www.social fixer.com ကေန download ခ်ႏိုင္ ပါတယ္။ သူက Facebook website အတြက္ အပိုေဆာင္း options ေတြ ထည့္ေပးပါတယ္။ ကိုယ့္ကို စိတ္အေႏွာင့္အယွက္ေပးတဲ့ အစိတ္အပိုင္းေတြကို ဖယ္ရွားႏိုင္ေအာင္ ကူညီပါတယ္။ဒီ extension ကို chrome ၊ firefox ၊ Opera နဲ႔ Safari browser ေတြမွာ သံုးႏိုင္ပါတယ္။ သူက newsfeed ေတြမွာ လိုတာ ၾကည့္ၿပီး မလိုတာမၾကည့္ရေအာင္ filter လုပ္ေပးႏိုင္ပါတယ္။

ဖတ္ၿပီးသား post ေတြကို ေဖ်ာက္ထားေပးႏိုင္ပါတယ္။ ဓာတ္ပံုငယ္ေလးေတြေပၚမွာ mouse ျဖတ္ၿပီး တင္လိုက္ရင္ ပံုရိပ္အရြယ္အစား ျပည့္ကိုျပေပးပါတယ္။ Webpage ရဲ႕ တခ်ဳိ႕ အစိတ္အပိုင္းေတြကို ေဖ်ာက္ေပးႏုိင္သလို Theme အေျပာင္းအလဲ လုပ္ႏုိင္ေစပါတယ္။ တျခားလုပ္ႏုိင္တဲ့ စြမ္း ေဆာင္ရည္ေတြ လည္း ရွိပါေသးတယ္။ ကံမေကာင္းတာက အခုအခ်ိန္မွာ ဒီ extension ကို update မလုပ္ေတာ့တာျဖစ္ပါတယ္။ ဒါေၾကာင့္ browser အသစ္ေတြမွာ တခ်ဳိ႕ေသာ စြမ္းေဆာင္ခ်က္ေတြ ေကာင္းေကာင္းအလုပ္လုပ္မွာ မဟုတ္ပါ ဘူး။

ေနာက္ဆံုး hack ၾကည့္မယ့္ေနရာက Gmail ျဖစ္ပါတယ္။ Gmail labs ဟာ စမ္းသပ္ဆဲ စြမ္းေဆာင္ခ်က္ေတြကို Gmail Service ထဲမွာ ထည့္ခြင့္ျပဳပါတယ္။ ဒါေပမယ့္ Gmail Lab ကို update မလုပ္တာ အေတာ္ၾကာပါၿပီ။ Gmail Lab ရဲ႕ စြမ္းေဆာင္ ခ်က္စာရင္းကို ၾကည့္ဖို႔နဲ႔ ကိုယ္ႀကိဳက္ရာ စြမ္းေဆာင္ခ်က္ကို enable လုပ္ဖို႔ Gmail ကို အရင္ဖြင့္ပါမယ္။ ၿပီးရင္ Setting ထဲ၀င္ၿပီး Labs ဆိုတဲ့ tab ကို ကလစ္ႏွိပ္ပါမယ္။ Highlight လုပ္ျပထားတဲ့ဟာေတြထဲမွာ preview pane နဲ႔ canned Responses ေတြ ပါပါတယ္။

Preview pane ဟာ message content ေတြကို inbox ရဲ႕ ညာဘက္မွာျပေပးႏိုင္ပါတယ္။ Canned Response ကေတာ့ သံုးေလ့သံုးထရွိတဲ့ ပံုေသျပန္စာေတြကို ကလစ္တစ္ခ်က္ ႏွိပ္႐ံုနဲ႔ ယူသံုးႏိုင္ေအာင္ လုပ္ေပးထားပါတယ္။ ဒါေၾကာင့္ စာ႐ိုက္ရသက္သာ ေစပါတယ္။ 
Canned Response ထဲမွာ လိုခ်င္တာေရြးၿပီးရင္ ေအာက္ဘက္ကို ဆင္းၿပီး Save changes ကို ခလုတ္ႏွိပ္႐ံုနဲ႔ စၿပီး အသက္၀င္ပါတယ္။

အေကာင္းဆံုး Add-on ေတြထဲမွာ တစ္ခုဟာ Boomerang ျဖစ္ပါတယ္။ သူ႕ကို www. boomerang ကေန download ခ်ၿပီး သံုးႏိုင္ပါတယ္။ Firefox ၊ chrome နဲ႔ Safari ေတြမွာ သံုးႏိုင္ပါတယ္။ သူက message ေတြကို သတ္မွတ္ရက္မွာ ပို႔ႏိုင္ေအာင္ ျပန္စာေတြကို သတ္မွတ္ရက္မွာ ပို႔ႏိုင္ေအာင္ အေထာက္အကူ ေပးပါတယ္။ reminder schedule ဆြဲထားႏိုင္သလို message tracking လည္း လုပ္ႏိုင္ေစပါတယ္။

ေနာင္စိုး(ထား၀ယ္)
Mobile Guide Journal (Every Monday)
https://www.facebook.com/officialmobileguidejournal

Virgin numeite bek ii’ ngah theih Maiden Bursary Award

Virgin numeite bek ii’ ngah theih Maiden Bursary Award

Health   10:40:00 PM

South Afica gam KwaZulu-Natal Province a awm uThukela Municipality ten Scholarship a lamdang khat phuankhia uh hi. Tua scholarship min pen “Maiden Bursary Award” kici hi. Hih scholarship ngah theih nangin virginity test  neih kuul  hi. Tua test na panin a virgin te bekin hih scholarship ngah thei ding uh hi. Numei upa ten pheek phat ngiatin limtakin en dik ding uh hi. Hih scholarship ngah theih nangin mi khatin chance khatvei bek nei hi. 

Pretoria University  pan Thubelihle kum 18 in hih scholarship ngah hi. Thube in tua scholarship a ngah theih nangin pasal lak pan lim takin kikem hi. Leitung a zawh theih nangin hanciam hi. Thube adingin hih scholarship bek mah aki ngakna ahi hi. Innkuan genthei sung pana piang ahihmani hih scholarship lo tawh sangkah zopna ding lam-etna om lo hi. 

Mayor Mazibuko in hih scholarship hong piankhiatna pen numeite tung pan mah hi ci hi. Nyokeni Royal Palace, Nongoma, KwaZulu-Natal lamsinna pan hih ngaihsutna hong piang khia hi. Zulu numei pawl ten kumpi huang sungah kumcin lam pawi ciangin lauluang va tawilut zel uh hi. Kum 1990 kiim pan in September kha simin South Africa ah Reed Dance(lauluanglam) kibawl zel hi. Kumpi Goodwill Zwelethini in HIV/AIDS pan a kidal nangin kideek zawhna a thupizia a kilatsak nopna ahi hi. 

Hih virgin te bek ii’ ngah theih scholarship in Africa gamah kinialna tampi piangsak hi. Banghang hiam cih leh hih pen siamna tawh kingah hi lo in virgin bek tawh ki ngah hi ciin Javu Baloyi, Commission on Gender and Equality in gen hi. Pilna ngah theihna ding lampi adang om ding hi. South Africa opposition Party te bangin Human Rights Commission ah dan tawh kituaklo ciin heekna thupuak uh hi. Ahizongin hih scholarship a phuankhia uThukela Mayor Dudu Mazibuko bel patau lo hi. Amah a nungakno lai in naupaai(gaai) kha  ngei ahihmanin ama’ palkhak bang midang ten a palkhakloh ding deihsak hi. 

Mazibuko in amau district nungakno tampi ten naupaai in a kiamsak nangin theihtawp suah mahleh lawhcinna omlo ci hi. Kum 2012 in KwaZulu –Natal province pen South Africa ah nungakno a gaai a tamna pen hi. Tua kumin naupang 26000 nungakno kum 15 -19 sung pan piang hi. uThukela district pen HIV/AIDS a tam mah mah na district khat hi. Numei a gaai laka a lang phial pen HIV/AIDS vei ahi uh hi cih Mayor Mazibuko office ten gen hi. 

South Africa ah HIV/AIDS vei million 6 val om in leitung bupa HIV/AIDS vei a tam penna ahi hi. A diakin nungakno te in ngah baih uh hi. Bang hang hiam cih leh pasal upa tampi ten sex zatpih uh a nial zolo uh hi. Pasal upate condom zat dan ding natawm amau hilh theilo uh hi. Sex zang dingin in kiging khol manlo uh cih Mazibuko in gen hi. Thube high school lawm tampi te pasal upa ten sum leh van a tuam tuam tawh khemin sex zatpih uh hi. Africa ah sangnaupang a gaai(naupai) te a course a zawh dong kikahsak kimah leh a tamzaw ten tawpsan uh hi. Nikumin South Africa President Jacob Zuma in singtang makai khat kiangah a genna ah sangnaupang naupai te Robben tuikulh Nelson Mandela thongkiatna ah a course a zoh dong  kituamkoih ding ci hi.

src: Scholarships for virgins: Outrage over South Africa 'maiden's bursary'

Source: Thangpi Naulak

Na Virginity kembit in.

Na Virginity kembit in.

Health   10:27:00 PM

Sex cih ciangin ngaihsut dan a tuam tuam om thei hi. Pawlkhat in pumpi taksa lunggulhna hang bek in ngaihsun uh hi. Pawlkhatin bel ki it sem sem nang leh kizopna hoih nangin ngaihsun uh hi. Numei pawlkhat leh pasal pawlkhat in bel taksa nopna bek ngaihsutna in sex zanglo in ngaihsutna tampi tawh zang bek uh hi. A tangpi thu in pasal te in zi dinga a ngaihsut kholloh uh sex zatpih ding beka lawmngaih tampi nei uh hi. Tuamah bangin numei pawlkhat in zong pasal tak taka hi lo tawh sex zat ding phamawh salo mawk uh hi. Ahihhang mikim in bel hihdan ngaihsut dan nei kim lo uh hi. Pawlkhat in sex thupina tel uh ahihmanin lungsim ngaihsutna tampi a om khit mateng mawk zat pah sam lo uh hi. Ahizongin pawlkhat in bel thupi ngaihsut lo in a tuah peuh peuh uh hih nuam phial uh hi. Pawlkhat bang zi leh pasal nei khin nangawn in midang tawh sex zang ngam lai zen uh hi ve aw.

Sex pen a nop man beka zat ding hoih khin sam lo hi. Bang hang hiam cih leh thupi hi. Thupi ahihmanin na thupi ngaihsun keia ut bang banga na mawk zat leh siat lawh ding hiteh. Limtak ngaihsun masa phawt in, hong zawn khempeuh mang ken. Na zatpih ding pasal te telcian in. Pawlkhat bangin na zat khin ciangun hong neumuh nuam lai ding uh hi. Tua ahihmanin na telcian pasal lo tawh sex zang vet kei zaw in. Na pilvan kei leh den cianga na lungkham na ding hi zaw lel hi. Minute 10 zong a cinglo nopna in hun sawtpi hong lungkhamsak thei hi. Pasal na muan mah mah te sim loh sex zatpih kei in kisik ding hiteh. A sin mi te in, sex in numei khuak nakpi takin sukha hi ci uh hi. A sex zatpih te uh tungah a lungsim uh a tamzaw om hi ci uh hi. Tua ahihmanin ki ngaihna zong khangsak thei hi. Na deih tak tak loh te sex zatpih kei in, paisan thei lo in awk kha ding hiteh. Sex pen a mihing sangin thupi ngaihsun masa zaw sam kei un. Tuabang lungsim a puate in itna tak tak tawh lawmngai lo in sex zatpih nawp man in ngaizaw uh hi. Tuabang mite zahtak huai lo uh hi.

Numei/pasal mawhna pen tuhun leitungah Satan van zat khat ahi hi. Thudanga citak zote zong hi munah khial kha zel uh hi. Tulai khangnote siatna pen kici thei phial ding hi. Mihingte pen a kiheel, a ki ngai leh a kiteeng zel te ihi hi. Hih hun sungin pilvan mah mah ding kitangsam hi. Bang hang hiam cih leh kiteen ma, kiheel leh kingaih sungin mawhna khuukah ki lut thei hi. Sex lama kideek zolote gamtang khial kha kici zel hi. Ahizongin “khial” cih ding ahi khol diam maw? Khial kha cih kammal sang “phawmawhsalo” cih kammal tawh kituak zaw ding hi. Ki tawp pen “Sacred Symbol” bangin ki ngaihsun hi. Itna leh kideihsakna kilatsakna khat zong hi mah. Ahizongin hih in si leh sa lunggulhna piangsak thei hi. Sex lam gilkial sak thei mawk mikmeek hi. Tua ahihmanin kitawp lunglut luat pen siatna kipatna lampi khat hi. Tua lampi na zuih leh na nuntakna siangtho zolo dinga, a tawpna ah na kisik ding hi. Paunak khatin, "Numeite khialhna kipatna pen pasalte a tawp(kiss)na pan hi" ci zen hi. Numei tangval khatpeuh in ut banga -a kiss pen deih huai khollo hi.

Khangno ten lim ngaihsutlo in om khawm ngeingaii thei mawk uh hi. Vaigam bangah unau bangin kigen uh a inn luahkhawm ziau mawk uh hi. Numei leh pasal kinai tettat a om nuamsa uh hi. Mipi omkhawmna khawngah a kitawi mah na om man zel uh hi. Tuabang hun ciang namdang ten neu-et nuam zawlai uh hi. Tua bang miten “Hai lua ing” cih lo-ngal etsak dang nei lo hi. Numei leh pasal khut kilen, ki zawt zawt leh ki massage zong hoih khin lo hi. Tua in a hoih lo lamah makaih thei hi. Vehicle Dating pan zong kikep huai hi. Tangval pawlkhat Bike leh Car tawh nungak lungsim a lak sawm om thei hi. Zong mu takpi mai uh hi. "Hong tuang ve" ci-a zolna pen khemna namkhat hi thei cih phawk in. Tuhun leitungah mataw leh cycle/bike khawng tawh mun simtham lam zuat pen Satan nasepna khat hi. Pastor khat in, "Car sung pen haan kihong, nungak leh tangval tampi te sianthona kiphumna hi" ci phial hi. Hih munah itna pen mawhna/khialhna tawh kizom hi. Nungak/tangval te aw lungsim kician nei un. Gualnopna mun siangtho lo te ah kuamah zui kei zaw in. Cinema Hall, Night Clubs, Hotel, Discotheque etc. te pel in. Na nuntakna siangtho hong sut in ngaihsutna nin hong guan ding hi. Na Computer leh Cell Phone te ah zong sex lamsang limlaak leh Video koih het kei in. Mit tawh muh khakna nangawn pan ngaihsutna hoihlo piang thei hi.

Sex pen nuamsak man bek in ngaihsun ken. Bang hang hiam cih leh tua hangin a hoihlo tampi piang thei hi. Tua nawpna in lungkimna hong pia tuan lo ding hi. Ki itna man leh dik mah in khamuan na hong neisak zaw ding hi. Tuhun khangno lawm kingaite in sex zat pelmawh dingin ngaihsun uh hi. Kum naupang cikcik ten sex zat ding poisa lo mawk uh hi. Gitlohna leh mawhna in ngaihsun lo uh a, ahi ding mah in ngaihsun mawk uh hi. Mihing te bek in kiteen na zungbulh ki zang hi. Leitung ah mihing te bek in kiteenna nei hi. Ganhing ten zungbulh zang lo hi. Ganhing te ki teeng  se lo in sex bawl uh hi. Mihing leh ganhing iki lamdan kuul hi. Mihing hi na pi in, Pasian’ mai ah ki teen na om nai lo pi a- sex a bawlte ganhing tawh a kibang uh hi. Zi leh pasal neihma in sex na zat a tua tawh na kiteen kik kei leh  kisuanlahna tampi nei ding hiteh. Na lungsim nuam lo mah mah ding hi. Na kiteen khit ciangun na zi/pasal in theikhia veve ding hi. Tua in na nupa kal kizopna uh zong siasak thei lai hi. Tua ahihmanin ki deek zohna mah thupi hi. Pasian in sex pen nupa kikal beka zat dinga a bawl ahi hi. Tua lo a na zat leh tuapen gitlohna leh mawhna nam khat hi pah hi. Tua ahih ma in kiteen hun ngak keei kaai zaw mai un. Na kideek zawh mah mah kei leh lah na zi leh na pasal ding tek tek mi khat bek tawh zang un. Tuhun ciang natna hoihlo tam ta ahih manin hi thei leh kiteen ma in sisan sittel masak ding hoih hi. Bang leh bang leh numeite aw na virginity na pasal kiang bek ah pia in.Tua in sum tawh kilei thei lo, na mo vanh ken manpha pen ahi hi.

Source: 4th April 2012 by Thangpi Naulak

Na lungsim khiam kei in

Na lungsim khiam kei in

Tangthu /Tales   10:04:00 PM

Hih Photo pen million khat val in (y)
°°°°°°°°°°°°°°°°°°°°°°°°°°°°°°°°°°°°°°°°°°

A mawtaw tuangin a nasepna pan ong ciah ciangin football coach Earl Davis in lampi ah a muh na pen lamdang sa mahmah hi. Tangval no khat in lamnawl ah sikkual akawng ah khihsa in a dawn ah  mawtaw pei kikhih pen kai in na taipih hi.

Earl in a mawtaw khawl sakin, bang hangin hibangin om hi ding hiam cih va dong hi.

Tua khangno pa in zong a lungsim tak tawh "Tan 10 bawlung kidemna ah lut nuam in a kisin khol ka hi hi" ci hi.

A innkuanpihte in zong deihsak, uksa uh, ahi zongin sum haksatnna tawh bawlung sinna ah zan giak a alawmte tawh a sinkhop ding oen piang thei lo hi. Ahi zongin a uk leh a tup khat pen nusiat sawm hetlo in, tangtun theih nang lampi zong teitei in amah le amah in hanciam in a kisin ahihna thute hong holim khawm uh hi.

Ong kiho toto uh a, Earl in a mawtaw tawh tua khangno pa gei ah pai in, khangno pa zong a tai zomsuak hi. Tua bang a akisinna te a muh ciangin Earl in ka football team ah nong lut mai dia ci in kam onv gingsak hi. Sawtpi ngaihsun dedu se lo in a lut din kamciam ong pia ta hi.

Hi thupiang teng Earl in facebook ah ong gelhkhiat ciang in mite lungsim khoih kha mahmah in, a post zawh nai 15 khit in $3200 bang panpihna na pia khin uh hi.

Na nuntakna ah na ngimna, na tupna ong khaktan thei ding thusia, vai sia na tuak kha ngei hiam?
Nang i tha tawh na nvaihsut ciang na lungkiat hun om ding hi. Tua bang na tuah hun in hih khangno pa tangthu na ngaihsun kik in.

#Len_Nupa

NA SANGGAM NUMEITE IT IN

NA SANGGAM NUMEITE IT IN

ZoCulture   8:21:00 PM

          Zo ngeina ah sanggam numeite gamh kiluahsak lo se hi. Pu le pate mawhsak pah ding zong hisam lo hi. Numeite in a Pa´ inn panin gamh a luah loh hangin ama mothakna beh sungah gamh luah uh hi. Tapate in Pa' gamh a luah thei ahih hangin a zawng mahmah Pa khat nei kha leng, pasal teng in a luah ding uh gamh bangmah om lo thei mawk hi. Ahih hangin i sanggamnu pen mihau tangval khat in tenpih leh amah pen unau sungah luah ding gamh tampi a neinu suak mikmek hi. Tua hi a, i Zo ngeina pen a vangkim mahmah a kilekkim mahmah a hihi.
             I mokhak khempeuh i Ni ahi zongin, i sanggam numeite ahi zongin ei' inn ah innsung dongta tanu, haitawi-in hong pang kik uh hi. Nopna dahna ah a mau loin zuleh sa kine zolo hi. A mau khutma ki ngak a hihi. Nidang lai-in inn sungah siatna(sihna) hong om ciangin misi kivui pah lo in ni tampipi kikoih hi. Sivui ciang a zatding zu bang bilh tawm hit-hiat phot uh hi. Misi a uih loh nadang in mei ah kihaang(hai) ahih manin a sithu khawng luang gawp hi. Tua misi' sithu teng lawngin a vun ahawkna uh a khut ua si baangte ki sawp khiasak lo hi. Sawp siang kha le uh "Tanu ten hong kih"ci in innteekte lungkim lo uh hi. Tua a sithu lawnna uh tawh tangman, tangngan lom in an ne uh hi.
         Tua bang ahih manin tanu dingpen laizom taktak sanggam numei a neite ki-eng mahmah uh hi. Sanggam numeite in I Nu leh I Pa zong ngai phadiak uhhi. Tua hi a a sanggam numeite pen hawmthawhin it mahmah ding hi a, amau nuam hong sak nadingin amah leh i makpa leh i tute i limbawl mahmah ding a hihi. Nu leh Pa' inn sung panin inn dang khatah a lut uh hi mawk a hih manin Nu le Pa tawh nuam takin kithuah kha nawn lo uh hi.
        A manawh phung sungah a inntek theih nadingin i neihsa tawh kizui-in a hithei zahzah hamciamin moken hoih i guat siam ding kisam hi. Sanggam pasalte in sanggam numeite lungkim takin mokhakin thupha i piak ding a hihi. I Pi Rebekah zong a sanggam pasalte in hih bangin thupha pia uh hi. "Kote' sanggamnu aw, a tultul a thenthente' Nu hi ta in. Na suanlekhak te in a mau a mudahte' khuapite luah ta hen!" ci giap uh hi.(Piancil 24:60)
         Jacob tanu Dinah pen Hiv mi Hamor' tapa Shekhem in mawhpih a hih manin Jacob tapate in a sanggamnu a gupna uh hangin Hamorte pata leh pasal teng thatin khuapi susia cip uhhi.(Piancil 34:1-31). Amnon in zong Absalom sanggamnu Tamar mawhpihin deih nawnlo mawk ahih manin Absalom in a sanggamnu agupna hangin Amnon thatsak hi.(2Samuel 13:1-31)
             Hih thute i gen ciangin sanggam numeite hutna-in mi that ding cihna hilo hi. Unau ki-itna i gen nopna bek ahi hi. Tu hun adingin sanggam pasalte in sanggam numeite sangkahsakin pasalte tunna ciangciang mah a tun theih nadingun i hanciampih ding ahihi. Tanglai a-te man bangin i sanggamnu adingin i thatang tawh i thalawh sa, sum le paite i zeek khiat ngam ding a hihi.
           Rebekah sanggam pasalte' thupha piakna kammal mah bangin i sanggamnu in a tultul a thenthente' Nu a suah theih nadingin pilna siamna a neih ding kisam hi. A pasal neih ma-in pantah a, sum leh pai i zeksak man zahzah i sanggamnu in zong i Pa' gamh a luahluah hi gige hi. Pilna siamna sangpi i guat manleh moken hoih a guan zo ihi pah hi. Sanggam numeite a it siam dingin Topa Pasian in Zomi sanggam pasalte thupha hong pia ta hen!
 
#Copy
   #HAUHNA_LEH_KHANSAUNA_THUSIM (3veina)
Page(71-72)
                   By: Evan. Langh Do Khup

History of Guite Family

History of Guite Family

Zomi History   9:58:00 PM

Thu masa:

1.     Songthu leh anaunu Nemnep kiteng:

2.     Nemnep in mang lamdang man:

3.     Nemnep nausuak:

4.     Naumin phuak:

5.     Ni pan a piang Guite:

6.     Guite leh Thahdo ki unau ahihna:

7.     Cimnuai-ah Guite hong khanna:

8.     Cianlai-ah Songthu:

9.     Nigui:

10.  Gui Gen:

11.  Guimang:

12.  Mangsum:

13.  Guite in Cimnuai a nusiatna:

      1)     Bangkua sung:-

      2)     Biakna:-

      3)     Siksek:-

      4)     Galvai sa vai:-

      5)     Tangko:-

      6)     Upa vaihawm:-

      7)     Siampi pal am:-

14.  To neih kipatna:-

15.  Govum:-

16.  Tonmang:- 

A zom ah:

      1.     Tedim khuasat Guimang

      2.     Vumsum:-

      3.     Mangpum:

      4.     Thanggo’ tangthu:

             1)     A ki thah sawmna:

             2)     A ki thah sawmna:

      5.     Aigia-ah Thanggo:

      6.     Sialthahah Thanggo:

      7.     Lamzang innpi Thanggo:

      8.     Summang:

      9.     Tedim gam piangsak Pumgo:

      10.  Paihte min puakna:

Guite Khangthu 

(History of Guite)

April, 1986 Kaleymyo.

Thu masa:

Nidang lai-in ih pute Tibet gam panin lal khia-in mun tuamtuamah bu sa kawikawi-in na om uh hi. Hun khat ciangin, Kawlgam lu lam panin lutsukin Tuikaang dung zui-in Gunkhawm na tung uh hi. Hih mun tengah innkip lokip taktak na nei mello uh a, leihawm sung, suanghawm sung peuh na bel uh hi. Tua ahih manin Zomite KHUL apiang kici uh hi. Kawlgam sungah hun sawtpi sung a ten khit nungah Shante hong khang uh a, tua ciangin Zomite in mualtung gam ki zuan hi. Taaksat khua panin CIMNUAI khua ki zuan hi.

1.     Songthu leh anaunu Nemnep kiteng:

Tua bangin khuakip hong neih khit uh ciangin, Pu Songthu in, Taaksat panin Cimnuai hausa semin Zomite na makaih hi. Songthu in a zi tawh hun sawt sim a ten khit nungah ta neilo-in om hi. Tua thu hangin a ci man ding lau ahih manin a zi’ kiangah hih bangin thu gen a, “Mi dang zi-in nei leng nang hong simmawh ding uh hi, tua ahih manin hih ka sanggamnu tenpih leng nang’ adingin hong hoih zaw ding hi,” ci-in lungkim sak hi.

Tua banga azi a lungkim sak khit ciangin anau nu Nemnep tawh lo giak khawm uh hi. Songthu in anaunu’ kiangah alungsim teng leh a ci man khak ding adahna thu teng genpihin a unau-un kiteng dingin hong thukim uh hi. Tua a lo giahna mun in Aisan lui gei ahih manin Aisan lo a kicih banah Aisante nupa ci-in ki ciamteh hi.

2.     Nemnep in mang lamdang man:

Nemnep pen a melhoih, a tha kicing simsim khatin ki gen hi. Nemnep zong asawt lo-in nau hong paai a, a nau paai sungin mang lamdangdang aman thei zel hi. Zan khat amang in a huan sunga Hual singpi heng sung nisuak in kap lela hi. Tua ni zang gui pen taang pha mahmah a, sakhitui hup bangin hual heng sung a sun hi. Tua bang mang lamdang amat ciangin lamdangsa-in Songthu’ kiangah a gen hi.

Songthu in tua thu a zak ciangin, “Thu lamdang khat hong ki hilh hi kha ding hi,” ci-in, huankhanga Hual heng sung a va et leh Nitui ai, aktui cia apha suangvom kilkel khat a mu hi. Tua ni tui ai Songthu in aksi a nuh pah hi. Tua ciangin taangbem tungah koiha, “Hih ni tui ai in hong siam ding ahih manin, ih bia ding hi,” ci hi. Tua ni tui ai a kep ni vua kipanin a lamdang mahmahin a masuan uh daupaina a om lam Songthu in thei hi. Tua ahih manin ni tui ai kipatna leh biak kipatna a hi hi, ci-in ki ciamteh hi.

Zan khat Nemnep in mang khat man leuleu a, amang sungah zingsang tunga ni suak panin a taang pha mahmah ni vang in taang bem tunga kikoih ni tui ai a tan leuleu hi. Tawmvei khit ciangin tua ni tui ai naungekin piangin nakpi-in a kap hi. Tua naungek la dingin a thawh leh a khanglo hi. Hih amang lamdang zingsang ciangin Songthu’ kiangah gen leuleu hi. Songthu in, “Ni in hong siam taktak hi ding hi,” ci-in a ngaihsun hi.

Nemnep in zan khatin mang lamdang khat hi bangin a man leuleu hi. Amahmah huan sungah um gui-in apo hi. Tua umgui zam in inn sung teng a khuh hi. Tua um gui tungah umgah hoih mahmah khat gah a, anun kawi sathau biing tawh kibang hi. Tua um gah pen ni vang taang pha mahmah in meikawm panin taanin nakpi a tei tawh sut bangin a sun kham hi. Tua ciangin tua um gah hong kitam kham a, naungek khat pusuak khia-in a kap hi.

Khatvei Nemnep in mang lamdang khat man leuleu a, amang sungah nisut laitakin ihmu-in a ki ngaihsut sungin, zana aksi ekkia tawh kibang pian khat, ataang pha mahmah vantung panin kia-in ama tungah a tu hi. Tua ataangpen in amah a khak ciangin asi ding zahin lau-in a awngkhia hi. Tua a awt in amah phawngin a khanglo hi.

3.     Nemnep nausuak:

Tua bangin mang lamdang tuamtuam a mat a sawtlo-in Nemnep in tapa khat hong nei hi. Nau a suah ciangin Songthu zong nuam mahmah a, “pasiante in cimang lo dinga hong siam hi, khan’sau henla nuvak, pavakin piang hen,” ci-in Thupha pia hi, kici hi.

4.     Naumin phuak:

Hausapa Songthu in tapa a neih ciangin, nuam lua ahih manin naumin phuak dingin a upat pihte a khawm hi. Naumin a phuah ma-un Nemnep in amang lamdang mat teng upate’ mai-ah a banbanin gen hi. Upate in zong lamdang sa-in, “Hih naungek in ni tawh kizopna thu nei hi,” ci-in ngaihsun uh ahih manun nau min dingin ni gui pan apiang hi cih deihna-in “Guite” phuak ni a ci uh hi.

5.     Ni pan a piang Guite:

Hih Nemnep mang sunga thute’ hangin ni in hong siam hi, Tua ahih manin hi bangin ni tawh kizopna ih nei hi, ci-in ngaihsun uh a, nidang lai akipanin Guite in ni pan a piang hi hang, ci-in ki gen hi. Hih thu siksanin Nampi’ ta ni in siam hi cih thu Zomite’ sungah gen belin ki nei hi.

6.     Guite leh Thahdo ki unau ahihna:

Nemnep in tapa Guite a neih khit ciangin a sawt lo-in Songthu in a zipi tawh ta a nei hi. Tua banga a zipi’ sungah tapa khat hong suah khiat ciangin a zi a itna leh azahtakna alahna a hih banah ngeihna man khat ahihna hangin Guite inn luahsak lo-in a zipi’ ta a luahsak hi. Hih a zipi’ tate in Thahdo-te a hi uh hi. Tua ahih manin Thahdote in apiang masa Guite in inn a luah loh hangin ih u hi ci-in zahtakin sa agawh uh ciangin a cingsa (Sacing) pia ngitnget uh a, tu ni dongin ngeina-in a zang uh hi.

7.     Cimnuai-ah Guite hong khanna:

Guite in aneu lai pan a pil vang a teitang khat hi a, a khan gualte tawh a kimawl ciangin a gualzo pen tawntung hi. A khan’ gual sungah buangual a hawm ciangin a zo penpa ahih manin makaipi a sem pah hi. Tua bangin a neu akipan ngal hat pah a hih manin agol ciangin zong sa beng tawntung a, sa minthang tampi apa’ kiang a tun hi. Tua ciangin apa in muang mahmah a, inn sung bangkua vaihawm leh thudot belin a nei hi. “Galman, sakap a mi’ tungah tuanna in Nampi suahna hi,” ci-in ahilh hi. Tua bangin Guite in amuanhuai tangval khat hong hi a, apa in zi a guan pah hi

8.     Cianlai-ah Songthu:

Guite in pasal muanhuai khat a hong pian ciangin Songthu in Cinnuai khua nusia-in lal khia a, Cianlai khua asat hi. Hih thu Boo Siing Khuakhai’ gelhna suangpi mualsuang a kici laibu sungah: “Songthu in Cimnuai khua panin hong lal khia-in Tualphei tui ne-in Cianlai, Saizaang khua-ah teng hi,” ci-in kigelh hi.

Songthu alal khiat khit akipanin Guite in Cimnuai khua-ah Hausa a sem hi. Hawm leh gen siamin khua leh tui uk zia siam ahih manin khua zang bup in ankhing khamin nuam a sa uh hi.

9.     Nigui:

Guite in tapa khat a nei hi. Tua atapa pen ni pan piang ahihna bulphuhin Nigui a phuak hi. Nigui in pianpih sanggam nei kha ahi zongin ki theilo hi. Khangluite in inn luahpa’ min bek na ciamteh uh hi. Tulpite in inn luahpa’ min bek tawh na phuisam uh ahih manun nauzaw tampi’ khang kikan zo nawnlo hi. Nauzawte in tul a khen uh ciangin a tul khenpa’ khang panin na pan leuleu uh ahih manin, khanggui kanna haksa mahmah hi. Guite in tapa Nigui a neih khit ciangin si a Cimnuai khua-ah kivui hi.

10.  Gui Gen: 

Nigui in tapa khat nei a, amin dingin Guigen a phuak hi. Nigui pen Cimnuai mahah si-in kivui hi. Guigen in apa’ hawm leh gam’ teng luahin Cimnuai mahah Hausa semin amang hi.

11.  Guimang: 

Guimang in zong apu leh apa’ hawm leh gen teng mah hawmin amang hi. Tapa a neih ciangin amin Guimang a phuak hi. Guimang akhan ciangin, khuakim khua pamah khua kisat kawikawi zo hi. Songthu in Cimnuai panin alal khiat nungah mi pawl khat zong mundang zuanin a pem uh hi. A hih hangin Cimnuai khua mah khuapi-in nei a, Guimang hawm lehna sungah om ciat uh hi. Tua ahih manin Guimang in:- Khuakim a min siahin dem lo, ka khua cimtui tungah ka vang kammei sang lah sazawnge, na ci hi. Hih la pen khanglui la hi a, a bul leh adawn neilo a kisa a hi hi.

Guimang in tapa Mangsum nei hi. Tua bangin Cimnuai khua-ah nuamsa-in a om khit ciangin hawm leh gen zo-in si a, Cimnuai khua mahah ki vui hi.

12.  Mangsum: 

Mangsum in apa’ sih khit ciangin nu leh pa’ min leh za akipanin neih leh lam teng luahin hawm leh gen siam ahih manin, khua leh tui in muangin kim leh pam in zong a bel uh hi. Pu leh pa’ ngeina leh biaknate puahin hahkat mahmah a, mi khempeuh in itin muang uh hi.

Tua hunin Mangsum in la phuak a:-

a)     Pu von thang aw ii kasualna omlo, sunni sang lahsa zawnge,

b)     Sun ni sang lah sa zawnge melmak tengin sih khum bang hong zuan nah e, na ci hi.

Mangsum in tapa Tuahciang nei-in a si hi. Pu leh pate mah bangin Ciimnuai-ah kivui hi.

13.  Guite in Cimnuai a nusiatna:

Mangsum’ sih ciangin atapa Tuahciang in Cimnuai khua-ah teng hi. Tuahciang’ hun ciangin khua sung, gam sung ki ukna leh sihni nopni a khua sung ki zopnate puahpha-in ngeina kip apiang sak hi.

      1)     Bangkua sung:- 

Sihni nopni a bangkua sungah nasem silbawl dingin dongta kici mi pawlkhat kiseh tuam hi. Tuate in Thallohpi kici sanggam pi, bangkua pipa khat kikoih hi. Tua zomin Thusa hai tawipi, kici tanu pi leh tanu naulai, tanu thumna haihawl, Pu, nuphal, sanggam, zawl, ci-in adawldawlin pan mun sehna nei dimdiam uh hi.

      2)     Biakna:- 

Khua leh tuite a ci adam theih nading ngaihsutsakna-in Siampu, Khongkhai, aisan cih bangin dawisa siampu anamnamin kikoih hi.

      3)     Siksek:- 

Khua mite tu zat hei zat leh Teipi, namsau, galhiamte asek dingin aveng sungah siksek khat ciat akoihsak hi.

      4)     Galvai sa vai:- 

Gal leh sa-ah amakai dingin galhang pasal kimkhat akoih hi. Tua mite in gal vai sa vai-ah makai uh a, galkap maang a omsak uh hi. Galbeng sa bengin a kuan uh ciangin galmai phu dingin a koih uh hi. Upate vaihawmte zomin zahtakna angah mite a hi uh hi.

      5)     Tangko:- 

Upa vaihawmte tawh kopin na sem a, mipite in sep leh bawl ding vaihawmna a om ciangin khua sungah tangko-in a zang uh hi.

      6)     Upa vaihawm:- 

Hausapa’ thu dot leh vaihawmte a hi uh hi. A vengvengah upa koih a, ukna za pia hi.

      7)     Siampi pal am:-

      Mi khat a sih ciangin ki mawk koih theilo a, biakna ngeina cing tawh vui kul hi. Tua     bang ngeina sem dingin langkhen ki tuamkoihin, tua pa bek in misi kivui nading lang khen thei hi. Tua mah bangin khuangtum teilek cih bangin zeksa sem ding mi atuamin kikoih hi. Tuate lo-in si kivui theilo hi.

     a)     Ka khuamual pi aw ci’ng, Cim khua mualpi aw ci’ng, seino ka thah lu aw lelah phual va bangin tuang nahe”, na ci hi.

Tuahciang in Geltui khua-ah nuamsa mahmah a, galman sakap bek hilo-in a khing asa zong kham hi. Tuahciang, Geltui khua-ah tek sih hi, ci-in kiciamteh hi. Tuahciang in ta pasal Lamlei leh Hauzel nei hi.

14.  To neih kipatna:-

Ngeknguk khan kipat ciangin tanglai a apu Lamlei in agalmatte’ sung pan apiang Khupthangte unau teng inn leh lo guan hi. Tua banah bangkua kizopna ngeina khat tawh a paikhia sak hi. Ngeknguk in, “ Tute aw, ih ki-it ih ki ngaihnate amang lo dingin pusa na thoih uh ciangin dawithoih saliang nong puak ding uh hi. Tua bang hi leh na tel na ziak uh a nene ka hi ding hi,” ci-in gen hi. A tute in zong tua mah bangin pusa athoih uh ciangin saliang ziak a puak tawntung uh hi. Tua banga apuak zel uh saliang pen “to” sa na kici a tua akipanin “to” hong piang ahi hi. to kici pen zawhthawh thu tawh apiang pawl khat a om tei hangin, a tam zaw kikep kikhualna pana hong piang a hi zaw hi.

15.  Govum:-

Tonlun asih ciangin a tapa Govum in pu leh pa mah bangin Kalzangah hausa a sem hi. Galsiamin galhang ahih manin khuakim khua pam simin zo kawikawi a azawhna khuate-ah taangseu leh saliang a kai hi. Govum kalzang khua mahah si-in kivui hi. Govum a sih ciangin atate in hi bangin la a phuak hi:-

a)     Puvon thang leh thawm ii zuapa miliam hong sing omlo,

b)     Tungthang vanpi’n mei hong sing hi e,

Tanglai-in Guite mah na mang pen a, tua khit ciangin Thawmte in na zo hi. Tua ahih manin Govum in, “Ka pu ka pa leh Thawmte hong ban, hong dem zo omlo a, ih tungah vanpi bek mah hong demzo om hi,” ci-in a kisaktheihna la a hi hi.

16.  Tonmang:-

Tonmang in apa’ sih khit ciangin pute apate mah bangin Kalzaangah Hasaupi sem a, pu leh pa’ gam’ luahin amang hi. Pu leh pa’ ngeina bangin taangseu, saliang a kai hi. Khawhsa an leh tui khamin om a gal ai-in sa a ai hi. Pu leh pa’ ngeina teng khempeuh a zo hi.

Tonmang in Kalzangah a vaihawm hunin Saizang leh Dimpi khua-ah Tawmbing leh Gualnamte Hausa-in na om uh a, Guite pawl tawh a kinai uh hangin a kiho thei kei uh hi. Atawpna-ah Guite pawl in Pawihang tawh kopin Mangvumte pata na simin na zo uh hi. Dimpi pen Guite’ khut nuai-ah om hi. Mangvum in khua a nusiat ding ciangin la na phuak a:-

a)     Alci tui leh Dimtui vangkhua ngai lo bangin tuang nu sia’nge,

b)     Lai-ah na e ngilhloh ding aw, khuai bang han na’n lawm  sa’nge” a ci hi.

Tonmang in, Guimang, Guiluah, Mangkim, Mangzilte a neih khit ciangin si a Kalzang khua-ah kivui hi.

1.     Tedim khuasat Guimang

Guimang in a neu lai-in, pawl huai-in alawm agual tawh aki pawl thei mahmah hi. A lawm a gual in zong apahtak mi khat a hi hi. Asanggamte tawh a khan kim tak ciangin galbet hat mahmaha galman sa manin minthang hi.

Tua bangin galbeng sa bengin a kuankhiatna lam uhah mun hoih khat tuak uh a, mualdung tawnin a velvel uh hi. Guimang in tua munah khuasat ding a ngaihsun pah hi. Ni khat ni ciangin upa vaihawmte samin munthak, gamthak, zong dingin a vaihawm uh hi. Gam en dingin kuankhia uh a, amun a tun uh ciangin leitang omzia, nisuah nitum ziate hoihin gal pan nadingin mun tanzau a, khua nuam khat suak thei ding hi, ci-in a lungkim ciat uh hi. Tua ciangin tui omna zong uh a, tui nek ding zong kicing hi, ci-in a mu uh hi. Bual lianpi khat tuak uh a, tua bual gei-ah khawlin kamkumna anei uh hi. Tua bangin tu khawm a kamkumna a neih laitakun nitaang sungah tua bualtui huih in mutin a tee dimdim tua bualtui a mu uh hi. Tua bangin bualtui a tee dimdim amuh uh ciangin upa khat in, “Hia tui zaw a tem dimdim mai mah,” a ci hi. Gam kuan teng in hih munah khuasat ding thukim sa-in inn lam hong zuan uh hi.

Innngakte in zulupin vok tuk thum khat gawhin na vai tut uh hi. Zunek annek khit ciangin innngakte in, “Na gam et uh a hoih hia?” ci-in dong pah uh a, gamkuante in, “Khesuih tuak lo liang om kei ung, gulsia tangsia zong tuak kei ung, amun ahih leh amin “TEDIM” ih phuak kei diai,” a ci uh hi. Tua akipanin Tedim ci uh a, Guimang in ami teng tawh Kalzang panin Tedim khua a sat hi. Tua bual gei a mual pen vansangdim ci uh a, tu ni dongin kici lai hi. Guimang in Tedim khua-ah Hausa semin avai hawmna khempeuh ama pai hi. Guimang in tapa Vumsum, Thangpau, a nei hi. Guimang in hawm leh gen zo-in Tedim khua-ah si-in kivui hi.

2.     Vumsum:-

Tedim khuasat Guimang a sih ciangin ata u pen ahi, Vumsum in gam luahin Tedim khua mahah amang hi. Tua hun tawh kituakin Saizangah Gualnamte Phungmang in Hausa a sem hi. Dimpi khua-ah hausa bei ahih manin Vumsum in a uk hi. Saizang hausa Phungmang tawh ki ho thei mahmah uh a, sep leh bawl hawmna genna-ah kuamah a ki nawngkai sak omlo-in nuamtakin a mite tuak uh a uk zo uh h. Phungmang in Saizang khua-ah Hausa-in lian a, a neih alam a khawi a gulh zong ci pha hi. A aklui kum khawi khat lian mahmahin sakhi cia pha kici hi. A khuan ciangin ngaih mahmah a, Saizang inn zathum bang pha hinapi in tua aklui khuanin phawng zo hi.

A khua papi khat in la na phuak a:-

a)     Phungmang na laang lam aw e, Gil bawhal aw maimit siing mawnge,

b)     Gahliang thel bang tho inge, sesum lam tawh deih zongin cianlai lamsam bawhal khuansiam saitui zathum phawng aw e, …a ci hi.

Vumsum’ khan’ sungin Dimpi leh Saizang khua ama huam sungah a koih hi. Vumsum in pu leh pa’ gui zui-in gal leh sa ai-in a om hi. A sanggamte tawh gal beng sa bengin a kuan zelzel hi. Khatvei tua banga a kuan nalam uh panin a naupa Thangpum na gamlek lua ahih manin Manlunte Lang Hlun in Thangpum lim takin thu a dot khit ciangin hi bangin thu a zasak hi, “Thangpum ka hing mat hi, a nei na om uh leh hongkan un,” a ci hi. Tua thu Vumsum in a zak ciangin asanggam dang teng tawh Lang Hlun’ kiangah vapai uh a, a ngetzah dangka pia-in a tankhia hi. Lang Hlun in dangka khaikhat (Pawta nih) ngen hi, ci-in ki gen hi. Vumsumte unau teng Langhlun’ kiang pan a din khiat ciangin Langhlun in mangpha khakin, “Simta Zota ka thah loh ka mat loh om sih, Guite Thangpum kong mat in, ka cimawh hong hu dildel mah ei,” a cih leh Thangpum zong ki hei-in, na cimawh na dong hong hu mah ing, na zi’ su ka luk tawh kituak lah kei,,” ci-in dawng kik hi. Tua ciangin Langhlun zong hehin thakhatin delh pah a, a sangkil a tun laitakin akawl zal (Thungkuah) gui panin manin inn sung lamah Thangpum a kai kik hi.

Tua ciangin buaikik uh a, Langhlun in, “Hawmsa, gensa teng hawm loh gen loh suak hen: Thangpum nong tat kik kei uh leh ka hing khawi kei ding hi,” ci-in a nuai ateng a ngen hi.

1)     Takok asau lam 9,

2)     Sakhi kaang khat,

3)     Dopi kha a po patung khat

4)     Aliam abai omlo miksi huanghua theikuang dim (theikuang cih pen gua pum kibawl um tang a kizang a hi hi.)

Thangpum nusia-in Vumsumte in asanggam dang teng tawh inn lam zuan uh a, a inn a tung uh ciangin a thu ala teng a nu’ kiangah ako uh hi. A nu zong dah mahmah a, “Tate aw, tua bang ahih leh Dopi kha a po patung leh huanghua thei kuang dim pen ke’n hong zong ning in, no.sakhi kaang leh Takok lam 9 va zong un,” ci hi. Vumsumte unau teng zong gam kuan pah uh a, gammang tulak a va zon uh leh singsang dawnah takok teh dawk agal muh petmah uh hi.

Tua takok omna lam zuan pah dildel uh a, a kiang a tun uh ciangin alim et uh leh, hualsing heng sung zui-in a po a hi hi. A bul panin sattanin dok pah uh a, lam ateh uh leh lam 9 pha takpi hi. A kisam lai sakhi kaang beng dingin a zan tam uh hi. Tua ciangin a gamvakna khatah sihkhuk khat a tuak uh hi. Tua sihkhuk pang pah uh a, sihkhuk zuanin sa namcin hong pai-in akap ngam kei uh hi. A hi zongin adeih pen uh ahi sakhi kaang hong suak thei mahmah lo hi. Cih nading theilo a lungkham a a om laitakin a ni 9 ni petpet ciangin zingsang phalvak tungin sakhi kaang khat hong suak takpi hi. Vumsum in zong a lungsim sungah, “Ka siam ka sa in hih sakhi kaang na khin in,” ci-in kap a aman takpi uh hi. Nuam lua uh ahih manin lawhcing takin a unau-un inn lam a ciah pah vingveng uh hi. Amaute’ gam kuan kalin anu in zong ahuan sung a om tungtun khat tui a buahbuah leh, dopi kha hinapi-in patung hong po mawk hi. Zuha sa-in theikuang sungah guanga, (tangnuai) singnuai khatah koihin huanghua in zu gimnam a zak ciangin bawk a, asung dimin a lut hi. Tua ciangin theikuang hubitin ala hi.

Sakhi kaang pen a hih leh ahing lai-in ki tun theilo ahi manin, avun hawkin keusak uh a, asa teng aphei aliangin tuisa-ah butin amat zawh uh a ni thum ni ciangin avan dang teng tawh Langhlun’ kiang a tun takpi uh hi. Langhlun in zong ngah zolo ding a a up hinapi tua banga Vumsumte unau in anget teng kimtakin inn hong tunpih theih ciangin lamdang sa mahmah a, “Na sanggampa uh na tatkhiat nadingun na siam na sa un hong huh mah e,” ci-in Thangpum khahkhia pah a, Vumsumte zong nuamtakin Thangpum tawh inn lamah a ciah uh hi.

Vumsum in hawm leh gen siama a u leh anau huai-in khua leh tui in zong itin vang a nei hi. A hi zongin anau tum pen Thangpau in a u Vumsum haza sim giugiau den hi. Khatvei Vumsum a u anau teng tawh phungzu ne-in ni khat tawntung a tu khawm uh hi. Vumsum in zu kham lua ahih manin, a u anau teng a ciah khit ciangin lupna zuanin a ihmu pah hi.

Tua banga Vumsum in a zukham luat lam anaupa Thangpau in a theih ciangin heipi khat tawh kuansimin khuaphawk lo a naksia daldal a om Vumsum’ lutang to sukin si taktak ding hi, ci-in a nusia hi. Inn sung a omte in, “Gal om hi,” ci-in kiko uh a, adelh uh hangin kuamah a mu kei uh hi. Vumsum ahih leh alawmnu kawi bikbekin alawmnu in a lu tungah atau nga-in a ihmu a hi hi. Tua hun lai a a nei zaw deuhte in azat ngei bangin azi in tau kualpi bulh ahih manin tua tau kualpi Thangpau in to kha a Vumsum silo-in liam bek hi. Thangpau in a upa silo-in liam bek a hih lam a theih ciangin kisuangin lau ahih manin Lushei gam lam zuanin sak lamah a tai suak hi.

Vumsum in asanggampa ummawh lo ahih manin, “Pawite in galguk a hong suam hi ding hi,” ci-in ummawh hi. A zingsang ciangin Vumsum in, “ Ka si ding hiam ka hing ding hiam ka tel nadingin mual hong ensak dih un,” a ci hi. Atate in Vumsum innka-ah tuah phei uh a, “Tute aw, mualmong mu theilai ka hih manin ka si kei ding hi, hoihtakin hong kem u,” a ci hi. Tua hunin beh leh phung dang tuamtuam tawh kitung khawma Phaipite twh zong ki teng khawm hi. Tua bang a Vumsum kep leh khual a hong om ciangin Phaipite in, “Ko mau ka pu uh ka kem ding uh hi,” ci-in inn nung inn mai-ah lum leh tei tawh a cing tawntung uh hi. Tua banga Phaipite in a kep laitakin khat in ta nei a, Tua pa in ka ta’ min Vumsum ka pia ding hi, ci-inVumsum in, “Tute aw tua bang a kei hong pia ding na hih uh leh, sun leh zanin nomau mah in hong cing den, hong uum den na hih manun “Sum uum” deih ing,” ci-in Sum uum a phuak hi. Tua Sum uum’ suan leh khakte kuate hi ding hiam cih ki thei kik zo nawnlo hi. Vumsum in amah asuam pawi gal hilo-in asanggampa ahih lam akhua nungah athei hi. Vumsum cina-in si a Tedim khua-ah kivui hi

3.     Mangpum:

Vumsum asih khit ciangin a tapa Mangpum in a pu apa’ gam luahin Tedim khua-ah a mang hi. A pu a pa mah bangin galman sakapin a than loh hangin midangte in zong zogawpin ki gen lo hi.

Apa’ khan sungin Saizang hausapa Phungmang tawh ki ho thei mahmah hinapi in, Mangsum’ khan ciangin ki ho thei nawnlo uh hi. A sawt ciangin kido uh a, Mangpum in a zo hi. Phungmang in zong nuamsa nawnlo ahih manin Saizang pan lal khia-in hi bangin la a phuak hi.:-

a)     Saitui ka vang khua aw e, tam diudeu,

b)     Luah loh a gam bang amang khong ding aw e, a ci hi.

Phungmang in Saizang a nutsiat ciangin Thawmte Mangsum in Hausa a sem hi. Mangpum in tapa Vummang nei a, adang a om zongin ki theilo hi. Tedim khua-ah cina-in si hi.

4.     Thanggo’ tangthu:

Guilun’ tate Lammang leh Thanggo a hi uh hi. Guilun in sihsan baih ahih manin tagah hi uh a, a nu in Tedim panin lal khiatpihin Bumzang a nua lam Manlunte a belhpih hi.

1)     A ki thah sawmna:

Bumzaangah a om lai-in a lawm agualte’sangin tei zaw, hatzaw, den a hih manin Hausa upate in, “ Hih naupang hong khangto leh mai lamah lelh penin hong om kha ding hi,” ci-in a kikum thei zel uh hi. Tua ciangin Lammangte unau sam uh a, “Tu ni-in ken lamah zapeng la ni,” ci-in a zol uh hi. Lammang leh Thanggo in zong a zui pah uh hi. Tuahpi ken a tun uh ciangin Lammang ken kilah a din laitakin sawn khia uh a, Lammang ken kia-in a si hi. Thanggo in tua banga a upa kenah a sawn khiat uh a muh ciangin, tai pah vingvenga, a delh uh hangin a pha zo kei uh hi.

2)     A ki thah sawmna:

Thanggo in tua bangin a lauhuai sungah a om hangin, belh ding dang neilo a hih manin, a nu tawh Bumzang khua mahah a om suak uh hi. A gol ciangin Manlunte’ sung mah panin nungak khat a zi dingin a nu in a pi sak hi. Tawl khat sung a ten khop khit ciangin kilem lo-in a ki khen kik uh hi. A sawt lam ciangin a pu Manlunte in vaihawm uh a bangbang a hi zongin, Thanggote nupa gawm kik ni in, ni khat ni ciangin Zo ngeina bangin tong sak ni,” a ci uh hi.

A vaihawm mah bangun Thanggote nupa kiteng sak uh a, a sawt lo-in a tong sak uh hi. A kipat nitakin tual meikhu-in lam hong pan uh hi. Pawl khatte in lamlam uh a nopsak tuak mahmah uh hi. Thanggo zong bangmah ngaihsun lo bangin kibawl khem a, ahih hangin mite’ omzia leh a mit hek uh a en cik gige hi. Kim khatte lamlam napi upa kim khat sumtawngah ki huau simin hawm leh gen nei bang kek khat a a om mu hi.

Mite’ mit hek zia a hoih loh lam a muh ciangin, Thanggo zong kidawm pahin mite’ lakah kihelin a lam nuam nawn kei hi. A pute in Thanggo thupi bawlin puandum silh sak uh a, akgia totsakin innka dawnah zu atep sak hi. Tua bang hun sungin Thanggo in, “Hih mite in nidang hun lai a mah bangin hong sawm nuam uh hi,” ci-in phawk a, taikhiat sim ding bek a ngaihsun hi. Thanggo pen a kigingsa a om den a hih mah bangin, innka dawnah zutep dingin a kisawl peuh ciangin inn sunga nuai suk dak la simin a puan nuai-ah zu a tep kawmin asel sim hi. A zu tep kawmin innka nuai-ah a nuai suk dak khia sim hi. Tua khit ciangin a akgia leh a puandum zubel silhsakin mite’ muh loh kalin innka nuai-ah tuak sukin a tai khia vingveng hi.

Thanggo om nawnlo a hih lam a theih uh ciangin dah mahmah uh a, a hih hangin a cih nading dang a thei tuan kei uh hi. Tua ahih manin Thanggo a thah sawmna uh a tangtun zolo a suak uh hi.

5.     Aigia-ah Thanggo:

Bumzang khua panin Thanggo a tai khiat ciangin Aigia khua a tung hi. Tua khua-ah lungmuang zolo-in, Ngaihte beh mi khat cialin gungal-ah a kha sak hi. Lam apai laitakun a khapa in, “Nang lah Nampi’ ta hi ngel lecin kilawm vecin, nidang teh lelh penin piang kha lecin tu laitak ong that nuamte’ adingin baih ngel si cia maw,” a cih leh Thanggo in, “Lawm aw, Nampi’ ta meei nuai-ah ki tawh hi, thudang ngaihsun kei in mi nungta a ka pian leh kong mangngilh kei ding hi. Mi’ tunga thupha bawlte tama ngeilo, khanglui te’n na ci hi. Tu ni a kei’ tunga na thupha bawl pen tu ni-in na sang pah kei zongin na tu na ta in phattuamna khat peuh ngah teitei ding hi, ci-in a gen hi. Ngaihte pa in zong pai pihpih a, gun a tun ciangin gungal akaipih hi. Gungal a tun ciangin Thanggo in, “lawm aw, kong guaih nading lah ka tungah bangmah pua kei ing in, cimtaang gel hawm sung a hakpi khat ka koih pen na la in,” ci-in a vaikhak hi.

6.     Sialthahah Thanggo:

Paipai-in Sialthah khua a tung leuleu hi, ni khat Thanggo’ nu luikhukah puansawp a a om laitakin sabeng tangval pawl khatin a tei uh tawh a nik hawkkhiatsakin sing tungah a khaisak uh hi, Thanggo’ nu in, “Lawmte aw, ka nik hong pia kik hoh un,” ci-in ngen a, tangvalte in, “Na su nong lah kei leh hong pia kik kei nung,” a ci uh hi, Thanggo’ nu in zong munuam tateu na hih vua leh en un, Lammang leh Thanggo’ ka hin khiatna hi,” ci-in a su phen a, a khua nung ciangin tua tangval teng si-in a silo sun teng zong alu uh kolh gai hi, ci-in ki gen hi.

Thanggo pen tua khua mite in simmawh bawlin, ni khat a zawlpa in zulup a, zu ne a nuamsa a a om laitakin Hausapa in Khipi vui nih la khia-in, “Zawl aw, hih ka pu’ lam, hih ka pa’ lam,” ci-in alak hi. Tua ciangin inn sungah va pai-in dakbu khat lak leuleu a, “Zawl aw, hih keima lam hi,” ci-in a lak leuleu hi. Tua ciangin Thanggo in, “Zawl aw, nang neihsial hi lel cia,” a cih san hi. Tua ni akipanin Neihsial nam min pua uh a, tu dongin “Neihsialte” beh kici suak hi.

7.     Lamzang innpi Thanggo:

Thanggo Sialthah khua-ah om hi, cih a ki theih ciangin, Lamzaang khua a Ngaihte in Lamzang khua uk dingin a cial uh hi. Sialthah a pai Lamzaangte’ kiangah Thanggo in, “Sanggamte aw, kong paikhiat theih ding ciangin mualah mei kong khu sak ding hi’ng,” a ci hi. Ngaihte pawl in, “Pu aw, mi bangzah nong pai thei ding uh hiam?” ci-in a dong uh hi, Thanggo in, “Pasal 7 leh ka zi ka ta teng uh hi ding hi,” ci hi. Ni khat ni ciangin mualah mei hong khu takpi a, nuam mahmah uh ahih manin dawn uh a, a ni 3 ni ciangin sagawhin an a nek khoppih uh hi. Thanggote Lamzaang khua a tun ciangin Lamzangte zong nuam kisa-in biang vaitung bang liang hi, ci-in ki gen hi.

Gun panin a din khiat lai-un, Thanggo in a sakhau kuahin a thau liang puak a, “Lamzangah teng zo ta na hen nong cih leh, pheizang banzang kham hetlo-in tawl khat sungin Thangho’ suangdawh hong tung sak in,” ci-in phuisamin a taitoh dildel leh gimlo tawllo-in tawlkhat sungin a tung takpi hi.

Lamzaang khua a tun ciangin kuama ten ngamlohna ciknawng lak, a zang dihdiah khat a mu hi. Thanggo in vang a neih leh a neihloh a ki theihnopna-in tua ciknawng lakah zuthawl khat phumin phuisam a, “Lamzaang khua-ah siahtung siahphei ne a, mang zo ta na hen nong cih leh, hih cik nawngpi zankhat thu-in na kang in,” ci-in a sialki tawi a zu phumna tungah siat sukin, a zing sang ciangin a et kik leh ciktui a na kang takpi hi. Tua munah inn lam pah a, akong tual biakna tau gei a amawngpi suan zong tu dongin kimu thei lai hi. Ama nung a Lamzaang khua a tengte in tua mawngpi a bia uh hi.

Thanggo in Lamzaang khua-ah nuamsa mahmah a, taangseu, saliang, sialsiah kai-in innpi-in amaang hi. Tua bangin Lamzaang khua-ah Thanggo lian hi, cih thu Sialthah a om a zawlpa in a zak ciangin kamtai paisakin, “Ka zawlpa’ kiangah hawh nuam ing,” ci-in a gen sak hi. Thanggo in, “Ka zawlpa hong hawh leh a tut akhawl nading takpi zong nei nai kei ing, hong hawh nai kei hen hong hawh hun ding keima’n zasak kik ning,” ci-in kamtaite a vaikhak hi.

Sialthahte in a nu a bawlsiatsak uh Thanggo heh mahmah ahih manin, kolbulh a sawm pah hi. Kamtaite a ciah khit uh ciangin akolbulh nadingin khum gilpi a sui sak pah hi. A zawh ciangin Thanggo in, “Tu-in ka zawlpa hong hawh hen,” ci-in a vaikhak hi. Sialthah khua a a zawlpa in zong, “Ka zawlpa in hong vaikhak a hih teh,” ci-in lawptakin a pai pah hi. Lamzaang khua a tun ciangin Thanggo in zulupin sa gawh a, a zawlpa lungdam leh lungmuang takin a om laitakin Thanggo in, “Zawl aw, ih ki-it ih ki ngai ta zongin thute thu mah a ih pai kul ding hi, na khua vua kong om lai a ka nu nong bawlsiat sak uh pen ka lungkim lo hi, tu-in nang kol kong bulh kul ding hi,” ci-in tangvalte in khum kol a bulh uh hi. Tua ciangin azawl pa in zong, “Zawl aw, ka khua ka tui, ka mi ka sate’ tat khialhna pen ka thuak mah kul ding hi, A hi zongin hih munah kol bulh khau khin a ka om sangin hong ki tansak zaw in,” ci-in a thum hi. Thanggo in, “Zawl aw tua bang ahih leh, na inn a kong hawh lai a, hih ka pu’ lam, hih ka pa’ lam, hih keima lam, ci a nong lah teng tawh hong kitan in, tua teng pen tu zawh ni 7 ni ma peuh maha ka inn nong tun kei leh na khua uh hong simin vut leh vai kong suak sak ding hi,” ci-in a khah hi. Neihsialpa in zong ni 7 cin ma-in tua a nget teng a va puak pah hi. Thanggo in tapa Summang, Paungul leh Lunngul a neih khit ciangin si a Lamzaang khua mahah a kivui hi.

8.     Summang:

Thanggo Lamzang khua-ah a sih khit ciangin a tapa Summang in apa’ za alaih hi. Tua hunin Dimpi khua-ah Gualnam leh Tawmbingte Hausa lai uh hi. Summang in Lamzaang khua-ah apa’ gam luah a, a vaihawm sungin Saizaang amang Thawmte Mangsum si a, a hawm a gen ding hausa a om nawnloh ciangin aman a uk hi. Summang zong apa mah bangin hawm leh gen siam a khuamkim khua pam in zong zahtak hi. Tapa Pumgo, Ampum, leh Kailun,nei-in a si hi. Summang asih ciangin a zi in la phuak a:-

a)     Lamtui kiang mang a lun lai-in, vannuai dawhin tam sak e,

b)     Vannuai dawhin tamsak e, khua cinah siah leh tangkai e,

a)     Khuakim tong dot lamtui zua pa’n, thai tawh sawn tang za aw e,

b)     Za ai e tang za ai e, sial go e, sawm sial go e, a ci hi.

 9.     Tedim gam piangsak Pumgo:

Lamzang khua-ah Summang a sih khit ciangin, a ta upen Pumgo in a pu leh apa’ gam luahin Lamzaang khua mahah a mang hi. A sanggam teng tawh kopin kim leh pam teng sim uh a, gal leh sa-in a minthang hi. Tua bang hun sungin Cimnuai Geltui, Kalzang, khuate-ah namdangte in vaihawm khin uh a kizopna om nawnlo hi. Pumgo a khan’ ciangin pu leh pa’ khuasat sa mah hi ci-in, Tedim khua-ah teng nuam a, Tedim khua-ah a kikhin hi.

Tedim khua panin khua kim khua pam simin Suangkang, Mawnglang, Phaidim, Kahngen, Belpi, Suanzo, Sasih khuate zo gawpin Tedim khua panin a la uh hi. A gal vante sik tawh kibawl a hi Teipi, Namsau, thaute zangin gual zo hi. Pumgo in la na phuak a:-

a)     Mang ii tu suan kil bang khang ing, zang a peh sik gawm ing, khua kim a mi suah seu-in kai ing,” a ci hi.

Pumgo in Tedim khua pan a zawh sa khua 7te uk a, ukpi-in a om ciangin alak gam teng Tedim gam ci a, tua pan kipaninTedim gam hong piang khia a hi hi. Pumgo in a galsimna lak panin Saisih khua hamsa sa pen hi.,” ci-in ki ciamteh hi. Luang tampi si uh a, gal lel zahin ki ngaihsun uh hi. Tua ahih manin la phuak a,:-

a)     Ka thamna ka thamna aw e, sihtui ka thamna aw e,

b)     Sihtui ka thamna aw e, kumcin siah taang ka kaihna,” a ci hi.

Tedim khua-ah nuamsa mahmah a, gal aih, sa aih ton leh lamte a khin hi. Tua ciang in Pumgo in hih bangin la na phuak leuleu hi.

a)     Dimtui vang khua, khua munnuam aw, sial leh sawm taang a tunna,

b)     Sial leh sawm tang a tunna, siing tan’ lam bang eng nah e,

a)     Tang silsial e, tang silsial e, Dimtui vangkhua tang silsial e,

b)     Dimtui vang khua tang silsial e, kawi tawh laukha ka hualna,” a ci hi.

Thangpum in a naupa Ampum ading Hiangzang khua satsak a, tu dongin a suan akhakte Hiangguite kici hi. A nau tum pen Kailun’ ading Lusau khua satsak a, tua a kipanin Kailun’ suan teng tu dongin Losau Guite kici hi.

10.  Paihte min puakna:

Mangsum in galzo-in asim amal-ah pai kawikawi-in paipai a, Lushei gam lamah a ten lai-in Lusheite in a pianna thu atangthu a sutpih hi. Mangsum in, “Kote pen a paipaite hi ung,,” a a cih ciangin Paite (Paihte) kammal piangkhia a Guite a cih tangin Paite (Paihte) hong kici suak a hi hi.

Source ;  Guite Khangthu – History of Guite April, 1986 Kaleymyo.

A kigelhsa pen https://sianzun.blogspot.com/2015/09/guite-khangthu-tomkim.html ah zong kisim thei hi.