Holung Kupkhopna

Nidanglai in khua khat ah Neino,a kici nungak khat om hi.Nikhat Neino leh a lawmte singpua dingin a kuankhia uh hi.Hi mah leh a lawmte in hei a keng kei uh hi.Neino lawmte in ko zong na hei hong zangsak ve acih uh ciangin Neino in phallo a,kei ka nu-in Limsing nono,gelsing nono hongpua in hong ci hi ven acih ciangin a lawmte in zong singkangkeu peuh singbulsum peuh khawm mengmeng uh a,akhop uh a ngah uh ciang un,a lawm uh Neino ngak loin ciahsan uh hi. Neino in zong sing hoih nono a puakkhop ding a ngah ciangin aki suat leh aki suanzo kei hi.A khuadak leh a gal ah Tawpi singtawnpua a pailai a-mu hi.Neino in,ka gal a singtawnpua aw hongsuan in a cih leh Tawpi in hongsuan leng honglau ni teh aci hi.Tua ciangin Neino in banghangin honglau ding ka hia acih ciangin Tawpi in zong Neino vasuan in,a suat kawmin a samzang khat bawhsak a,khua mual suangpi nuai ah a koih hi.Tua ciangin Neino acii hong naa a,a thoihthoih uh hangin a damthei kei hi. Neino nu a lungkham lua mahmah...

Lakam…………………… A khiatna  1. Aisa = Sa  2. Alva = Vasa  3. Alsi = Aksi  4. Banzal = Ban/ Khut  5. Buai Vom = Vompi  6. Buh-al = Ak  7. Buh-bel = Beel  8. Ciin = U te  9. Ciau = Lui tui 10. Dawh suang = Mual suang phah 11. Dolai / Dota / Dokhen / Leido = Gal 12. Dai dam = Gam dai / han 13. Dimtui = Tedim 14. Damtui = Tui 15. Duang zen / Duang kuai = Itna hanng a gimna 16. Gim si = Gim nam 17. Gil = Kip / Kho 18. Guai / Vuai = Teek 19. Han zai = Hanla sa 20. Huih khi = Huih 21. Hen kol = Kol bulh 22. Hem lam = Khemna 23. Kahen = Kamat 24. Kaam mei = Mei-am 25. Kangmei = Mei kuang 26. Kawl ciang = Thau 27. Kawi / Angkawi = Zi 28. Kaih dial = Dial 29. Khaimu = Mupi 30. Khim zin = Khua mial 31. Khun lan / Lai khun = Lupna 32. Khamkha = Khakham 33. Kilel = Kigen 34. Kulsin = Han / Han kuang 35. Kuul = Pasal neilo numei (Nu kuul) / Zi neilo pasal (Pa kuul ) 36. Kiang = Pasal /...

Rev Khoi Lam Thang Gelh: Rev Khoi Lam Thang Tuni ciang dong Zomite' sungah Zolai gelh zia kician kinei thei nai loin, ei ut bangbang in kigelh ciat hi. Zolai zong Manglaite bang mah bangin laibul (Grammar) anei veve ahih manin, ut bangin kigelh thei tuan lo hi. Tua bang kawm kalah Zomite' sungah lai le pau lam bulkanna pilna sang anei (Linguist) Rev. Khoi Lam Thang in hih bangin atom kim hong gelh khia hi. 1. Khiatna khat nei kammalte gawm ding: Khiatna nei kammalte i gelh ciangin awmal (syllable) khatval a phak hangin a kop in gelh ding ahi hi. Khiatna khat nei cih ciangin Kawlkam, Mangkam khawng tawh zong kingaihsun thei hi. Genthehna: SA cih ciangin Voksa, Aksa om hi. KHI cih ciangin ngawnga ki-awh khi om hi. Ahih hangin SAKHI cih ciangin i gensa thute tawh a tuamtuak hi a, Sa le Khi kigawm maimai hi nawn lo hi. Ganhing Sakhi cihna hi a, khen ding hi lo a, gawm ding ahi hi. 2. Kammal kibang a kithuapte gawm ding: Zo kampau ah kammal kithuap tam mahmah hi...

Tedim Township Education Diretorate nuaiah ki vaihawm in TBA(tua hun lai) panin kikhen khia hi. Zolai malgawm zia, Zokam ah a kizang diak, kammal kihal, laimal kinai te ahi zing, Zolai pan Kawllai ah min gelhzia ahi zong, Zogam sung thu tampi theihhuaite kihel hi. Sim huai mahmah hi. NAMKIM BU

Laibu etkikna: "Leel Simthu" by Pu L.T. Ngaihte   Laibu min:   LEEL SIMTHU Laigelh:   Pu L. T. Ngaihte Bawl kum:   2008 A hawmkhia:   Mrs. Alice C. Ngaihte, B-95,  Kendriya Vihar, Sector 51, Noida, UP 201203, INDIA.     Thuumna:   Hih ka gelh pat laitak in draft ka 'save' sawm leh 'send' mek kha ing. A kicinglo a hong suak masa a omleh hong maisak un, ka khak khial hi.   I am sorry.   Gamdang tung peuhmah lungzuang diak uh ahi tam? Foreign Service officer peuhmah laigelh siam diak uh ahi tam? Gamdang a tung Zomi uliante in Zomi leh Zogam a nung-et kik uh ciang a tunna gamte tawh a teh in 'puah kisam lua' sa uh ahi tam? Gamdang a tun uh ciang pilna tampi in khanga a kipatna gam vuah a teenglaite in a theih ding thu tampi va mu uh, tuate genlo, pulaklo, mite theisaklo a om theilo uh ahi tam?   Pu Jampu ci a kisam, hong nusia zo Sia Rev. T. Jam Kho Thang in U...