World Baptist Alliance by Dr Do Suan Mung

World Baptist Alliance by Dr Do Suan Mung

Kipawlna   4:48:00 PM

Abeisa July 2-7, 2017 sungin Thailand khuapi Bangkok ah Baptist World Alliance ten Kumcin Khawmpi (Annual Gathering) khat nei uh hi. Tua khawmpi ah American mi Dr. Elijah Brown General Secretary thak dingin teel uh a, mai kum kipat ciangin tu laitak a sem Jamaica gammi Neville George Callam laih ding hi.  President bel South Africa gammi Paul Msiza mah hilai hi.  Hih khawmpi ah gam 50 kim panin taangmi 300 ding khawng kahthei hi.  Hih khawmpi sungah America a om ei Zomi kipawlna khat ahi, Zomi Baptist Association of America (ZBCA) zong member khat in kisang hi.  ZBCA pen Kawlgam a Zomi Baptist Association of Myanmar (ZBCM) tawh pawl kibang ahi hi.  Leitungbup Tuiphum kipawlna lian khat tawh kizom suak ahih manin amau zong lungdam angtang mahmah uh a, ei adangte in zong i lungdampih hi.  Baptist World Alliance ah ei naideuh a om Tuiphum kipawlna lian ahi, Myanmar Baptist Convention (MBC) ahi zongin, Lamka lam a Evangelical Baptist Convention te ahi zongin sauvei simlai in kipawl zo uh hi. Myanmar Baptist Convention (MBC) kipawlzo ahih manin MBC khutnuai a om Convention leh Association khempeuh zong a kipawlsa suakpah hi. Tutung in ZBCA tawh kibangin the Baptist Evangelical Church of Chad leh the Turkish Baptist Alliance te zong pawlmi in kisang hi. 

Mi tampi in Baptist World Alliance thu tam theih khollo ihih manin tawm genkhawm leng ka ut hi. Baptist World Alliance pen Baptist Union of Great Britain pana hong gahkhia ahi hi. Hih  kipawlna in leitungbup kipawlna khat (World Alliance) a lunggulh uh ciangin thulet bulpi dingte geel in 1905 kumin London a kibawl Baptist World Congress panin a phuhkhiat uh ahi hi. A kipat tungin Lai Siangtho siam leh thugen siam minthang Alexander Maclaren in tawlkhat president panmun la hi.

Tu laitak Baptist World Alliance sungah gam 124 panin Tuiphum kipawlna tuamtuam 238 kipawl hi. Tu laitak aphualpi uh Falls Church, Virginia, USA ahi hi.

Baptist World Alliance ah kipawlna dangte mah bangin President leh General Secretary mah alianpen hi-a, General Secretary pen Chief Executive Officer (CEO) zong hipah hi. Hih makai tegel ahuh dingin gam tuamtuam pan a kiteel Vice-President pawlkhat zong kikoih hi. Leitungbup kipawlna ahih zahkhat in amun zui in anuai a bangin khen guk kisuah hi. 1)the All Africa Baptist Fellowship, 2) the Asia Pacific Baptist Federation, 3) the Caribbean Baptist Fellowship, 4) the European Baptist Federation, 5) North American Baptist Fellowship, 6) Union of Baptists in Latin America cihte ahi hi.

Baptist World Alliance sungah mission (gammial nasep), evangelism & justice (gupna thugenna le thumanna), Baptist World Aid (huhna piakna lam), finance and administration (kipawlna sum leh pawl sung ki-ukna lam), communications (thu kizahktuahna, kizopna), promotion and development (khantohna lam) cih bangin kikhensawn hi. Papi, Numei le Khangno kipawlna zong om hi.

Baptist World Alliance a kipat tungin ngimna hoih mahmah tawh kipankhia ahi hi. Gammial nasepna le gupna thu tangkona azai nading, Pasian biakpiakna lamah khantoh nading, ki thutuahna ding le kipawlkhop theih nading, dongtuakte huhzawh nading, mihing khat ih thuneihna leh thuman thutak hutzawh nading cihte hi-a, thuhoih vive ahi hi. Ahoih phalo khat pen upna tuamtuamte etkak a zuun khawm ding cih hi-a tua thukhat hangin tuni in Baptist World Alliance pen ‘Lai Siangtho bek’ aci thu um mite le kipawlna ta dingin a lunglut huai lua lo kipawlna khat suak hi.

Baptist World Alliance pen a kiphuatcil in Lai Siangtho a um (Conservative Evangelicals) te kipawlna ahi hi. World Council of Churches (WCC) dan hilo hi. Tuni mah in zong Baptist World Alliance sunga om mi pawlkhat in ‘Conservative Evangelicals’ hi ung ci lai kha ding hi.  Ahi zongin, akalsuanzia uh limtaka ih et ciangin upna peeng (liberal) lam manawh mahmah cih kimu thei hi. Hih kipawl na sunga kihel America gam a (CBF) Cooperative Baptist Fellowship te bang upna peeng lamah khauhpai mahmah uh hi. A Lai Siangtho sangte uah Christian upna kia amaan hilo, Jesu kia lampi hilo, Lai Siangtho zong khial thei lua, Pasian zong Pasian kia cih ding hi kei, Nusian zong cih theih hi, ci-in hilh uh hi. Upna peeng pupi khat cih theih ahi, American Baptist Churches (nidang a Northern Baptist Convention) te zong Baptist World Alliance ah kipawl uh hi.

Tua banah, Baptist World Alliance in WCC te mah bangin Tapidaw kici khempeuh, Lai Siangtho um in um ta keileh, piangthak in piangthak ta keileh, kipawlkhop ding leh Tapidaw ahi lo biakna dangte nangawn tawh biakna thu ah kipawlkhop ding hanciam lua mahmah dihzen uh hi. Kipawl na zai ahih ding ut lua mahmah laizang uh hi.  Tua ahih manin pawl sung lut ding zong thu haksapi hikhol lo hi. Ih phawk ding ah, upna thu ah ih zaisak nop luat leh Topa Jesu thugen, kong kawcik leh lampi neu (Mt. 7:13, 14) tawh kilehbulh a, Lai Siangtho tawh kigamlatna piang denlel hi.

           

Hih kipawl sungah abeisa kum tampi sung amuan a suanpen uh America gama Southern Baptist Convention (SBC) te ahi hi. A mi mahmah tamin, sumtha zong hat uh hi. Ahi zongin, Southern Baptist Convention te Baptist World Alliance panin 2004 kumin paikhia uh hi. Upna peeng lam zuan sa lua uh hi. Baptist World Alliance sungah numei leh numei, pasal leh pasal kiteenna azang pawlpite sang uh hi.  Lai Siangtho tawh kituak lo numeite tuiphumsia piakna zong zang uh hi. Tua banah, Baptist World Alliance a panmun sang lente atamzaw gam khangto nailo (Third World Countries) pan vive hizaw a, thu kikupna khat om leh America dan a akhangto sa gamte langbawl pian den se uh hi. Southern Baptist Convention te apaikhiat lai un hih thu zong asiksan khat uh ahi hi. 

           

Southern Baptist makai khat in,’ Baptist World Alliance pen United Nations (UN) dan hi in gam khangto nailo te makaihna hi-in America hong langbawl den uh hi.’ ci in genkhia hi.  Baptist World Alliance pen Baptist World Alliance hikei in Baptist World Annoyance (Anawngkaai Leitungbup Tuiphum) hi ci in min pia uh hi.

Biakna thu ah kipawlna khat tawh ih kizop ciangin kha thu ah bang dinmun nei uh hiam, cih thupipen hi. Baptist World Alliance in Kha thu pikoih lo ahih manin Lai Siangtho tawh kituak lo upna neite nangawn pawlmi in sang lel hi. ‘Lai Siangtho bek’ aci thu um mi leh kipawlna ta dingin Baptist World Alliance pen a luthuai lo kipawl ahi hi. ‘Kipawlna in bangbang um taleh ken  ka upna mah na um peuh leng,’ aciziau ihih leh bel thukhat hi-a, tua pen dinmun kician (conviction) neih loh vai lua hi. Dinmun kician neilo a hamphat nading peuh akawi delhdelhte Pasian in thupha pia khollo zawthei hi. I cih mah bangin upna thu thupi koih khollo a thudang khat peuh a meet nading ngaihsun ihih leh Baptist World Alliance in bang ciang taktak kipawlna sunga mite en zo, vaan zo hiam cih ngak a et lai ding hi ding hi.  Nidang pekpek a lutte zong khawmpi khawng kah lengleng zel cih lohngal hamphatna tampi i theihpih kei hi.

Hih lai pen alutsa kipawlnate mawhsakna hilo hi.  Amau zong teltaka kan a amau dinmun tawh kituaksa alut uh hilel ding hi.  Ahi zongin, ‘Lai Siangtho bek’ aci thu um mi leh pawlpi tuamtuam pan (adiakdiak in Kawlgam, USA, Singapore leh Malaysia a om EBC te) akhava khatpeuh ih omkhak leh Baptist World Alliance pen hibang hi ci-a ih kihilhcianna ahi hi.

ZBC Mangpha by Paul Thangpi

ZBC Mangpha by Paul Thangpi

Zomi History   10:11:00 PM

ZBC Mangpha!

I theihsa mah bangin tulaitak March 21 – 24, 2013 sung Carson Baptist Church (Khalkha pawlpi), Satawm Veng (Kalay Station lamkawi gei), Kalaymyo ah a (21) veina ZBC Triennial meeting om in ZBC pan CBC ah kikhel khinta hi.

ZBC hong pianna thu atom in

Khamtung ah Christian hong tam semsem in Association (3): TBA (Tedim Baptist Association), FBA (Falam Baptist Association) leh HBA (Hakha Baptist Associaiton) hong omta hi. Hih Associaton 3 te Convention khat a din theih nang Constitution Drafting Committee Falam Baptist Church ah October Kalnunung leh November Kalmasa 1952 sung thu kikupna om hi.

Convention min ding kikupna ah Rev. Hau Go in “I min dingin Tedim, Thahdo lemten Zo kici in, Falam lamten Laizo kici in, Lusei ten Mizo, Hakha ten Zotung, Zophei, Zokhua, Ganggaw lamten Zo acih uhciang Yaw, Mindat ten Jo ahk Cho, Paletwa ten Khomi kici ihihmanin Zomi hileh i tangmin (original name) lah hi in khamtungmi bup huamkim pen ding hi”, ci-in thusung hi. Rev. Sang Ling, Hakha sungpan a upa pen hong dingin “Tu a Saya Hau Go gen manhi ka neu lai in Yotlang pan i piang hi ci-in hong kigen hi. Zo pen i tangmin hi. Lai pen i minam min hilo hi” ci-in gen hi. Hih thu agen khit ciangin a gal-a atu Rev. Sang Fen, amau Khalkha lam-a upa pen nihna pa khut van phei in, “Bangci nasa a, Saya?” ci-in dong hi. Rev. Sang Fen dingto in “Kei thukim ing, Zo pen i minam min hi, kei zong Zo-khua a pastor sem hi ing” ci-in gen hi.

Hibangin Sia upa pen tegel in athukim khit uhciangin Khalkha lam tengin Rev. Hau Go thusun thukim pih in Zomi Baptist Convention min zat dingin teel in March 5 – 7, 1953 sung Saikah khua, Thantlang Myone Mipi khawmpi (general meeting) ah Convention min kipsak hi.

Kua ten ZBC Kipsak

March 5 – 7, 1953 Saikah khua, Thantlang Myone a General meeting ah mipi 3,000 kah hi.  Saikah khua pen Tedim pan ni 7 – 9 pai na ahihmanin ei TBA (Tedim lam) pan mi (10) zong phalo ci hi.  Falam lam pan mi (200) kiim pai hi. Adang mi 3,000 sung pan 2790 te Khalkha leh Thantlang pan ahi uhhi. Tua ahihmanin ZBC piankhiatna akipsak Khalkha te 90% ahi uhhi.

Kua ten CBC ah hong Khelsak

Tutung ZBC a (21) veina Triennial meeting ah mipi (500) kiim kah hi. Tu laitak ZBC sung ah Association (28) om hi. Tua sung ah ei Zomi lam association (5): KVBA (Kalaymyo sung), TAB (Mualbem, Thaangkai lam), ZBA (Zo or Zou lam), SRBA (Sihzang lam) leh KBA (Kuki, Thahdo) kihel lai hi. ZBC pan CBC akikhel nang Vote piak ding ciangin KVBA delegate teng pai khia uhhi. KVBA pen ZBC sungah association lian pen pawl hi-a sumpi zong tam in delegate mi zong a tampen akah zel ahihi. Tua ahihmanin Vote pia ding delegate mipi (500) lak ah ei Zomi akici thei ding mi atampen leh (40) kaan hilo ding hi. Tua ahihmanin ZBC pan CBC hong khelsak amau 90% ahi uhhi.

Ngaihsut huai thu

Khamtung bup tuiphum teng kipawlna min ding Zomi Baptist Convention (ZBC) akipsak amau mah hi in  Chin Baptist Convention (CBC) ah akhel amau teng mah ahihi. Zomi kizat nangin ei Zomite in politic peuh sem a zuau thu leh zawhthawh thu tawh Zomi min akizang hilo hi. Ahizongin Zomi pan Chin kikhel nangin amau bang sem uh hiam? Hih thu tu phingphing a kipan hilo hi.  Tu ma kum 20 lai Dr. Chum Awi in ZBC General Secretary asep lai pek pan politics hoihlo, zuau leh zawhthawh thu tawh na asep uh tu in a zo pan ahihi.

Ei Zomite amau bang liangin Biakna sungah Politic sualpoi kisem lo hi. 1995 kum a Zomite ZBC pan i taikhiat zong hih Politics te hang ahihi. Zomi pan Chin kikhel nangin tu-ma khang khat hun pek pan nap tawlh liang-a akikup, Politics siava nono sem-a Zomite langpan theih zah-a hong langpang den, nawlkhin theih zah a hong nawl khin,  i deih peuhpeuh hong nial-in i sawm peuhpeuh hong khaktan den uh ahihi. Pawlpi tampi kitawng kilai sak-in si le nai hong suah-a, minnam bup hong khasia sak in Pasian sathau nilh sa ZBC pan CBC ah hong khelsak uh ahihi. Nuam a sa ding uhhiam?... Pasian in thei ta hen!

ZBC aw na khasia na lungngai kei in ko khangthak Zosuan tuailaite in ma hong zomto zel ding hi ung. Ni khat niciangin Sun Ni bangin na tangkik ding hi. Hai bang hong ngak lai in. ZBC Mangpha!

Lungsim tawh kituaklo i om khak leh kitelsiam ni maw.

Paul Thangpi (Pau Pian Thang)

Offenbach, Germany

Malaysia Zomite' Dinmun !

Malaysia Zomite' Dinmun !

Kipawlna   4:02:00 AM

Tulaitak Malaysia gam ah Zomi akici setset tul 25 val bang om lai hi. Biakna pawlpi 40 dektak bang phata hi.

Zomi khangno atamzaw biakna lam ah lawp mahmah uh aa Zogam khawng sang in zong khanlawhna omzaw tham hi.

Aginalo vanglak bel na zong sem nuamlo in khutdawh ngen peuh in om hi. Zomi lasa aminnei mawhlo khangno lai khat bang pen kiteii sak lualiang in Malay mi kineih in Zomite' van khawng a sut nangawn khat bang om hi.

Zomi mintawh kipawlna atuamtuam a om hang in Zomi Association of Malaysia (ZAM) mah agolpen hi aa tuni ciang member 29,930 phata hi. Tua ahih man in Malaysia gam aa om kawlgam mite' kipawlna lak ah alianpen ahihi. Community tawh kisai meeting khat peuh a om ciang in ZAM akihel mankei ding leh a meeting kikhiin zo zahdong in UN dong ah mite' thulak tak kipawlna khat hong suakta hi. Hunbit nasem staff mi 8 om ngiat uh hi. Tua ahih man in tulaitak leitung bup ah Zomi min tawh kipawlna (biakna lam ahilo) a om khempeuh lak ah khasum pia aa hunbit nasem mi 5 val aneizo pen ZRO leh ZAM bek mah ahi hi.

Genvai tawh kisai in Zomi sung ah kipawlna atuamtuam aom hang Zomi Genvai Kipawlna mah alianpen ahi hi. Tukum pawllut mi 8,811 pha hi. Pawllutman kum khat ai RM 20 hi aa deihloh pen in sihna neih khak leh sihvuina aa beii teng pawlpi in sikh hi. Atawmpen RM 6,000/- bang beii ci hi. 2015 kum sung in Zomi luang 39 vui uh hi.

Malaysia tawn in gamthumna apaikhin Zomi mi tul 5 pan tul 7 kikal phading in ki ummawh hi. ZAM ciaptehna ah tulaitak UN card angah nailo Zomi 13,456 bang om hi. Innkuan pihte lutpih ding aa angak mi 577 pha hi. Gamdang tungsate' sapna hang tawh gam thumna apaikha zong tampi mah omta hi.

Tulaitak UN card tawi lian pen Zomi tul 5 pan tul 7 kikal phading in kilam en hi. US kumpi in 2010 kum August kha 17 ni masiah aa teng bek lanung acih uh ciang in Zomi tampi mah innlam ki ciahciah ta hi. Tulaitak innlam aciah kik Zomi pen ni khat atawm penpen mi 5 pha hi. Vanleng ngahhak lua ahih man in mi tampi in vanleng ngaklai uh hi.

Ahi zong in 2015 kum November kha 13 ni aa France (Piancit gam) Paris khuapi aa thupiang hang in America leh Europe gamte ah Muslim muhdahna nakpi in khang hi. Bek thamlo in Malaysia kumpi in Syria leh Kawlgam pan aa gambel Muslim te Malay gam ah omsuak theihna (PR) piaksawm hi. PR angah khat pen refugee in kiciamteh thei nawnlo ding hi. Tua hileh amau' satanh kuan ngah ding cihkhat lunglut huai sim hi. Tua ban ah tulaitak leitung ah galtai taktak pen atamzaw Muslim te vive hizaw hi. American te'n Muslim refugee hong langam nawn kei le uh koi pan asawk uh tam cih zong ngaihsut huai hi. Amau zong nasem ding mi kisamh mahmah uh ahih man in mun khat teiiteii pan bel asawk uh kul peelmawh ding hi.

Thukhupna

Tulaitak Malaysia aa Zomi akici setset teng pen Tonzang township bup tawh kikim ahih man in Zomite' mailam saupi akhual sawm te'n ngaihsut huai mahmah ding hi.

Kei' mimal ngaihsutna ah mi' gam mi' lei ah tawm om lua le hang amangthang minam ih suah khak ding patauh huai kasa hi. Ahi zong in Pasian' kam ngaih dahlo in tu aa tungsa teng ih ginat nak leh mangthang nawn samkei ni ci'n upna kanei hi.

Tua ahih man in UN in mithak hong lakbeh nawn dah mai uh henla tu laitak aa Malaysia tungsa apaisawm teng apai theih nading un lampi khat hong kihon nading in deihsakna lianpen thu himun pan in ka pulak hi.

Zomite' Maban Pasian in hong honsak ngiat ta hen.

Lungdam
Mung Laan Thang/ Pu Thang
Tawmvei Kuala Lumpur, Malaysia

GZA PAN HOPIHNA

GZA PAN HOPIHNA

Kipawlna   9:28:00 PM

Miim bang pianna Zogam lei leh sim leitungbup sim le mal aa kikhen Zosuantate khempeuh tungah i biak Pasian min tawh na khut uh hong len-in kong hopih masa hi. Leitung mi khempeuh mawhna sihna pan a tankhia dingin Pasian kimlai mi bang aa hong piang i Topa Jesuh hong suah lungdamna note khempeuh tungah athakin hong tungin, tua lungdamna leh daihna tawh hong tung ding Kum Thak 2016 cidam lungnuam takin na na dawnkim zawh nading-un thupha kong paih masa hi.



GZA min tawh tu le tu-in kong hopih nop hangin kei mahmah pumpi ginat lohna leh damlohna hangin kong hopih mengmeng zo kei-a, ka kisuang mahmah hi. Tu Nipi sungin i minam sungah dahna lianpi khat hong tunga tua pen i muan i suan leh mailam-ah i lam-et ahi Dr. Cing Pum Neam (Dr. Cingkok) hong nusiatna hang ahi hi. Zomite adingin mailam-a a taang i aksi khat pulhkhia ahih manin supna leh dahna lianpi i nei hi. Ei’ deih bang hilo, i biak Pasian’ vaihawmna ahih manin Pasian mah ap-in anusiat anu leh a sanggamte khempeuh adingin thungetsak ciat ni.



GZA pen Zomi khempeuh mapang khawm-a, i vaihawm khopna kipawlna ahi hi. I phuat khiat zawh 2010 kum panin makai honpi kikhopna (2) vei i nei khin hi. A masa pen 2011 kumin Kalaymyo khua-ah nei-in a nihveina 2014 kumin Tedim khuapi ah i nei hi. I minam it tek i hih manin, amasa anunung-in mi (300) sang a tamzaw i kikhawm-a, Zomite’ mailam ding tampi i geel khawm hi. Tu-in zong a Thumveina Kikhoppi neih kik ding hun hong tungta ahih manin anuai-a banga neih dingin kigeel-a, leitungbup aa om Zomi khempeuh in kigingkhol-in i paikim ciat nading hong hanthawn-in kong samkhol nuam hi.

               Amun: Yangon khuapi

               Ani:       2016 kum, November kha (24-27)



Hih Khawmpi dinga geelnate ahunhun-in hong kizasak toto ding hi. Yangon Local Committee-te’ geelna ah ahi thei bangbangin tunna ding leh anneek tuidawn tavuan lak dingin khensat uh hi. Gamdang aa om hong pai thei dingte a hang tuamtuam tawh mihon tawh tunkhawm ding haksatna a omleh, no’ sum bei-in hotel zong kitung thei dinga, Local Committee panin reservation hong bawlsak thei ding uh hi. Local Committee-te’ lam-etna ah mi (400) ciang peuhmah hong kihel thei dingin lam-en uh hi. Mihon vaihawmna suak ahih manin a hong pai thei ding peuhmah in 2016 September kha pawl bangin Local Committee-te tungah theikholsak zo le uh cin cih amau lunggulhna hi-a, theihkholhsak nading address zong hong hawmkhia kik ding uh hi.

I minam bup hong huai khawm leh mai hong nawtsak khawm kipawlna GZA ahih manin a kua mapeuh in hih thu na zak phet mah-un kihel ding lunggulh-in nong hanciam ding uh kong hanthawn phapha hi. Pai nading lamsap sumbei (Travel Expense) bel i minam i itna leh i khualna tawh eimah tekmah kisik himai ding hi.



Tung Pasian in Zosuan tate khempeuh thupha hong piakim henla, kum 2015 nuamtak khum-in 2016 hong mualsuahpih tek hen, ci-in thungetsak-in na khut uh kong len hi.



Note hong it,



Sd/-

Rev. S. Pau Khan En

Makaipi

GZA

UN Khawmpite akah ding Tangmi/Palai Sapna

UN Khawmpite akah ding Tangmi/Palai Sapna  

Kipawlna   10:19:00 AM

Zomi Innkuan USA

Executive Committee

=====================================

THUPULAKNA



UN Khawmpite akah ding Tangmi/Palai Sapna



Zomi Innkuan USA kipawlna in United Nations Economic and Social Council (UN ECOSOC) nuai ah Civil Society khat hihna tawh Consultative Status dinmun kingah ahih manin UN Zumpite ah kumsim in akibawl Khawmpi tuamtuamte akah dingin Tangmi/Palai kipuak thei hi.



A sawtlo in, United States gam, New York khuapi a United Nations Zumpi ah akibawl ding anuai a Khawmpite ahzong Zomi Innkuan USA kipawlna tang’in Zomi Tangmite/Palaite kipuak sawm hi.



1.      Leitungbup Khangno Khawmpi

Youth Forum (ECOSOC YOUTH2016)

01 - 02 February, 2016



2.      Khua leh Tui Khantohna tawh kisai Khawmpi

54th Session of the Commission for Social Development (CSocD54)

03 - 12 February, 2016



3.      Leitungbup Numei Khawmpi

60th Session of the Commission on the Status of Women (CSW60)

14 - 24 March, 2016



Hih Khawmpite akah nuam, a nuai a dinmunte tawh a kituak Zomi khatpeuh in December 27, 2015 ni lap-in thu leh la kicing tawh Tangmi/Palai dingin kingen thei hi.



Ahuampi in akisam dinmun:

1.      Zomi hi ding hi.

2.      US gam sung ahilo, gam dang pan ahihleh, Passport anei hiding hi.

3.      Pilna laitan kician anei, English pau atelthei khat hiding hi.

4.      Zomi Innkuan USA kipawlna, a Mabante leh Zomi Movement a thukim/tha apia khat hiding hi.

5.      Khawmpi kah dingin kuanna ciahna lamsap a kipan, zintunna ding leh annek tuidawn ding khempeuh amah leh amah a kisikzo khat hiding hi.





UN Khawmpite akah ding Tangmi/Palai Sapna (azom)



Khangno Khawmpi ading akisam dinmun:

1.      UN kipawlna in aciangtan khangno hihna kum (35) nuaisiah, kum (18) a cingkhin hiding hi.

2.      Zomi khangno kipawlna khatpeuh ah Makai panmun alenngei khat, ahihkei leh, Zomi Movement maban khatpeuh ah ma apang (Volunteer) ngei khat hiding hi.



Numei Khawmpi ading akisam dinmun:

1.      Zomi numei hiding hi.

2.      Zomi kipawlna (numei kipawlna) khatpeuh ah Makai panmun alenngei khat, ahihkei leh, Zomi Movement maban khatpeuh ah ma apang (Volunteer) ngei khat hiding hi.



Zomi Innkuan USA kipawlna tang’in Khawmpi akah dingin a kiteel peuhmah in Zomi Innkuan USA kipawlna tawh thukimna laipi khat kibawlsak ding hi.



ZIUSA Tangmi/Palai dingin UN Khawmpi akah nuam khatpeuh in, ahihkei leh, thu leh la a kim in a theihbeh nuam peuhmah in anuai a Makaite tung kiko thei hi.



Executive Committee

Zomi Innkuan USA



Tulsa, Oklahoma, USA.

December 8, 2015

======================================



Contact:



Pa Go Sawm Khup

General Secretary

GSKhup@ZomiInnkuanUSA.org



Dr. Do Khan Khup

President

Zomi Innkuan USA

dkkhup@gmail.com

ZCD Kiteelpi ah mipi deihteelna ngahna hangin lungdam pihna - ZIUSA

ZCD Kiteelpi ah mipi deihteelna ngahna hangin lungdam pihna - ZIUSA

ZCD   2:18:00 AM

To:

 

Pu Chin Sian Thang

President

Zomi Congress for Democracy (ZCD)

Zogam, Myanmar

                                             November 20, 2015

 

Athu: Kiteelpi ah mipi deihteelna ngahna hangin lungdam pihna.

 

November 8, 2015 (Sunday) ni-in akibawl Kawlgambup Kiteelpi ah mipi thuneihna tawh ki-ukna (Democracy) lampi tawn a kalsuan, mualtung mite thuneihtheihna ( Federalism) ngahna ding in mapang den leh Zomi leh Zogam a ding in mapang den, Zomi minsel party ahi Zomi Congress for Democracy in mipi deihteelna tawh gualzawhna lianpi na ngahna uh hangin Zomi Innkuan USA(ZIUSA) kipawlna in lungdamna lianpi ka nei uh hi.

 

Kiteelpi ah mipi deihteelna tawh gualzawhna ngah anuai a teelcing Members of Parliament (MPs) te ZIUSA kipawlna in kong lungdam pih mahmah uh hi.

 

1.      Pu Chin Sian Thang - Tedim, House of Representatives MP (Pyithu Hluttaw)

 

2.      Pu Gin Kam Lian - Tedim-1, House of Nationalities MP (Amyotha Hluttaw)

3.      Pu Thang Deih Khup - Tedim - 1, Chin State MP ( Pyine Hluttaw)

4.      Pi Ciang Ngaih Mang - Tonzang, House of Nationalities MP (Amyotha Hluttaw)

5.      Pu  Kham Khan Thang - Tonzang, House of Representatives MP (Pyithu Hluttaw)

6.      Pu Pau Lun  Min Thang - Tonzang-1, Chin State MP ( Pyine Hluttaw)

 

Hih kiteelpi kidemna ah Zomi/Chin cih bang minam minsel parties (12) te lak ah teelcingna ngahzo ZCD party bek na hihna uh hang in kong angtangpih uh a, mailam ah Zogam leh Zomi/Chin vai tawh kisai maban lian tampi note tungah ki-nga mahmah hi ci-in ka ngaihsun uh hi.

ZIUSA Ngiimna Bulpi khat ahi “Zomi-te in minam kician, minam picing semsem dinmun khat atun’ zawhna dingin kipawlkhawm in vaihawmkhop theihna ding” cih tawh kizui-in ZIUSA kipawlna in Zomi leh Zogam a ding in ka hih zawhna lampi uh ah, ZIUSA dinmun tawh kizui-in, ZCD tawh mapankhop theihna mun te ah mapang khawm zel ding in lametna leh muanna lianpi kong nei uh hi.

 

Executive Committee taang`in,

 

Pa Do Khan Khup

President

Zomi Innkuan USA, Inc.

 

Leitungbup Zomite Tungah Thuzaksakna

Leitungbup Zomite Tungah Thuzaksakna  

Kipawlna   11:04:00 PM

Leitungbup ah kikhenthanga om Zomite khempeuh aw, ih biak ih paai Tung Pasian’ min tawh na khut uh kong len masa hi. Note khempeuh tungah Pasian’ daihna leh Ama’ thupha hong tung kimciat ta hen!


Ih lametet ahi, Kawlgam sungah hong tungding kum 5sung Makai kiteelna Nov 8 ni-in Pasian huhna tawh hoihtak phatakin ih nei thei a, Kawlgambup Makai ding leh Zogam Zomite Makai ding siangtho takin ih teel khin zo hi. Mihing ngaihsutna hilo-in Pasian hong piak makai dingte a teel kha ih hih manin teelcing Zomite’ makaite Zomi khempeuh bup tangin pahtawina leh zahtakna hih mun panin kong tangko khia hi. Ih biak Pasian in Kawlgam leh ih Zomi namte makaih dingin Ama’ lim leh vang hong suankim ciat ta hen! Pasian’ deihna bangin hong makaihta un. Zomite khempeuh in na nunguh kong zui ding uh hi. Tua bang mah in, kong it Zomite khempeuh aw, Pasian’ hong piaksa ih makaite nung zuihsiam tumin  khut kilenin amau tawh maa pangkhawm dingin kong zawn hi.


Zomite tungah  kong kohnop a thupi nihna in, kumsim kumsimin November 28 ni pen Leitungbup Zomite Kipawlna Ni (Global Zomi Alliance Day) ci-in ih ciapteh ni ahihi. Tua ahih manin na omna munmun vuah tua ni phawkin na nazat kim nadingun kong hanthawn hi. Yangon khuapi ah ahih leh tua ni (Nov 28, Sanni ni) in Judson Phawkna Hall pi (No. 143, Myinyekyawswa Road, MBC) ah sun nai 01:00 in kisutuahin limcitakin kibawl sawm hi. Ih minam a it, GZA Thuzeekpi, Rev Dr Do Suan Mung, leh Thuzeekpi huh Rev Dr Go Cin Zam te citna leh siamna tawh neek leh dawn zong neih kisawm hi. No zong na omna mun peuhpeuh vuah ih minamte kikaikhawmin a limci theithei in, nana bawl na dingun hong hanthawnin kong phawksak hi.


A thupi thumna ah, November kha nipi nunung pen (Tukum-in Nov 19 ni) Zomite in Pasian tungah lungdam koh ni, ZOMI THANGKSGIVING DAY, ci-in ih ciamteh ni ahihi. Tua ahih manin tua nipi ni mah in Zomite tungah na lian tampi hong bawl ih biak Pasian phat in lungdamkohna nana neih ciat nadingun kong phawksak pha hi.


Leitungbup Zomi Kipawlna Ni (GZA Day) leh Zomite Lungdamkoh Ni (Zomi Thanksgiving Day) te ah Zomi khempeuh kipumkhatin ki-itna leh kihuaina tawh khut kilen kawm-a mai nawt khawm dingin Pasian tungah a thakin ki-apna nana nei ciat ta un. Bang hang hiam cih leh Zomite pen Pasian in Ama’ gamluah dinga hong teel thupha ngah minamte leh Ama’ nasem dinga hong teel Pasian’ zat minamte ih hihi. Ih Pasian tawh mawinawt khawmpeuh leng, ih phut lah ding  thuhaksa bangmah omlo ding hi.


Ih biak Tung Pasianin Zomite’ mailam sun nitang hong bang sak hen la, Zomi khempeuh ih omomna ah solkha tang bangin thupha hong pia kim ciat ta hen!


GZA makaipi khempeuh tangin,

Rev Dr S Pau Khan En

GZA Makaipi

Tutung Kiteelna Tawh Kisai GZA pan Tangkona

Tutung Kiteelna Tawh Kisai GZA pan Tangkona

ZCD   8:02:00 PM

G L O B A L Z O M I A L L I A N C E
TUTUNG KITEELNA TAWH KISAI GZA PAN TANGKONA 

Pasian hehpihna tawh tutung Kawlgambup kiteelpi nuam takin a kizo suak hi. Kawlgam
a America te ambassador pa Derek Mitchell in acih mah bangin gambup kiteelna khat a
om ciangin koi gam koi gam hi taleh deih bang sinsen cih pen a om lo mah hi. Tutung
kiteelna pen Kawlgam buang dingin ahoih mahmah cih ding hizaw-a, thu-um mite
thungetna Topa hong dawnna zong hi ding hi.
Amasa in tutung a teelcing Zomi taangmi khempeuh GZA panin kong lungdampih uh a,
pahtawina leh zahtakna zong kong pia uh hi. Teelcing lo te zong na hanciamnate uh
kong ciaptehsak uh hi.


GZA in tupna nih nei-a, Zomite kipumkhat ding leh abukim khantohna neih ding ahi hi. 
Kiteel hun laitakin party khat leh khat kidem in kitawng kisel kha phial ding hihang. 


Tua pen kiteelna khat peuhpeuh a om ciangin angeina hi-a, lamdang lo hi. Democracy
gam lianpen America gam tektek ah zong kiteel hunin khat leh khat kitawng in, kisel in,
kiko ziahziah lel uh hi. Ahi zongin, kiteelna aman ciangin pumkhat suakkik uh a, gam
aa dingin semkhawm, pangkhawm uh hi.


Tua mah bangin, tu-in kiteelna manta ahih teh Zomite zong i kipumkhatkik ding thupi
mahmah hi. Mipi i hi a, makai te ihi zongin, kiteel sunga thute gen kikkik nawn loin
mainawt ta ding hihang. A zote zong zawhsiamin, alelte zong lelhsiam ding kisam hi. 


Kidem laitakin atuam dang dankhat in i om hangin i vekpi in Zomi mah ihi hi. A kikhen
thei dingte hilo hihang. Abeisa hunin hehna, thangpaihna i neih leh zong tuate
khempeuh mangngilh in Zomi leh Zogam aa dingin khut kilen in na i sepkhop hun ding
hong tungta hi. 


Teelcing taangmite in hong tung ding kum nga sungin aituam meetna bang teng ka
ngah ding hiam, cih ngaihsun loin Zogam leh Zomi ta dingin acihtak bang ka sem thei
ding hiam, cih lungsim tawh i kithawi ding zong i kihanthawn nuam hi. NLD makaipinu
Daw Aung San Suu Kyi in,”Teelcing taangmite bel hong phat nai kei ning. Mailam a na
nasepna uh tungtawnin phattak leh phattak lo na hihna uh hong kilang pan ding hi,”
acih mah bangin teelcing cih ciang bek hi loin na manpha asem zo a teeltak takpi mipi
taangmi ihih ding thupi zawlai hi.


Atawpna ah, Zomibup in i makai ding teelcing taangmite i hih theih zahzah in panpih in
tawsawn ciat ding hihang. Gensia in langpan cihte peuhmah zat ding hilo hi. Zomite
Pasian um vive ihih mah bangin i makaite thungetna tawh panpih tawntung a tha i piak
ding zong i kihanthawn nuam hi.


Khazih leh Zomite sungah,
GZA Central Committee

GZA Tung Ah Report Piakna

GZA Tung Ah Report Piakna

Kipawlna   2:02:00 AM

It & Zahtak Mahmah GZA Makaite
Tukha 20 ni zan in Dr Sian Nun Siam in GZA ii Disaster Relief Committee tangin workshop khat na kah thei diam hong ci aa, midang akilawm zaw ding omlo ding ahiam ? Ka cih ciang in "NGO paizia nang sang atelzaw ding ngaihsun zo paklo kahih man un nang mah hile cin hoih pen in teh" hong cih ciang in kana mang hi.

Workshop nahi lo zaw in Conference nahi zaw aa, a conference pen Yuzana Hotel ah 21 - 23 ni dong ni 3 sung kibawl ahi hi. A thulu pen Conference to Coordinate Chin Disaster Response and Reconstruction Organized by Chin Committee for Emergency Response and Rehabilitation (CCERR) hi. 

Numei naupang' telding in gen ni cileng Chin state bup dongtuahna hang a supna baina khempeuh ditkik zawhna ding baan ah ahoih zaw leh anuam zaw nuntak khuasakna neih zawhna ding hanciam sawmna ahi hi.


Leitung mun tuamtuam pan aa dongtuakte ahuhden Funder/Donor te' lunggulhna zong hi pipen dan hi.
Ong huh nuam te'n "A nengneng in kong huh uh sang un navek un thakhat thu in kong huh theihna ding un kipawl khawm in hong ngen un" cidan uh hi.
Hih Conference ah huhna hong pianuam kipawlna atuamtuam, Chin state bup pan pailai te, Sagaing pan palaite, Magwe gam pan palaite leh Rakhine gam pan palaite vekpi gawm 125 kipai hi.


Tedim pan in Tedim Youth Fellowship (TYF) te mi 4 hong pai uh aa Pu Nung Sian Tuang in hong makaih hi.


Ani masa ni in Khuapi tek pan in donghtuah zia leh supna bainate tawh kisai sazian te kician tak in pulakna kinei tek hi. Tedim gam tawh kisai TYF in tawm hong pua uh ahih man in tuate genkhiatna Pu Khup Mung (ZCD) in nei hi. Tonzang tawh kisai bel sazian akician in kipia zolo hi.


Ni nih ni in akhawk khawk in hong khen uh aa ei' khawk sung ah dongtuahnate bang ci lamh kik ding ? Inn leh lo, khawi leh vulh, nek leh tak, nasep sil bawlna, lokhawh singpuakna, sum zon pai zonnate angei abat kik nading ban ah ahoih zaw ding in bang cih ding ? Cih khawng thu tampi tak kikupna kinei hi. Tonzang, Tedim, Falam, Hakha, leh Htan Tlang teng khawk khat in hong koih uh hi. 


Atawp ni (ni 3 ni) ciang in akhawk khawk aa kikupnate sepkhiat theihna ding in Chin Committee for Emergency Response and Rehabilitation (CCERR) phuat khiatna (or) kipsakna kinei hi. 

CCERR ki vaipuak zia ding kikupna ah GZA tang in thu kana genna ah "Gamvai ah na ih sepkhop theihna ding hamsa mahmah ding, biakna vai ah nidang in ZBC nuai ah ih pankhop theih hang in abeisa kum 20 lai aa kipan ih kitamh khinta hi, tu in dongtuahna hang in mapang khawm thei ding din mun ah om ih hih man in ko GZA te ka lungdam mahmah uh hi. Sawtpi ih kalsuan khop theihna ding in hih dongtuah vai aa nasepkhopna ah nainganzi (politics) ong hel kei tapeuh un, nainganzi kipawlna khat peuh ii khut nuai hong tungsak kei ta peuh un" kaci hi. Hong nial omlo aa principle guideline sung ah kihel pah hi.

CCERR Main Committee sung ah mi 50 om ding aa tua 50 te anuai aa bang in hong kahto ding hi.
1. Biakna kipawlnate pan mi 10
2. Dongtuak khuapite khat pan mi 1 ta leh Sagaing pan mi khat, Magwe pan mi 1, Rakhine pan mi 1 avek in mi 12
3. Nambat nihna dan mah aa Zangkong aa Township Association ciat pan mi 1 ta avek in mi 12
4. CSOs (Civil Society Organizations) pan mi 8 (Hih mi 8 agualhna lak vuah Tedim Tonzang lampawl khat mahmah kihello ahih man in TYF hong guansak un kacih leh hong mang pah uh hi)
5. Mimin thang tuamtuam(gtn. Thet Mon Myint, Sungtinpar cihte pawl) pan mi 8.

Biakna kipawlnate lak pan in ei' lam zawdeuh pan Tedim Baptist Convention (TBC) bek kihel in adangte bel CBC, Kalay Diocess, Pyay Diocess cihte pawl hi. "A ut uh diam bel thei keng in ZBCM zong hong helsak un. Nasem taktak ding ih hih leh amau lotawh piang tuanlo ding hi" ka cih ciang in hong mang uh hi.

Hunte nuamtak in akizawh ciang in tawpna thugenna ah GZA tang in hong gensak uh aa "Bang teng in ih sung ah kilemlohna hong piangsak hiam cih pen tangthu enleng teltak in ki muthei ahih man in kidop ding hipah hi. Salai leh Mai khawng adeih te'n suakta tak aa suan theih hi aa adeihlote zong thatang tawh suansak ding hi zenzen lo hi. "Zomi" akicih teh no tawh kisailo bang in ngaihsun kei un. Zomi, Chin, Kuki cihte ami khat bek mah hi. Min tuamtuam anei hilel hi. Pankhop ding ka utluat man in 2004 kum Than Shwe hun lai, alau huai mahmah hun lai nangawn in CNF te' Camp Victoria aa kibawl Chin Concensus Building Seminar ah na kah ing. 2006 kum aa ZRO/ZRA te camp ahi Mt. Sinai aa kibawl The First Chin National Assembly ah na kah ing. Lutol buai lai (suffron revolution) lai in zong minam puan silh aa ana kitom pa hi'ng. Ka gennopna bulpi ah pankhopna thupi kasakna agennuam kahi zaw aa tua hong susia thei nainganzi leh biakna vai hong lutsak kei tapeuh un" kaci hi.

Township Association palai ding pen haksatna om ken cin Tedim leh Tonzang gam pan aa palai dingte pen TYF in hong vaan ding aa November kha ni 5 ni ma in amin apuam hong puak ding uh hi cih zong thu kikupna sung ah na vaikhak ing.
Main committee nuai ah Executive Committee mi 15 tawh kiphuan hi. Tua lak ah zong Tedim gam bup ai mi 1 puak lai kulding ahi hi.

Thukhupna
Tutung ih dongtuahna tawh kisai in ei' hanciam zawhna tek tawh ih mapan tek pen kiallap mahmah hi. Rehabilitation ah bel mipil misiam te tawh ih kizolh theih kei leh ih sumh mahmah ding hi.
Tulaitak ih dinmun lian ah Tedim gambup kikhai khopna leh Tonzang gambup kikhai khopna cih bang neizo nailo ih hih man in tua kikhai khopna amanlang thei pen in ih neih ding kisamh mahmah hi.

Ong huh ding zong om, mipil misiam ei tawh apang khawm nuam zong om hi aa ei' lampan kipawlkhop siamna bek akisam ih hi hi.
CCERR in long term planning zong nei ahih man in ih tonkhop zawh kei leh ih sumh mahmah ding hi
Pasian in ahunlap lian aa hong lak hizaw in kangaih sun aa hoihtak phatak ih pom theih lian zawhna ding hanciam huai in kamu hi.

Lungdam in zahtakna lianpi tawh
Mung Laan Thang
Zangkong
(Tedim kampau a omthei teng ka kizaihna uh hong attach ing)

India Kumpipa GZA in a lai khak

India Kumpipa GZA in a lai khak

Kipawlna   10:21:00 PM

              
Memorandum submitted to the Prime Minister of India by Global Zomi Alliance, Yangon 

Dated: 17 Sep 2015

To
His Excellency President of India Rashtrapati Bhavan New Delhi 

Subject:   Request for immediate intervention on the atrocities perpetrated on the tribal people in Manipur  

Hon’ble Sir: 

       The Global Zomi Alliance, Yangon likes to bring the following facts for your kind perusal and necessary action: 

1.  That, on 31 August, 2015, the Manipur Legislative Assembly passed three bills, viz, The Protection of Manipur People Bill, 2015, Manipur Land Revenue and Land Reforms (Seventh Amendment) Bill, 2015, and Manipur Shops and Establishment (Second Amendment) Bill, 2015. The unusual hurry in which these Bills were passed without consulting the Hill Areas Committee which is mandated under Article 371C of the Indian Constitution not only violated the Constitution but also represents an insidious attempt by the State Government of Manipur to undermine and obliterate existing legal and constitutional protection especially on matters pertaining to tribal land, rights and identity. 

 

2.  That, this instance has sparked off a strong opposition and protest from all the tribal people of Manipur across the state. The state government, instead of accommodating tribal rights and  interest and pacifying the agitators used its naked forces to suppress unarmed protesters causing widespread atrocities, untold miseries, and human rights violation across the hills. 

 

3.  That, the brutal reaction of the state forces against the peaceful mass agitation has caused the loss of precious lives of ten people and several number of the agitators were left with serious injury. In a clear case of daylight repression the state forces used live bullets to disperse the protesters. This inhumane behavior brings shame on India, the largest democratic country in the world. 

 

4.  That, the persistence of the State to enforce the Bills despite popular protest and resistance, and its brutal suppression of the tribal agitators has exposed its real intention to grab the lands of the tribal people which have been so far protected by the Constitution of India. It also shows a clear case of the present Ibobi government’s incompetency to govern the state.

 

 
We, the Global Zomi Alliance, Yangon, therefore demand from the Government of India to: 

 

i.  Immediately restore the constitutional norm and order which has been violated by the State Government of Manipur and take appropriate actions, including imposition of President’s rule, to protect and safeguard tribal land, rights and identity. 

 

ii.  Protect the fundamental and human rights of the tribals to live with dignity. 

 

iii.  Give exemplary punishment to personnel(s) of the State forces involved in the brutal killing of the agitators.

 

iv.  Give adequate compensation to the family of those who had been killed and seriously injured including a job to one each of their family members.

 

v.  Immediately start dialogue with the tribals and expeditiously concedes the demand for ‘separate administration’ in the tribal areas of Manipur.  

 

 
Yours Sincerely,    

(REV. SIMON PAU KHAN EN, Ph.D) President Global Zomi Alliance, Yangon    

(REV. DO SUAN MUNG, DD) General Secretary Global Zomi Alliance, Yangon  

Copy to; - 1) Hon'ble Prime Minister of India.

2) Hon'ble Union Home Minister of India.

3) Hon'ble  Governor of Manipur  4) Hon'ble Chief Minister of Manipur.

5) His Excellency, Indian Ambassador to the Republic Union of Myanmar.

GZA Thu kikupna pan'

GZA Thu kikupna pan'

Kipawlna   3:25:00 AM

GZA = Global Zomi Alliance ii sapna om bang in Lamka lam buaina tawh kisai panlak zia ding thu kikupna TBCY biakinn ah tuni 1:00 - 3:30 pm sung nuamtak in kinei thei hi.

Kipat thungetna Rev Dr Jacob Kham Khan Mung in hong neih khit ciang in Lamka pan Zogam Zolei ading aa anuntakna apiakhia Zogam Salphate zahtak piakna in "Tawlkhat Sung Daihna" akineih khit ciang in meeting nuamtak in kipan hi.

Meeting pen GZA Associate GS Rev Dr Go Cin Zam in hong makaih aa tua sung ah muhna tuamtuam a kigen tekna ah GZA in India kumpi tung ah apiak ding aa hoih asak Lai (memorandum) zong Mung Lan Thang/ Thangboi in meeting kah khempeuh ettheih ding in hawm hi.

Meeting ah anuai aa bang in ki khensat hi:

1. India kumpi' tung ah Mung Lan Thang/ Thangboi in hong geel lai pen kipia ding hi.
- GZA makaite in Ambassador' khutsung ngiat ah a piak theihna ding in Mung Lan Thang/ Thangboi in hong vaan ding hi.

2. Lamka buaina tungtawn aa hong piangkhia Zosuante' kipawl khopna ahi Joint Action Committee tung ah dahpihna lai GZA min tawh kipia ding aa tua lai ding pen GZA president Rev Dr Pau Khan En leh GS Rev Dr Do Suan Mung te'n hong vaihawm ding uh hi.

3. Zogam Salphate akivui ni ni in Zangkong ah zong sivuina service nasiatak in kibawl ding hi. Tua lai ah mediate zong kisam khawm pah ding aa ih lungpho nopnate tua lai ah ki gawmkhawm ding hi.
(Hih thu leh atung aa thute ah akisam bang in Rev Dr JM Paupu leh Rev Dr Zambawite hong kizom ding uh hi)

Hun khakna ding in GZA President Rev Dr S Pau Khan En in thupha piakna hong nei hi.

P/s
Tudong bang mah hong suah nailoh ciang in kiallap ding aa kong pulak zual ahi hi.

Meeting kahte avot leh moh tawh hong vakte leh meeting nuamtak bawl theihna ding aa mun le mual hong pia inntek TBCY pawlpi' tung ah lungdam mahmah hang.

Itna Tawh

Mung Lan Thang/Thangboi
Zangkong

ZIUSA in Zogam Dongtuak Huhna Sum US$ 60,000 val ki-ngah khin ta !

ZIUSA in Zogam Dongtuak Huhna Sum US$ 60,000 val ki-ngah khin ta ! 

Kipawlna   8:15:00 PM

To:

Zomi Innkuan Makaipite,

ZIUSA Board Member-te,

ZIUSA Pawllutmi-te leh

Huhnapia Zomi akuama peuh


Athu: Zogam Dongtuak Huhna Sum US$ 60,000 val ki-ngah khin ta !


ZIUSA makaihna tawh Zogam Dongtuak Huhna Sumdonna ah ZIUSA Pawllut Zomi Innkuan kipawlnate, USA gam sunga om Zomi Christian biakna pawlpi tuamtuamte, USA gam sunga om Zomite, online tungtawn in gam tuamtuam, mun tuamtuam pan  huhna sum hong pia khempeuh tungah ZIUSA min tawh lungdamna lianpi kong ko uh hi.


Tu ni ( August 31, 2015) ciang ZIUSA Account ah hong lutsa huhna sum US$ 60,000 ( Dollar Tul sawm-guk) val ki ngah ta-a, hong lut lai ding lametna sazian teng tawh kigawm leh  US$ 100,000 ( Dollar Teng Khat) ki ngah ding in ki lamen hi.

Dongtuak huhna sum ngahna sazian acing, sum zatnasa sazian leh hawmkhiatna mun-te, huhna sum hawmkhiat kikna ding mun leh huhdingte akicing in hong ki khahkhia  zom ding hi.


ZIUSA makaihna tawh Zogam Dongtuak Huhna Sumdonna a nunung pen ciangtanna ( Deadline) August 31, 2015 ni hong tungta ahih man in, ZIUSA tungah huhna sum hong puak lai ding pawllut Zomi Innkuan kipawlna te leh huhna pia lai ding akuama peuh in huhna sum nong puak zawhna ding uh zahtakna leh lametna lianpi tawh kong ngen zom uh hi.


Lungdam!

Note tawh mapang khawm,


Executive Committee

Zomi Innkuan USA, Inc.

August 31, 2015

Gentuakte huhna lungdam kohna~ GZI

Gentuakte huhna lungdam kohna~ GZI

Kipawlna   8:12:00 PM

LEITUNGBUP ZOMITE TUNGAH THUZAKSAKNA



Kong it Leitungbup aa om Zomite khempeuh aw,



            I biak Pasian’ min tawh na khut uh kong len masa hi. Daihna leh nopsakna thupha note khempeuh tungah athakin hong tung tahen!

            I theihsa mah bangin tukum July kha sungin Zomite’ tangthu sungah cikmah aa piang ngeilo guahzukna hangin haksatna lianpi hong tunga mi tampi tak gimna ngahin i om hi. Tua banga i om ciangin Zomi nam khempeuh ki-om khong theilo-in i omna mun tek pan thu kiza-in i gam i lei leh i minamte laka haksat tuahsiatnate i huh theih bangbangin huh dingin i hanciam tek hi. Yangon aa om GZA makai teng ka hih theih bangun ka na kikum uha, leitung bupa om Zomite in i hih theihna zah tek kaikhawmin gentuak i mipihte huhna piak dingin leitungbup ah thu kong zasak uh hi. Tua bang thu na zak ciangun, na omomna tek panun hong hanciamin GZA tungah cimawh huhna sum nong khak ziahziah uha, tua teng mah gentuak i mipihte kiangah na na khakto sawn-in, tampi phattuamna leh hehnepna ngah cih zong kong zasak nuam hi. Hih vai khempeuh a sai dingin GZA Upabul sung panin Associate General Secretary Rev. Dr. Zambawi ka na seh uha, amah tawh asemkhawm dingin Dr. Sian Nun Siam, Sia Peter Mangpu, Sia Ngo Thawng Mang, Sia Vungh Suan Mang-te ka na seh uh hi. Amau zong ahih theih tawp-un hong hanciam uha, nong sumkhakte uh a manlang theithei-in i gam i lei-a om cimawhte kiang a tun theihtheih nadingin hong vaihawm uh hi. Hih nasepna tawh kisai-in anuai-a bangin GZA min tawh lungdamna kong ko uh hi.

            A khatna ah, i mite cihmawhna thu a zak ciangin neih zahzah leh hihzawh zahzah tawh mapang a sum hong khak, i mite adingin neihsa lamsa it hetlo, cizia hetlo-a hong piakhia huhna hong pia khempeuh (donors) te tungah Zomi khempeuh taang leh gentuak khempeuh taangin lungdamna thu kong zasak hi.

            A nihna ah, tua sumte i gam i lei a tun ciangin gentuakte kiangah a manlang theithei-a vai hong hawmsak aa, sumtang tawh ahi zongin, neek theih dawn theih leh zatui zaha tawh ahi zongin, innteek lungsim takpi tawh ahun aphaat, ahatna, apilna siit hetlo-a gim le tawl thuaka a na hawmkhia Kalaymyo leh Khamtung Tedim, Tonzang gama om anuai-a kipawlna tuamtuamte tungah lungdamna lianpi i minambup taangin kong ko nuam hi.

(1)        Zomi Youth Association

(2)        Zomi Siamsin Kipawlna – Universities of Myanmar

(3)        Tedim Youth Association

(4)        Tonzang Social Relief Network

(5)        Shalom Khangno Kipawlna

(6)        Chinland Natural Resources Watch Group

(7)        Helping Hands Organization

(8)        Khitui Gospel Ministry

(9)        Zomi Congress for Democracy

(10)     Siyin-Chin Association for Christian Communication

(11)     Ar Yone Oo

(12)     ZBCM

(13)     EBC

(14)     LCEC – Sm. Dr. Dai Khan Ciang



A mimalin ahi zongin, kipawlna min tawh ahi zongin, “Gim ing tawl ing” ci hetlo-a ana hanciam den kipawlnate tungah Zomibup taangin lungdamna thu kong ko phapha nuam hi. Na gim na tawlnate uh i mipihte in hong theihkimpih lo hi ung. Ahih hangin i biak Pasian in thei hi. Hong mawknasak lo ding hi. Thu kong ngetsak uh hi. I mipihte na khualna-un gim le tawl hong thuaklai hoh un, ci-in GZA taangin huhna kong ngen nuam lai hi.

            Gentuahna a bei ding i sak leh hong beituak nailo-in hong kizop tohtoh tuak lai ahih manin i dah hi. I mipihte itna tawh gim le tawl thuakin mapang khawm ciat lai ni. Huhna sum a piakhiate khempeuh leh tua sumte gentuakte kiang tun nadinga sun le zan cilo, tha le ngal tawh citaktaka na a nasem mimal khempeuh leh kipawlna khempeuh Pasian in hong mawk koihlo-in thupha a tahtah a henhen-in hong piakim ciat tahen!



GZA buppi taangin,



Sd/-

Rev. Dr. S. Pau Khan En

GZA Makaipi 

Minamvai Holimna Thupuak. by~Zomi Nashville TN

Minamvai Holimna Thupuak. by~Zomi Nashville TN

Zonews   9:12:00 PM

Minamvai Holimna Thupuak. by~Zomi Nashville TN USA

Pu Zo Khai cidamin Augt 19,2015 zingsang nai 10:00am in Nashville TN USA leitang hong tung hi. Tua ni tawlnga sak in a zingteh Pu ZoKhai leh Pu Zam Mung(ZCD) Aug 20,2015 zingsang nai 10:00am-1:00pm ciang Thang Thawn Tuang te inn ah Holimpihna tutkhop pihna ki neih ding cih Zomi Innkuan makaipipa in tangko khia hi.

Pu Zo Khai tawh Holimna panin thupi ka sak a tomnono in kong gelh nuam hi. Pu Zam Mung  vai tuamtuam tawh hong ki hel theilo hi.

Hunuk : Sia Alh Khan Tuan ( Zomi Innkuan TN Makaipi)

Hun pat thungen : Pa Nang Lian Khup

1. Pi ASSK in mee piak theih loh ding vai pen lung hih mawhna a neih khat in dong hi.

Pu Zo Khai in Pi ASSK in mee kuang aluiloh hang NLD in kuang hong ngahleh amah in a ngah hilel hi. A zenzen in NLD in mee hong ngah leh ama thuthu in a pai ding hi khinlo aa, a nuai aa aseppih teng tawh thukimna bangin hong kalsuanpih ding uhhi. A nuai a tengin Pi ASSK lungsim bangin pualo ahih manin ei Zomite adingin ki lam danna neihin um keng. Suahtakna vai ah hong geelsiam uhleh minam dangteng hong gak semsem theilai uhhi cihi.

2. ZCD te vai bang cih na muh aa cihthu ki dong hi.

Pu Zo Khai in ZCD te NLD cih bangin a leng phangphang ding hilo in, Zomi nam party hi acihleh Zomi mipite deih bangin a leng phangphang ding uhhi. Tua hilo in mipi deihna kumpi tungah na phu kei uhleh minam party hilo in minam minpua party bek hong hi ding hi cihi. Mipi in bang lunggulh a lunggulhna uh kumpi tungah a puak dinguh minam party ahihleh amau sep ding hi. Party khat leh khat ki demto ding ciang ahihleh minam minpua party hi. A sem dingte khensatna ah ki nga hi cihi. 

3. Pi ASSK no kiang Australia hong pai in Zomi te tawh ki holim khawm theih cihza ung nong gen theidia dotna?

Pu Zo Khai in Pi ASSK dotna tampite lak ah hong dawnna pen ZCD meekuang luina peuhmah ah NLD ten meekuang luilo ding hi ung ci hi. ZCD leh NLD pen ka sepnop uh ki bangin khut ki lenin a sem khawm den hi ung cih Pi ASSK in gen mah hi cihi. ZCD mee piak ding mah ci hi.

4. ZYA pen bang cih na muh aa cih dotna no khat om?

Pu Zo Khai in thapiak dingleh panpih theih bangin panpih ding hi. Zomi minpua ki pawlna khempeuh tha a pia den hi-ing. Ahi zongin a sepna uhleh huhna kipia te a zatna uh hong pulak ding uh thupi ding hi. Ahangin mun dang panin sum ki kaikhawmin a kaikhawm ten sum khak hi mahleh a ngahten a ngahna leh a zatna hong pulak kikloh uh ciangin a kaikhawm sum a khakte a khaklo kisa kha thei hi cihi.

5. Papi khat in i minam sung bang cih kalsuan ding cih dotna?

Pu Zo Khai in i minam sungah i ngeina limtak in Tate hilh bek hilo sepna tawh lak ngiat ni. Vok khat go in sahawm ding hang'a, Pu sa, Tanusa, Innpisa tuate hi cih neng a ki pan koikoi ah i zatpih tangtang ding ei mawh puak hi. Tua hi keileh mailam ah Khangthak te gen thei kisa ding uhhi. Ih minam ngeina hong kankik hamtang ding uhhi cih Veitnam minam te tung tawnin thu hong gen hi.

Ut bangteng gam khattohna dingin tukhawmin ki dawng tuahzelna sungah Sia Phillip Khai thugen khat hoihsa ing. Tua in;

Zogam khantohna dingin gam dang panmaw, Zomi sung pan maw sum i neih zahzah tawh Zogam puahni cileng i Mawtaw lampite, Electric meite, i Sanginn te a ki khangtosak  zihziahzolo ding hihang. Tua ahih manin i gam khantohna dingin kumpi te tung panin huhna i ngahna tawh khangto zihziahzo bek ding hi. Tua bangin kumpite tung panin huhna hong lutna ding a zawi ZCD bek om hi. A dangdangte asepna uh Zomite thatawh a ding thei ding vive hi cihi. 

Pu Zo Khai in pilna zong nuam sum neihlo zuu tawh a nuntakna uh asia tampi om hi. Mai lam ah pilna sin zolo te sinsak in i pattah ding zong thupi mahmah ding hi cihi.

Thomas Piang in ei mite sungah thuhoih khat a geel omleh ahoihna ki enlo in a genpa in pilna nei hiam kici masa in tua ah ki nga hihang. Tua in i minam sung khangto sak theilo hi. Ahoih khat a geel aom leh a pilna bangte enlo in i gam khangtohna ding, i minam khatna ding ahihleh thu ki mang leng cihi.

A tomno cik in ka phawkvat tampite lak ah hihteng hong hawmsawm ing. Mai lam ah zomto zel ni.

Hunzawhna leh innteekten Moh leh Niangtui piakna te Dr. Suan Za Khup in thu hong ngenin zawhbawl ung. Na sem kuan hun teng tawh hun ngah sunsun teng Photo ki la pak ung ee. Gen ding pulak ding tampi om lai hi. Hih kong genna sungah gen khilh aom leh hong maisak un. Mimal Dairy ading thugelhna sung pan...

Thawn Tuang
Nashville TN USA
Aug 20, 2015

Rev.Dr.Kam Khua Thang tungah lungdam kohna nei

Rev.Dr.Kam Khua Thang tungah lungdam kohna nei

Zonews   11:47:00 AM

Zomi Christian Church, Louisville ,Kentucky ,USA in Laisiangtho buppi sim theih dingin hong tei khiatsak masa ahi Rev. Dr.Kam Khaw Thang tungah Lungdamkohna lai leh Lungdamkohna ankuang umpih tangin ks. 200,000 tuni Augt 16,2015 Laisiangtho Nipi ni in piakkhiatna kinei hi. Hih Lai leh sum te pen Yangon a, a omna inn ah piakdingin kigeel hi. 

Siapa pen kum tam ta in, akhansau nadingin zong thungetna kineih sak hi.
Kum 1977 in Zomi te sim theih dingin hong tei khiat sak hi.

Pawlpi ciat pan tuni a sum pi kidong te Bible Society ah kipuak dinga, hih Lungdam kohna te pen Rev. Dr. Kam Khaw Thang tungah akipia ding ahihi.

Lungdamna lianpi tawh,

Rev. Pau Khan Khai.
Church Pastor.
Zomi Christian Church.
Louisville,Kentucky, USA.