Tulai Lamka buaina huhau in hih lai kagelh ciangciang Zomi mi 8 in sih lawh khin aa tua mi 8 lak ah kum 12 aphapan naupang khat zong kihel hi.
Ngaihsut leh sepding pawl khat om ahih man in ka theihtawp in hih thu tawh kisai hong suut masa ning.
Tukum June kha ni 4 ni in Naga thautawi lak ah ahatpen nihna ahi NSCN (Khaplang) makai in India galkapte Chandel district (Moreh lam) ah ambush uh aa India galkap 18 si hi. India zong hehlua ahih man in a comando te zangh in Naga leh alawmte' omna kawlgam sung dong lut in a camp te uh 2 haltum sak in Naga galkap 40 val that uh hi. Tuaban ah July 16 ni in akhat veina India-Myanmar Joint Consultative Commission ah India gamdang vuanzinu H.E Sushma Swaraj in Kawl gamdang vuanzi Wana Maung Lwin' tung ah hih Naga makaite ahi SS Khaplang, Nikki Sumi leh adang 2 te India kumpi' khutsung ah a apna ding in ngetna nei hi.
July 26 ni aa kipan ni 4 sung kawl galkap mang Min Aung Hlaing India va hawh hi. PM Narendra Modi, Defense minister Manohar Parri Kar leh Army chief Dalbir Singh te tawh zong kimu uh aa, India kumpi alangpang thautawite dona ah akisap leh kawlgam sung nangawn ah luttheih cih ki thukim uh ci'n hong ging khia hiauhiau hi.
August ni 3 ni in India kumpi leh Naga thautawi lak aa alianpen ahi NSCN (I-M) te'n kilemna Peace Accord 7, RCR Residence, New Delhi ah hong bawlta mawk uh hi. Kum tampi sung vial 80 val vei bang akikup khit uh ciang vua hong ki thukimzo pan uh ahi hi. Tua ki thukimna ah abuaipih penpen uh leh thuhaksapen aa ki ngaihsun ahi "Integration of all Naga-inhabited areas" acih Nagate omna khempeuh gawmkhawm ding cih hong kihel mawk hi.
Ih buaina hong kipatna atung aa teng hang hi.
USDP te ih hawmthawh mahmah sam hang in USDP palai ahi Pu Neng Khen Pau/ Sia Nee Pau in Naypyitaw parliament ah Meitei te' thu dotna hong neih giapna hang leh ZRA in ahunhun in va nawk zeel in Zomi te'n lampi tuamtuam tawh lungphona ih neih ciang in Zogam ah meitei te koih nawnlo uh aa Naga lak Layshi lam ah koih phei uh hi. Tua lam ah meitei te tul 30 bang omta ci hi.
Tuin meitei te' pute ahi NSCN(K) te India in nak suamsàwm luata ahih man in abukna ding uh angaihsut uh kulta hi.
Naga leh India kumpi' ki thukimna Peace Accord dan in pai leh meitei gam bei ding hi.
Hih Naga te tawh ih kido sangin Zomi te tawh kido leng baihzaw inteh ci uh hiding hi.
Tu aa ih MLA te' nialngamloh pen taksuah ding hileh ih pu ih pa' satsa gam ah lengla/pemta asuak ding ih hi hi.
Ahi zong in hih Bill (muucian/ မူၾကမ္း) pen amau' pyihtaungsu hluttaw ahi parliament in akipsak kik kul phot lai hi. Parliament in gam thukhun (constitution) tawh kituak kei ci'n nial leh amai hiziau hi.
Tua ahih man in akip lohna ding in ih hanciam kulding hi.
Bangci sep ding ?
Zingciang (2 Sep) in Delhi aa om Zomi te'n nitak nai 2 pan nai 6 dong parliament street ah lungphona nasia tak in neiding uh hi.
Shillong aa om Zosuan teng (a Mizo a Kuki om nawnlo) in zong sun 12 aa kipan nasia tak in lungphona nei ding uh hi.
Lei kiuli aa om Zomi te'n zong ih omna gamtek aa India sikzum (ambassy) ah ngetna ih neihtek ding kisam mahmah hi. Hih Bill a pass lohna ding in Central Government in ong huh un cihding himai hi.
1997 ih buailai in zong India kumpi in 1896 kum aa kibawl Chin Hills Regulation Act a paulap mah bang in hih Bill zong Indian Constitution tawh kituak hetlo ahih lam hong genpih na ding in ih thuum/nget ding himai hi.
Hih thu ah hong makaih ding in ZIUSA muanna tak tawh acial hipah hang
Zomi it akuama peuh in thasial hetlo in sikzum ah na napai tek ding un hong cial ing.
Zomite Pasian in hong gualzawhpih hen
Lungdam
Mung Lan Thang/ Thangboi
Zangkong
Ngaihsut leh sepding pawl khat om ahih man in ka theihtawp in hih thu tawh kisai hong suut masa ning.
Tukum June kha ni 4 ni in Naga thautawi lak ah ahatpen nihna ahi NSCN (Khaplang) makai in India galkapte Chandel district (Moreh lam) ah ambush uh aa India galkap 18 si hi. India zong hehlua ahih man in a comando te zangh in Naga leh alawmte' omna kawlgam sung dong lut in a camp te uh 2 haltum sak in Naga galkap 40 val that uh hi. Tuaban ah July 16 ni in akhat veina India-Myanmar Joint Consultative Commission ah India gamdang vuanzinu H.E Sushma Swaraj in Kawl gamdang vuanzi Wana Maung Lwin' tung ah hih Naga makaite ahi SS Khaplang, Nikki Sumi leh adang 2 te India kumpi' khutsung ah a apna ding in ngetna nei hi.
July 26 ni aa kipan ni 4 sung kawl galkap mang Min Aung Hlaing India va hawh hi. PM Narendra Modi, Defense minister Manohar Parri Kar leh Army chief Dalbir Singh te tawh zong kimu uh aa, India kumpi alangpang thautawite dona ah akisap leh kawlgam sung nangawn ah luttheih cih ki thukim uh ci'n hong ging khia hiauhiau hi.
August ni 3 ni in India kumpi leh Naga thautawi lak aa alianpen ahi NSCN (I-M) te'n kilemna Peace Accord 7, RCR Residence, New Delhi ah hong bawlta mawk uh hi. Kum tampi sung vial 80 val vei bang akikup khit uh ciang vua hong ki thukimzo pan uh ahi hi. Tua ki thukimna ah abuaipih penpen uh leh thuhaksapen aa ki ngaihsun ahi "Integration of all Naga-inhabited areas" acih Nagate omna khempeuh gawmkhawm ding cih hong kihel mawk hi.
Ih buaina hong kipatna atung aa teng hang hi.
USDP te ih hawmthawh mahmah sam hang in USDP palai ahi Pu Neng Khen Pau/ Sia Nee Pau in Naypyitaw parliament ah Meitei te' thu dotna hong neih giapna hang leh ZRA in ahunhun in va nawk zeel in Zomi te'n lampi tuamtuam tawh lungphona ih neih ciang in Zogam ah meitei te koih nawnlo uh aa Naga lak Layshi lam ah koih phei uh hi. Tua lam ah meitei te tul 30 bang omta ci hi.
Tuin meitei te' pute ahi NSCN(K) te India in nak suamsàwm luata ahih man in abukna ding uh angaihsut uh kulta hi.
Naga leh India kumpi' ki thukimna Peace Accord dan in pai leh meitei gam bei ding hi.
Hih Naga te tawh ih kido sangin Zomi te tawh kido leng baihzaw inteh ci uh hiding hi.
Tu aa ih MLA te' nialngamloh pen taksuah ding hileh ih pu ih pa' satsa gam ah lengla/pemta asuak ding ih hi hi.
Ahi zong in hih Bill (muucian/ မူၾကမ္း) pen amau' pyihtaungsu hluttaw ahi parliament in akipsak kik kul phot lai hi. Parliament in gam thukhun (constitution) tawh kituak kei ci'n nial leh amai hiziau hi.
Tua ahih man in akip lohna ding in ih hanciam kulding hi.
Bangci sep ding ?
Zingciang (2 Sep) in Delhi aa om Zomi te'n nitak nai 2 pan nai 6 dong parliament street ah lungphona nasia tak in neiding uh hi.
Shillong aa om Zosuan teng (a Mizo a Kuki om nawnlo) in zong sun 12 aa kipan nasia tak in lungphona nei ding uh hi.
Lei kiuli aa om Zomi te'n zong ih omna gamtek aa India sikzum (ambassy) ah ngetna ih neihtek ding kisam mahmah hi. Hih Bill a pass lohna ding in Central Government in ong huh un cihding himai hi.
1997 ih buailai in zong India kumpi in 1896 kum aa kibawl Chin Hills Regulation Act a paulap mah bang in hih Bill zong Indian Constitution tawh kituak hetlo ahih lam hong genpih na ding in ih thuum/nget ding himai hi.
Hih thu ah hong makaih ding in ZIUSA muanna tak tawh acial hipah hang
Zomi it akuama peuh in thasial hetlo in sikzum ah na napai tek ding un hong cial ing.
Zomite Pasian in hong gualzawhpih hen
Lungdam
Mung Lan Thang/ Thangboi
Zangkong
No comments:
Write comments