THUPULAKNA
September 3, 2015
Zomi Innkuan USA kipawlna Board of Directors pawlin Sept. 2, 2015 ni in, India gam, Manipur gamkee (State) sung a Singtangmite thuneihna leh, gam leh leitang pen Manipur gamkee innpi (State Assembly) in thukhun bawlsim in asuhkhiat sawmna thu tawh kisai Thukin Thukikupna leh thukhensatna kibawl a, United States gam sung a om tuipi galkaai Zomi buppi tangin Zomi Innkuan USA kipawlna min tawh anuai a bangin thu kiphuang hi.
1. India gam, Manipur gamkee sung a Singtangmite thuneihna leh, gam leh leitang ahu dingin taangpi taangta lungphona pen Zomi Innkuan USA kipawlna in lungsim takpi tawh kiptak in kithukimpih hi.
2. Minam thuneihna leh, gam leh leitang a’ding in itna tawh a nuntakna apiakhia, Manipur kumpite gamhtatna khutlum hangin mual hong liapsan laizom sanggam, Zogam Salphate Zomi Innkuan USA kipawlna in a thupi pen zahtakna kipia hi. Zogam Salphate’n a nusiat a innkuanpihte a kipan, a laizom sanggam u leh nau khempeuh tawh akibang in Zomi Innkuan USA kipawlna kidah mahmah a, hibang a kisimmawhna hangin kikhasia in, na kisa mahmah hi.
3. Manipur gamkee innpi in Singtangmite tawh kisai thute Singtangmite konlawhlo in akhunsim sawm uh thusunte (Bills) pen anuai a bangin kisang hi.
(a) Protection of Manipur Peoples Bill, 2015:
Hih thukhun in Meitei minamte a’ding deidantuam hamphatna hi a, Singtangmite thuneihna abeina in kisang ahih manin kithukimlo hi.
(b) Manipur Land Revenue & Land Reforms (Seventh Amendment) Bill, 2015:
Hih thukhun in Singtangmite pupa luahsa gam leh leitang hong kisuhkhiat theihna thukhun in kisang a, Zogam leitang khutpi khat cia zong kiphallo ahih manin kithukimlo hi.
(c) Manipur Shops & Establishments (Second Amendment) Bill, 2015:
Hih thukhun in Singtangmite neih leh lamteng, sum leh paai teng hong kinuaisiah theihna ding thu in kisang a, kithukimlo hi.
4. Manipur gamkee sung a Singtangmite, muntuam gamtuam a om laizom Zomi-te tawh akibang in, Zomi Innkuan USA kipawlna in hih Manipur gamkee innpi in athuminsa thusun teng, Manipur State Governor in Thukhun dingin akipsaklohna ding deihna lianpi tawh kingen hi. Governor tung ah ngetna laipi kiphah ding a, India Kumpi tung ahzong kiko ding hi.
5. Manipur gamkee innpi Hill Areas Committee sung a panmunlen Singtangmite Tangmite (MLAs) in Singtangmi taangpi taangta lunggulhna, lungphona leh deihnate zahtak thusimna tawh limtak in mangin, Singtangmite thuneihna leh Zogam leitang pen limtak akepcingna dingun Zomi Innkuan USA kipawlna in kingen hi.
6. Manipur State Governor leh India Kumpi tung ah Zomi Innkuan USA kipawlna pan a ngetna thu leh la khempeuh United Nations zumpite, United States kumpi leh leitung kumpi liante tung ah kitheisak ding a, akilawm akituak bangin ahong vaanpihna dingun kithuum ding hi.
7. Manipur gamkee kumpi (State Government) in Singtangmite thuneihna, gam leh leitang huding a lungpho mipi a bawlsiatnate, a khutlum uh tawh a gammite uh a thahnate leh a gamhtatnate uh thakhat thu in a khawlpahna ding, abeisa a gamtatsiatnate hangin taangpi taangta tung hilhcianna tawh a thuumna ding, Singtangmite thuneihna, gam leh leitang asuhsawmna thu uh adawhkikna ding ahi zongin, Manipur gamkee ukpi (State Governor) in gamkee innpi (State Assembly) thusun (Bills) teng anawlhkikna ding, gamkee innpi sung a Hill Areas Committee in Singtangmite thuneihna, gam leh leitang a kepbitna dingun Singtangmite leh US gam sung a om Zomi buppi tang’in Zomi Innkuan USA kipawlna in Lungphona leh Ngetna anuai a geelna bangin kibawl ding hi.
Manipur gamkee a Singtangmite Thuneihna,
Gam leh Leitang tawh kisai:
Tuipi galkai Zomi-te Gam leh Leitang Vai Lungphona
A Ni : September 8, 2015 (Tuesday)
A Hun : Zingsang Nai 9:00AM~11:00AM
A Mun : Embassy of India, Washington DC
(Khuasung Palikte phalna zui in White House mai lam ahzong kipulak ding hi)
8. Tuipi galkai Zomi-te Gam leh Leitang Thu Lungphona akah dingin US gam sung a om Zomi khempeuh kizawn hi. Singtangmi nam tuamtuamte zong kizawn hi. Hih Lungphona tawh kituak in leitung gam tuamtuam ahzong Lungphona bawlciat dingin kizawn hi.
9. Zomi Innkuan USA kipawlna pan Lungphona vaihawmna ah innteek hihna tawh zin leh leng hong dosak ding leh, Lungphona ah Pawlmi khempeuh ahong kuan dingin Zomi Innkuan DC tung ah zahtakna leh itna tawh kizawn hi.
Zogam Leitang leh Zomi Itna tawh;
Executive Committee
Zomi Innkuan USA
Tang’in;
Do Khan Khup, Dr.
President
347-968-9166
dkkhup@gmail.com
Go Sawm Khup, PE.
General Secretary
918-576-4174
gskhup@aol.com
Tulsa, Oklahoma, USA
September 3, 2015
September 3, 2015
Zomi Innkuan USA kipawlna Board of Directors pawlin Sept. 2, 2015 ni in, India gam, Manipur gamkee (State) sung a Singtangmite thuneihna leh, gam leh leitang pen Manipur gamkee innpi (State Assembly) in thukhun bawlsim in asuhkhiat sawmna thu tawh kisai Thukin Thukikupna leh thukhensatna kibawl a, United States gam sung a om tuipi galkaai Zomi buppi tangin Zomi Innkuan USA kipawlna min tawh anuai a bangin thu kiphuang hi.
1. India gam, Manipur gamkee sung a Singtangmite thuneihna leh, gam leh leitang ahu dingin taangpi taangta lungphona pen Zomi Innkuan USA kipawlna in lungsim takpi tawh kiptak in kithukimpih hi.
2. Minam thuneihna leh, gam leh leitang a’ding in itna tawh a nuntakna apiakhia, Manipur kumpite gamhtatna khutlum hangin mual hong liapsan laizom sanggam, Zogam Salphate Zomi Innkuan USA kipawlna in a thupi pen zahtakna kipia hi. Zogam Salphate’n a nusiat a innkuanpihte a kipan, a laizom sanggam u leh nau khempeuh tawh akibang in Zomi Innkuan USA kipawlna kidah mahmah a, hibang a kisimmawhna hangin kikhasia in, na kisa mahmah hi.
3. Manipur gamkee innpi in Singtangmite tawh kisai thute Singtangmite konlawhlo in akhunsim sawm uh thusunte (Bills) pen anuai a bangin kisang hi.
(a) Protection of Manipur Peoples Bill, 2015:
Hih thukhun in Meitei minamte a’ding deidantuam hamphatna hi a, Singtangmite thuneihna abeina in kisang ahih manin kithukimlo hi.
(b) Manipur Land Revenue & Land Reforms (Seventh Amendment) Bill, 2015:
Hih thukhun in Singtangmite pupa luahsa gam leh leitang hong kisuhkhiat theihna thukhun in kisang a, Zogam leitang khutpi khat cia zong kiphallo ahih manin kithukimlo hi.
(c) Manipur Shops & Establishments (Second Amendment) Bill, 2015:
Hih thukhun in Singtangmite neih leh lamteng, sum leh paai teng hong kinuaisiah theihna ding thu in kisang a, kithukimlo hi.
4. Manipur gamkee sung a Singtangmite, muntuam gamtuam a om laizom Zomi-te tawh akibang in, Zomi Innkuan USA kipawlna in hih Manipur gamkee innpi in athuminsa thusun teng, Manipur State Governor in Thukhun dingin akipsaklohna ding deihna lianpi tawh kingen hi. Governor tung ah ngetna laipi kiphah ding a, India Kumpi tung ahzong kiko ding hi.
5. Manipur gamkee innpi Hill Areas Committee sung a panmunlen Singtangmite Tangmite (MLAs) in Singtangmi taangpi taangta lunggulhna, lungphona leh deihnate zahtak thusimna tawh limtak in mangin, Singtangmite thuneihna leh Zogam leitang pen limtak akepcingna dingun Zomi Innkuan USA kipawlna in kingen hi.
6. Manipur State Governor leh India Kumpi tung ah Zomi Innkuan USA kipawlna pan a ngetna thu leh la khempeuh United Nations zumpite, United States kumpi leh leitung kumpi liante tung ah kitheisak ding a, akilawm akituak bangin ahong vaanpihna dingun kithuum ding hi.
7. Manipur gamkee kumpi (State Government) in Singtangmite thuneihna, gam leh leitang huding a lungpho mipi a bawlsiatnate, a khutlum uh tawh a gammite uh a thahnate leh a gamhtatnate uh thakhat thu in a khawlpahna ding, abeisa a gamtatsiatnate hangin taangpi taangta tung hilhcianna tawh a thuumna ding, Singtangmite thuneihna, gam leh leitang asuhsawmna thu uh adawhkikna ding ahi zongin, Manipur gamkee ukpi (State Governor) in gamkee innpi (State Assembly) thusun (Bills) teng anawlhkikna ding, gamkee innpi sung a Hill Areas Committee in Singtangmite thuneihna, gam leh leitang a kepbitna dingun Singtangmite leh US gam sung a om Zomi buppi tang’in Zomi Innkuan USA kipawlna in Lungphona leh Ngetna anuai a geelna bangin kibawl ding hi.
Manipur gamkee a Singtangmite Thuneihna,
Gam leh Leitang tawh kisai:
Tuipi galkai Zomi-te Gam leh Leitang Vai Lungphona
A Ni : September 8, 2015 (Tuesday)
A Hun : Zingsang Nai 9:00AM~11:00AM
A Mun : Embassy of India, Washington DC
(Khuasung Palikte phalna zui in White House mai lam ahzong kipulak ding hi)
8. Tuipi galkai Zomi-te Gam leh Leitang Thu Lungphona akah dingin US gam sung a om Zomi khempeuh kizawn hi. Singtangmi nam tuamtuamte zong kizawn hi. Hih Lungphona tawh kituak in leitung gam tuamtuam ahzong Lungphona bawlciat dingin kizawn hi.
9. Zomi Innkuan USA kipawlna pan Lungphona vaihawmna ah innteek hihna tawh zin leh leng hong dosak ding leh, Lungphona ah Pawlmi khempeuh ahong kuan dingin Zomi Innkuan DC tung ah zahtakna leh itna tawh kizawn hi.
Zogam Leitang leh Zomi Itna tawh;
Executive Committee
Zomi Innkuan USA
Tang’in;
Do Khan Khup, Dr.
President
347-968-9166
dkkhup@gmail.com
Go Sawm Khup, PE.
General Secretary
918-576-4174
gskhup@aol.com
Tulsa, Oklahoma, USA
September 3, 2015
No comments:
Write comments