Manipur singtang mite' kiam sukna le nam beina dingin a geelsim uh Bill 3, a pass na hangin, abeisa August 31,2015 ni akipan Lamka khuapi sungah mipite in lungphona nei uh hi. Lungphona ah adiakdiak in Numei kipawlnate in nisim phial in nei den uh a, tuni September 26,2015 ni-in Pu Thang Lian Pau (ZRO President) i teenna inn huang sungah lutin, a motor 2 leh a teenna Innpi haltum sak uh cih kiza hi. ZRO President leh UPF President ahi Pu Thang Lian Pau Guite leh Kuki National Organization (KNO) President PS Haokip te in salphate' misi 9 te kikoihna Lamka zatopi misibuk (morgue) ah a hawh kal in, lungphona nei Nupi te'n Pu Thang Lian Pau i inn valuh in halsak uh ci hi.
Hih banga Numei kipawlte in ZRO makaipi Pu Thang Lian Pau inn a halsakna hang pen Lamka khuapi buaina tungtang ah mipite' lametna zahin mapang salo lua banah Palikte' kaplum misi 9 te tawh kisai zahtak piakna hunte ah ZRO President kihello lua sa uh ahihna hang tawh Inn halsak uh cih kiza hi. Tua bek tham loin, ZRO President in Lamka khuapi sungah Inn mun 5 bang nei ahih manin, Minipur state bill a pass Zomi Minister te tawh zong kizopna nei hi dingin upmawhna kinei cih kigen hi.
Zogam Online te tungtawn a thukizakna ah Pu Thang Lian Pau Guite (President,ZRO) leh PS Haokip, (President, KNO) te’n Lamka zatopi misi koihna ah Salphate' galna nei-in, Salphate' luang tungah zahtak piakna (Salute) in Minutes 2 sung lukun in daide in om uh hi. Tua khitteh (Morgue) kongpi mai ah thugenna nei-in," Cikmah hun a kigawmkhawm thei dinga kingaihsun ngamlo UPF leh KNO in Salphate' tungtawn in khutkhat tawi khekhat khai bangin mapang khawm thei ding leh i lunggulh tawntung ahi Separate State nget dingin thukimna kinei ta cih thu pulakna nei hi. Tua hi-in, hih Salphate sisan mawk luanlo ding ahih ahih manin, Zomite khempeuh kilungtuak in mapankhop ding kisam semsem ahihna thute genbeh hi.
Tua zomah PS Haokip (President, KNO) in zong thugenna nei a, "Manipur in State akingah cil akipan Manipur a om singtangmite kinnenniam denin, Central Delhi pan fund hong pai khempeuh Phaizang bial sung teng bekah kizangh denin, singtangmite' ngetnate peuh hong kipia ngeilo ci hi. Tutung a nuntakna apia Salpha 9 te' hangin tuni’n UPF leh KNO in Separate State ngen ding thukimna kibawl ta ahihna gen cih kiza hi.
Source: Thutatuam & Zogamonline
Hih banga Numei kipawlte in ZRO makaipi Pu Thang Lian Pau inn a halsakna hang pen Lamka khuapi buaina tungtang ah mipite' lametna zahin mapang salo lua banah Palikte' kaplum misi 9 te tawh kisai zahtak piakna hunte ah ZRO President kihello lua sa uh ahihna hang tawh Inn halsak uh cih kiza hi. Tua bek tham loin, ZRO President in Lamka khuapi sungah Inn mun 5 bang nei ahih manin, Minipur state bill a pass Zomi Minister te tawh zong kizopna nei hi dingin upmawhna kinei cih kigen hi.
Zogam Online te tungtawn a thukizakna ah Pu Thang Lian Pau Guite (President,ZRO) leh PS Haokip, (President, KNO) te’n Lamka zatopi misi koihna ah Salphate' galna nei-in, Salphate' luang tungah zahtak piakna (Salute) in Minutes 2 sung lukun in daide in om uh hi. Tua khitteh (Morgue) kongpi mai ah thugenna nei-in," Cikmah hun a kigawmkhawm thei dinga kingaihsun ngamlo UPF leh KNO in Salphate' tungtawn in khutkhat tawi khekhat khai bangin mapang khawm thei ding leh i lunggulh tawntung ahi Separate State nget dingin thukimna kinei ta cih thu pulakna nei hi. Tua hi-in, hih Salphate sisan mawk luanlo ding ahih ahih manin, Zomite khempeuh kilungtuak in mapankhop ding kisam semsem ahihna thute genbeh hi.
Tua zomah PS Haokip (President, KNO) in zong thugenna nei a, "Manipur in State akingah cil akipan Manipur a om singtangmite kinnenniam denin, Central Delhi pan fund hong pai khempeuh Phaizang bial sung teng bekah kizangh denin, singtangmite' ngetnate peuh hong kipia ngeilo ci hi. Tutung a nuntakna apia Salpha 9 te' hangin tuni’n UPF leh KNO in Separate State ngen ding thukimna kibawl ta ahihna gen cih kiza hi.
Source: Thutatuam & Zogamonline
No comments:
Write comments