Skip to main content

USA Kumpi masa Tangthu

American gambup lungtang thak pa pai ding ahih manin lampi lai ah akipuk singkungpi khat galkapte in hemkhia dingin hong kithawi uhi. Ahi zongin tua galkap naltangte in amau tha tawh khinkhia zolo uhi. Amau a uk galkap bopa ahih leh huh hetlo in lampi gei ah khutzep in dingin a kampan in thu pia ziauziau hichiat lel hi.

Tua laitak in sakol tung tuang mikhat tua mun ah hong tung hi. Tua sakol tuangpa in “Bang cia hemkhiat pihlo na hia?” ci’n hong dong hi.

Galkap bopa in zong “Hite kei sep ding hilo. Galkap bo cih ciangin naltangte thu sawl ding bek hi in huh ding, seppih ding kullo hi” ci’n hong dawngkik hi.

Sakol tungtuang pa zong sakol tungpan hong tuaksuk in singluang hem galkap te huh dingin hong paiphei hi. Galkapte tawh tua singluang thakhat in domkhawm in lampi nawl ah hong hemkhia zo uhi. Tua khit ciangin tua mipa in galkap bopa kiangah hi bangin hong gen hi.

“Nidang ciang hibang dan singluang hep ding a om zenzen aa huhna akisap leh galkap mangpipa hongsam un maw”.

………………

Tua mipa pen American gam i amasa pen gamlutangpipa lah ahi galkap mangpipa (commander in chief) lah ahi George Washington ahi hi. Mikang te khutsung pan suahtakna ngah nading le American gam (USA) piankhiatna ding amakai pupi zong ahi hi. Amah ahih leh zanglei lobuk khat panin lokho nupa khat i tapa khat ahi lel hi. A neulai in apa in nusia baih ahih manin a ute bangin pilsinna lam a sang England gamah sangkah khalo khat zong ahi hi. England le France te gamkituhna, kido na a om ciangin England lam ah pangin gal a do mipa khat zong ahi hi. England kumpipa piak minphatna, galkap mangpi za te nusia in a lo ah a ciahkik aa lo akho mipa zong ahi hi. Tua khit ah American gambup suahtak nading hanciam in suahtakna zong ngahpih zo hi. Asih madong gambup lutangpi sem dingin gammi te’n deih mah taleh minleza te iplah lo in a nial ngampa zong ahi hi.

Italy te in “Chess kimawl mankhit ciangin kumpipa, kumpinu, rooks, bishop,sakol le pawn te a bungsung ah kikoih khawm kik hi.” ci’n paunak nei uhi.

Khat veivei ciangin i nasep na mun le za te ikisak theihpih kha thei hi. Tua za le minphatnate tawh munkhempeuh ah ikiphasak kha thei hi.

Sangsia sem khatin sanginn ah sia khat bangin gamta hi. Tua mah bangin a inn aa nulepa, ulenau, zi/palsal le tate tungah sia khat bangin gamta suak mawk leh tua innkuan sung ah kilemna sangin kilemlohna piangzaw thei hi. I min iza te tung dingkip lo in, amun ahun zui in ilungsim, i kampau gamtatna i khel theih ding zong thupi hi.

Ka neulai in England kumpinu te nupa thu kasim kha ngei hi. England kumpinu ahih leh a khutnuai a galkapmangpipa tawh akiteeng ahi hi. Zum hun ah galkapmangpipa in kumpinu mai ah ‘a vanglian kumpinu aw’ (Your Majesty) ci’n amai ah kamnem le zahtakna tawh kampau hi. Ahi zongin a inn ah tua kumpinu pen ama an huannu, zum pai ding ciangin a mah a zemnu azi ahi zel kawikawi hi. Tua hi aa mi picing, makai picing te in ki niamkhiatna le itna nei kim ciat uhi.

Mun khempeuh ah minphatna, minleza lukhu te khuk den ding hilo hi. Tua hi a na lukhu suah hun ding phawk in!

xxxxx—–xxxxxx

Lai-at ;Nk Khanno

Labels:

Comments

Post a Comment

Popular posts from this blog

Zomi: Who They Are

Zomi Total population ca. 2,500,000 Languages Various Kuki , Mizo , Chin , Naga , Paite Religion Christianity , Animism , Buddhism , Laipian Related ethnic groups Naga , Meitei , Hmar , Mizo , Kuki Zomi [1] is the name of a major tribe found in various parts of South and South East Asia. The term Zomi meaning, Zo People [2] is derived from the generic name 'Zo', the progenitor of the Zomi. They are found in northwestern Myanmar, northeastern India and Bangladesh. Anthropologists classify them as Tibeto-Burman speaking member of the Mongoloid race. In the past they were little known by this racial nomenclature. They were known by the non-tribal plain peoples of Myanmar, Bangladesh and India as Chin, Kuki, or Lushai. Subsequently the British employed these terms to christen those 'wild hill tribes' living in the "un-admiral. They are Zomi not because they live in the highlands or hills, but are Zomi and call the...
2 comments
Read more

CHIN, ZOMI, MIZO, ZO cihtawh kisai Debate

CHIN, ZOMI, MIZO, ZO cih minvai tawh kisai India gam aom ih mipihte kikupna, Debate bawlna hi. Sausimsim in alunglut velvelte bekin atawpdong simzo bekding hi. This is the outcome of the debate about our nomenclatures like Chin-Kuki-Mizo-Zomi on FaceBook – Zolengthe Group. The debate Vaphual shows that every one of us clearly know who we are – We are Zo, but some opined that Kuki nomenclature should be used as it is recognised nationaly and internationally. This is the starting point of the debate: Dear friends, MIZO=ZOMI, then is it something like both side of a coin? If it is so, then there is no chance of sitting under one administrative umbrella. Another Point: Mizo or Zomi ~ Which one should be the right word? I know You will say both. But according to Pu T. Gougin, Founder President of Zomi National Congress, “The land come first and then the people” therefore, it should be Zo… Mi….. that means Zo = Land and Mi = People. He further argued that MIZO is a wrong word; ...
Post a Comment
Read more

Dr. Chin Do Kham Tangthu

Dr. Chin Do Kham Biography Education     Scholar in Residence for Ph.D. Educational Studies Program at Trinity International University, Chicago, USA, May 2003-August 2005.D., Intercultural Studies, Trinity Evangelical Divinity School of Trinity International University, Chicago, 1998.Min.(Doctor of Ministry in Pastoral Leadership), Oral Roberts University, Tulsa, OK, 1994.Special Study Program at Jerusalem Center for Biblical Studies, Israel, 1996. Educational Administrative and Teaching Experiences Adjunct Professor of Missions and Leadership at Myanmar Evangelical Graduate School of Theology (MEGST), Myanmar since Fall 2008 to PresentAssociate Adjunct Professor of Graduate School of Theology at Global University, Springfield, MO, USA 1996-present.Professor and Director of M.A. Missions Program and taught Leadership and Missions courses for M.A./M.Div./D.Min. courses at Oral Roberts University (2006-2008)Dean of Students and Professor of Missions/Leadership at Asia Pacific T...
Post a Comment
Read more