2015 Zogam Kiteelna Result Feedback
Result-pen English I’ kawmpak hi-in kawm suaksuak mai lehang kiamsukna lawh saam kenteh mataw!!!
Zogam Kiteelna result-ah ZCD leh USDP te-nih Government leh Opposition (gamlian-tawh tehpak) dinmun ahihman-in result asuak limlim lungdamhuai-hi.
Zogam khua kimciat pan-in kiteelna result daan-a malsim/list hongki mawkkhah ngeingai, upmawh gen ziazua-tawh, “ZCD vote pialote, USDP vote piate” aci-tawh bang-tawh papipi naupang kampau-a laigelh tampi-zong omkhin, hihte azumhuai mahmah, minam tualniamna ahihi.
Kiteelna hongtun ma-in Zomi-ah luankhop theih nading thusunna ka-nei zeel-a, pawlkhatbang ki print khia-in khuate-ah kihawm-hi. Politician ahilo, organisational leader-zong ahilo, biakna makaai-zong ahilo ZOMI AMIHING A-It mi khat ka’ hihna bulphuh-a ka’ suutden: “Kuakua-in ngah taleh minam khantoh pah zuahzuah nading omkei, party khat leh khat mahsahlah hunlaai bang-in ki-el, ki-gaal, kido kei un” cih Zomite hong phawkthak sakkiik nuam-ing.
Inclusive idea akici ahuamkim ngaihsutna-pen Zomi khangluui khangthak sung-ah haksa kisa mahmah phadiak-a, exclusive idea akici paihtuam ngaihsutna naakpi-in thahaat sese-hi. Hih-pen minam buppi’ ading masuan hongkhaak ling hi-a, biakna, tualsung kipawlna bangkim-ah humtuam paihtuam neihnate-in minam, pawlpi leh innkuan kisia sak-hi. Tua thugui I-theihcian nading naakpi-in khuadaak-in mitte vaak sakding hihang.
Kiteelna result tungtawn-a feedback pawlkhat exclusive idea-tawh agualzo bang-a aseh mite flattering akici maaibiaktuamna-tawh kizom kammalte kimu-a, zumhuai mahmah-hi. Kongtungpa akah hang-in kongnuaipa anawlkhiin khaakleh ahoih kiveengtaatna (good neighbourhood) piang ngeilo dinghi. Ahoih kiveengtaatna lo-in patau kaangmei-a kipan gaallehsa peuhmah-ah kihong/kihonkhia ngeilo, pangkhawm ngeilo ding-a, sawtsawtleh kilehheek (betray) laaiding muhsa ahihi: Lehheek – na’ pawlpih, na’ minampih khat’ thusim ama’ gaalte’ kiang-ah vagen, vapuak, va-sutuah cihna ahihi.
Tutung kiteelna-ah Laaitui Khua’ khantohna kahong pulaak nuam-hi. 1990 Kiteelna hunlaai-in Laaitui Khua pan-in ZNC’ ading meé tang 6 bek kingah-a, 2015 Kiteelna hun ciang-in atuul-a sim kingah-hi. Laaitui Khua-ah meé tang 4,000 kiim a-om ahihi. Meé tang 200 – 300 ciangciang anei-bek Zogam khuaneu 4 leh 5 te-in meé luankhat-a aluangsak luahluah zong-in Laaitui Khua pan-a lawng nih/thum-a aluang’ sang-in tawmzaw laai-hi. Tua ahihman-in “buiipi leikeii inzong khua-ngai” acih mahbang-in pilvaang leh ahuamkim lungsim-tawh kalsuan siamding naakpi-in kisam-hi.
Laaitui Khua-ah kum 25 sung-in meé tang tuul vaal akhan nading-in ZCD te’ nasepna-zong hilo-a, “minam-ah luankhop dingciang lunggulhna” bek-tawh hihzah akhang ahihi. Naute khenkhat maaimial kisa mahmah uh-a, kei mimal kahihleh naakpi-in ka’ angtang mahmah-hi. “Laaituite khanglo ta-uh, kipan ta-uh….” ci-in ka-lawp mahmah-hi. Hong kipan vaanglakleh hong khawlkiik khollo ding-a, hong tawtolh khollo dinghi. Zomi thuguipite kisuutpih zolopi mah-in, Zomi minam kalsuan nading tuplehngiim tuamtuamte kisuutpih zolopi mah-in, USDP banghi-a, NLD banghi-a, ZCD banghi-a cihte kihilhcian zolopi mah-in Laaitui Khua-ah ZCD-in ahoihkhom meé hongngah theihpen naakpi-in ka-angtang mahmah-hi.
Tua hi-a, ZCD-in solid phialphial-a meé angahna khuate hitaleh ZCD amaai-et kholnuam-a kamthak, gongthak uipi meiipeek velvel tepawl-in naakpi-in paulehhaam kidopding thupi dinghi. Khua nih/thum gawm’ sang-a meé-tang atamzaw akingahna khua khat zahpih niknek, engcih niknek, naupang selnoh bang-a “kogawp kei un” cih neknuk khawng-pen uipi meipeek velvelte’ kampau ahihi. Tuabang mite naakpi-in maaizumhuai ahihlam kiphawkleh minam aki hampha hipah dinghi.
2015-pen ahampi Result hi-a, Kawlgam buppi tanzil-ah khuahun kihei ziading kigencian thei naailo-hi. Gambup tanzil-ah NLD-in “zo-khin” DASSK-in ci-a, tutak-a thunei gaalkaapte-in “thuneihna piakhia dingmaw, khaaktan dingmaw” kithei naailo-hi. Limitation tampi-tawhzong piakhia maithei-hi. Limit cihteh gamtat nading lampi honkhat khaakcip cihna hi-a, Kawl Gaalkaapte’ ngeina ahihi. “Tuabang hihngam kenteh, gamdangte-zong kigolh…” cihding hikhin khollo-hi, banghanghiam cihleh gamdangte a-awlmawh deklo Kawl gaalkaapte ahihi. Lau neilo uh-a, khual neilo ahihman-in kisuanna leh maaizumna nei theilo uhhi.
Hihbang kawmkaal-ah, Zomi khua khat leh khat ki-gimneihpah, kilangbawlpah, ki-heem etpah cihte namneu lungtoii ahihman-in tu mahmah-in nusia ciatni. Kawlgam buppi hong kikheel phial lehzong mipi lo-in, party makaai tuamtuamte mah-tawh pankhop loh-in ZCD bek-in asep zawh pakding omlo-a, USDP-zong tuabangmah ahihi. ZCD acinleh USDP makaaite mah-tawh khut hong kiletkhop loh-in minam phattuam nading alianpi pianglo dinghi. USDP-in ZDC’ nasepna khaakzeel, ZCD-in USDP’ nasepna khaakzeel, cihdaan-a lim hong kilatleh amakaaiteng laakkhiat meengmeeng loh-in minam sung-ah enmity akici kigaalneihna ling hongkhang dinghi.
Minam it khempeuh-in minam sung-a kigaalneihna ling deihlo dinghi. Nang na’ deih-hiam cih nangmah na-kitheipen dinghi. Tua-hi, minam itna: minam it te-in ama’ biakinn-ah akikhawmlo mipihte-zong it-a, ama’ party-ah aluutlo mipihte-zong it-hi. Tua ahihman-in lungsimte saangkhaan-in, ngaihsutnate taangzaii sak-in, thumuhnate keeksau-in, sepsuahnate thasaan lehang Zogam hong paalluun dinghi.
NOTE: “USDP te-in meé ngah veve” ci-a lamdang asa sanggamte-in thunung thumaa I’ muhlohman ahihi. 1947-a kipan tuni ciangdong hongki- khuaknim (brainwashed) dikdek khinsa-pen Mihing’ Hihtheihnate (Human Rights)-tawh kisai mei-aam neuno khat 1990 kum-a hong kimu kiau ziak-in “kum 25 sung-ah hihzah-a kikheelna lianpi omta” ci-a naakpi alungkimhuai hizaw-hi.
Kawlgam Buppi Kikheelna hongpiang tahen!
Zomi Minam Buppi sung-ah kikhualna hongpiang tahen!
Zomi Pasian’ Thupha!
Zokhai
Result-pen English I’ kawmpak hi-in kawm suaksuak mai lehang kiamsukna lawh saam kenteh mataw!!!
Zogam Kiteelna result-ah ZCD leh USDP te-nih Government leh Opposition (gamlian-tawh tehpak) dinmun ahihman-in result asuak limlim lungdamhuai-hi.
Zogam khua kimciat pan-in kiteelna result daan-a malsim/list hongki mawkkhah ngeingai, upmawh gen ziazua-tawh, “ZCD vote pialote, USDP vote piate” aci-tawh bang-tawh papipi naupang kampau-a laigelh tampi-zong omkhin, hihte azumhuai mahmah, minam tualniamna ahihi.
Kiteelna hongtun ma-in Zomi-ah luankhop theih nading thusunna ka-nei zeel-a, pawlkhatbang ki print khia-in khuate-ah kihawm-hi. Politician ahilo, organisational leader-zong ahilo, biakna makaai-zong ahilo ZOMI AMIHING A-It mi khat ka’ hihna bulphuh-a ka’ suutden: “Kuakua-in ngah taleh minam khantoh pah zuahzuah nading omkei, party khat leh khat mahsahlah hunlaai bang-in ki-el, ki-gaal, kido kei un” cih Zomite hong phawkthak sakkiik nuam-ing.
Inclusive idea akici ahuamkim ngaihsutna-pen Zomi khangluui khangthak sung-ah haksa kisa mahmah phadiak-a, exclusive idea akici paihtuam ngaihsutna naakpi-in thahaat sese-hi. Hih-pen minam buppi’ ading masuan hongkhaak ling hi-a, biakna, tualsung kipawlna bangkim-ah humtuam paihtuam neihnate-in minam, pawlpi leh innkuan kisia sak-hi. Tua thugui I-theihcian nading naakpi-in khuadaak-in mitte vaak sakding hihang.
Kiteelna result tungtawn-a feedback pawlkhat exclusive idea-tawh agualzo bang-a aseh mite flattering akici maaibiaktuamna-tawh kizom kammalte kimu-a, zumhuai mahmah-hi. Kongtungpa akah hang-in kongnuaipa anawlkhiin khaakleh ahoih kiveengtaatna (good neighbourhood) piang ngeilo dinghi. Ahoih kiveengtaatna lo-in patau kaangmei-a kipan gaallehsa peuhmah-ah kihong/kihonkhia ngeilo, pangkhawm ngeilo ding-a, sawtsawtleh kilehheek (betray) laaiding muhsa ahihi: Lehheek – na’ pawlpih, na’ minampih khat’ thusim ama’ gaalte’ kiang-ah vagen, vapuak, va-sutuah cihna ahihi.
Tutung kiteelna-ah Laaitui Khua’ khantohna kahong pulaak nuam-hi. 1990 Kiteelna hunlaai-in Laaitui Khua pan-in ZNC’ ading meé tang 6 bek kingah-a, 2015 Kiteelna hun ciang-in atuul-a sim kingah-hi. Laaitui Khua-ah meé tang 4,000 kiim a-om ahihi. Meé tang 200 – 300 ciangciang anei-bek Zogam khuaneu 4 leh 5 te-in meé luankhat-a aluangsak luahluah zong-in Laaitui Khua pan-a lawng nih/thum-a aluang’ sang-in tawmzaw laai-hi. Tua ahihman-in “buiipi leikeii inzong khua-ngai” acih mahbang-in pilvaang leh ahuamkim lungsim-tawh kalsuan siamding naakpi-in kisam-hi.
Laaitui Khua-ah kum 25 sung-in meé tang tuul vaal akhan nading-in ZCD te’ nasepna-zong hilo-a, “minam-ah luankhop dingciang lunggulhna” bek-tawh hihzah akhang ahihi. Naute khenkhat maaimial kisa mahmah uh-a, kei mimal kahihleh naakpi-in ka’ angtang mahmah-hi. “Laaituite khanglo ta-uh, kipan ta-uh….” ci-in ka-lawp mahmah-hi. Hong kipan vaanglakleh hong khawlkiik khollo ding-a, hong tawtolh khollo dinghi. Zomi thuguipite kisuutpih zolopi mah-in, Zomi minam kalsuan nading tuplehngiim tuamtuamte kisuutpih zolopi mah-in, USDP banghi-a, NLD banghi-a, ZCD banghi-a cihte kihilhcian zolopi mah-in Laaitui Khua-ah ZCD-in ahoihkhom meé hongngah theihpen naakpi-in ka-angtang mahmah-hi.
Tua hi-a, ZCD-in solid phialphial-a meé angahna khuate hitaleh ZCD amaai-et kholnuam-a kamthak, gongthak uipi meiipeek velvel tepawl-in naakpi-in paulehhaam kidopding thupi dinghi. Khua nih/thum gawm’ sang-a meé-tang atamzaw akingahna khua khat zahpih niknek, engcih niknek, naupang selnoh bang-a “kogawp kei un” cih neknuk khawng-pen uipi meipeek velvelte’ kampau ahihi. Tuabang mite naakpi-in maaizumhuai ahihlam kiphawkleh minam aki hampha hipah dinghi.
2015-pen ahampi Result hi-a, Kawlgam buppi tanzil-ah khuahun kihei ziading kigencian thei naailo-hi. Gambup tanzil-ah NLD-in “zo-khin” DASSK-in ci-a, tutak-a thunei gaalkaapte-in “thuneihna piakhia dingmaw, khaaktan dingmaw” kithei naailo-hi. Limitation tampi-tawhzong piakhia maithei-hi. Limit cihteh gamtat nading lampi honkhat khaakcip cihna hi-a, Kawl Gaalkaapte’ ngeina ahihi. “Tuabang hihngam kenteh, gamdangte-zong kigolh…” cihding hikhin khollo-hi, banghanghiam cihleh gamdangte a-awlmawh deklo Kawl gaalkaapte ahihi. Lau neilo uh-a, khual neilo ahihman-in kisuanna leh maaizumna nei theilo uhhi.
Hihbang kawmkaal-ah, Zomi khua khat leh khat ki-gimneihpah, kilangbawlpah, ki-heem etpah cihte namneu lungtoii ahihman-in tu mahmah-in nusia ciatni. Kawlgam buppi hong kikheel phial lehzong mipi lo-in, party makaai tuamtuamte mah-tawh pankhop loh-in ZCD bek-in asep zawh pakding omlo-a, USDP-zong tuabangmah ahihi. ZCD acinleh USDP makaaite mah-tawh khut hong kiletkhop loh-in minam phattuam nading alianpi pianglo dinghi. USDP-in ZDC’ nasepna khaakzeel, ZCD-in USDP’ nasepna khaakzeel, cihdaan-a lim hong kilatleh amakaaiteng laakkhiat meengmeeng loh-in minam sung-ah enmity akici kigaalneihna ling hongkhang dinghi.
Minam it khempeuh-in minam sung-a kigaalneihna ling deihlo dinghi. Nang na’ deih-hiam cih nangmah na-kitheipen dinghi. Tua-hi, minam itna: minam it te-in ama’ biakinn-ah akikhawmlo mipihte-zong it-a, ama’ party-ah aluutlo mipihte-zong it-hi. Tua ahihman-in lungsimte saangkhaan-in, ngaihsutnate taangzaii sak-in, thumuhnate keeksau-in, sepsuahnate thasaan lehang Zogam hong paalluun dinghi.
NOTE: “USDP te-in meé ngah veve” ci-a lamdang asa sanggamte-in thunung thumaa I’ muhlohman ahihi. 1947-a kipan tuni ciangdong hongki- khuaknim (brainwashed) dikdek khinsa-pen Mihing’ Hihtheihnate (Human Rights)-tawh kisai mei-aam neuno khat 1990 kum-a hong kimu kiau ziak-in “kum 25 sung-ah hihzah-a kikheelna lianpi omta” ci-a naakpi alungkimhuai hizaw-hi.
Kawlgam Buppi Kikheelna hongpiang tahen!
Zomi Minam Buppi sung-ah kikhualna hongpiang tahen!
Zomi Pasian’ Thupha!
Zokhai
Comments
Post a Comment