NLD leh ZCD ki banglo, Zomite ading ZCD a piak huaizia
Mipi tampi takin NLD leh ZCD ki bang hi cih tawh lung hiang uhhi. Lunghiang huai hetlo ahihna sutsuk ngekngek ni ei. Na telna dingin hoihtak in na simin lunglut huai mahmah takpi hi.
Upper House ( Amyotha ah ) State 7 kigawm MP 84 leh Region 7 kigawm MP 84 + Galkap nominate 56 ahihi.
NLD in Region teng lakmang ding hileh ( ci ni ) 84 ngah ding hi.
Lower house ah Kawlgambup Myone 330 ah MP 330 hipan in, adang 110 galkap nominate hi a, mipi' teel 330 lak ah State teng kigawm 117 hi in Region teng ah 213 om hi.
NLD in Region teng a vek in luak hileh 213 ngah ding hi. Hong ngah mahmah lel ding hi.
Upper + Lower = 213 +84 = 297 hiding hi.
MP a vek a gawm 664 lak ah 50% pen 332 ahihman in kumpi septheihna ding 333 a ngah uh hong kul aa, state pan 37 a ngah kei uh leh kumpi sem zolo veve ding hi. State panin ZCD in a pawlpih keileh 37 cinglo ding cihna hi aa, ZCD mee tawmin tamta leh man neihveve ding hi.
Tua ban ah NLD in zanggam Region khempeuh a vek a luakkhin samlo ding hi. Ahi zong 80% ngahleh upper leh lower ki gawm 297 x0.8 = 240 hileh approx. MP 90 bang State teng pan angah kul ahihman in ZCD in man neihpi-in man neih semsem ahihi.
ZCD mee a piak huaizia anuai ah telsemsem niteh.
Mizoram en pak leng. Kum 1986 masiah, UT ahihlai in, Vaite Congress-I Party in nazo uh a, Pu Lalthanhawla mahmah zong Congress-I Party pan in kiteel in Mizogam na makaih den hi. Ahi zong, a Party in bangzahta in Mizogam pen puah ding acihcih hang, Party lianpi sung ah thu suak zo ngeilo mawk hi. ZCD pen Party dang khat sung aom cih hilo a tuam vilvel ahihi.
Mizogam zong ZCD bangin atuam vilvel in MNF P
pawlin minam siksak in Thau tawh hong kitom ciangin, 1986-88 in Full State angahkhia zopan himawk hi. ZCD zong minam siksan in hong ki pan ahihi. ZCD in Thau tawi kullo Vote tawh ma apang thei ding hong hita hi. Vote ngah zahzah mawk suak cihlo theilo hi.
Manipur gam tawh et khak leuleu leng, Pu Phungzathang pen Meitei kumpi Party sungah Meitei atamzaw makaihna Congress-I Party pan a MLA panin a kiteel ahihi. Pu Phungzathang sepna party ah Meiteite na tamzaw ahih manin tua tunga Bill 3 vai pen a gumzolo mah suak hi. A tamzaw thukimna mah thupi zaw ahih man hi. Zomi minpua khat Party na uh hileh ki gumzo mahmah ding hi. Zogam pen mi khut sung a tun ding na phal het keileh ZCD piak ding hiziau hi. Lung khak khak nang omlo hi. A dang party a pia hi zenzen lecin nang mimal hamphatna ding om zenzenlo hi. ZCD pen minambup ading ahihi. Minam sung hong cidam ding aa, Zogam nuam, Zogam hong pallun nangin na Mee ZCD ah khia in cih kong tangko hi.
Hih thu tawh ki sai-in Pu Go Sawm Khup, Pu Pau Khat Suan leh Zomi Angvaan blog sung panin gawm tuah kawikawi aa, hong Tangko hihi. Lungdam
Thawn Tuang
Nov 5, 2015
Nashville TN USA
Mipi tampi takin NLD leh ZCD ki bang hi cih tawh lung hiang uhhi. Lunghiang huai hetlo ahihna sutsuk ngekngek ni ei. Na telna dingin hoihtak in na simin lunglut huai mahmah takpi hi.
Upper House ( Amyotha ah ) State 7 kigawm MP 84 leh Region 7 kigawm MP 84 + Galkap nominate 56 ahihi.
NLD in Region teng lakmang ding hileh ( ci ni ) 84 ngah ding hi.
Lower house ah Kawlgambup Myone 330 ah MP 330 hipan in, adang 110 galkap nominate hi a, mipi' teel 330 lak ah State teng kigawm 117 hi in Region teng ah 213 om hi.
NLD in Region teng a vek in luak hileh 213 ngah ding hi. Hong ngah mahmah lel ding hi.
Upper + Lower = 213 +84 = 297 hiding hi.
MP a vek a gawm 664 lak ah 50% pen 332 ahihman in kumpi septheihna ding 333 a ngah uh hong kul aa, state pan 37 a ngah kei uh leh kumpi sem zolo veve ding hi. State panin ZCD in a pawlpih keileh 37 cinglo ding cihna hi aa, ZCD mee tawmin tamta leh man neihveve ding hi.
Tua ban ah NLD in zanggam Region khempeuh a vek a luakkhin samlo ding hi. Ahi zong 80% ngahleh upper leh lower ki gawm 297 x0.8 = 240 hileh approx. MP 90 bang State teng pan angah kul ahihman in ZCD in man neihpi-in man neih semsem ahihi.
ZCD mee a piak huaizia anuai ah telsemsem niteh.
Mizoram en pak leng. Kum 1986 masiah, UT ahihlai in, Vaite Congress-I Party in nazo uh a, Pu Lalthanhawla mahmah zong Congress-I Party pan in kiteel in Mizogam na makaih den hi. Ahi zong, a Party in bangzahta in Mizogam pen puah ding acihcih hang, Party lianpi sung ah thu suak zo ngeilo mawk hi. ZCD pen Party dang khat sung aom cih hilo a tuam vilvel ahihi.
Mizogam zong ZCD bangin atuam vilvel in MNF P
pawlin minam siksak in Thau tawh hong kitom ciangin, 1986-88 in Full State angahkhia zopan himawk hi. ZCD zong minam siksan in hong ki pan ahihi. ZCD in Thau tawi kullo Vote tawh ma apang thei ding hong hita hi. Vote ngah zahzah mawk suak cihlo theilo hi.
Manipur gam tawh et khak leuleu leng, Pu Phungzathang pen Meitei kumpi Party sungah Meitei atamzaw makaihna Congress-I Party pan a MLA panin a kiteel ahihi. Pu Phungzathang sepna party ah Meiteite na tamzaw ahih manin tua tunga Bill 3 vai pen a gumzolo mah suak hi. A tamzaw thukimna mah thupi zaw ahih man hi. Zomi minpua khat Party na uh hileh ki gumzo mahmah ding hi. Zogam pen mi khut sung a tun ding na phal het keileh ZCD piak ding hiziau hi. Lung khak khak nang omlo hi. A dang party a pia hi zenzen lecin nang mimal hamphatna ding om zenzenlo hi. ZCD pen minambup ading ahihi. Minam sung hong cidam ding aa, Zogam nuam, Zogam hong pallun nangin na Mee ZCD ah khia in cih kong tangko hi.
Hih thu tawh ki sai-in Pu Go Sawm Khup, Pu Pau Khat Suan leh Zomi Angvaan blog sung panin gawm tuah kawikawi aa, hong Tangko hihi. Lungdam
Thawn Tuang
Nov 5, 2015
Nashville TN USA
Comments
Post a Comment