Skip to main content

Pu Chin Sian Thang (ZCD) leh Pi Aung San Suu Kyi (NLD) in Gualzo

Zomi Congress for Democracy pen 1988 kum in Zomi National Congress (ZNC) mintawh Kawlkumpi tung ah registration kibawl in, 1990 Myanmar General Election ah mun 4 ah dem in mun 2 ah gualzawhna hong ngah uh hi. National League for Democracy zong 1990 General Election ah Seats 492 pan 392 ah mun hong ngah in, Kawlgambup kitelna ah 72.6% bang tawh hong zo uh hi. Ahizong in Kawlgalkap Kumpi in Aung San Suu Kyi kumpi za pia lo in house arrest dong hong tun zawsop uh hi. Tua mah bang in Zomi National Congress (ZNC) in zong “National” cih kammal zat ding Kawl Galkap Kumpi in hong phal nawnlo in, tun ZNC pan Zomi Congress for Democracy (ZCD) hong suak hi. Tua beklo in Pi Suu Kyi mah bang in ii Zomi makaipi, Pu Chin Sian Thang zong gilbem ah 9 or 10 vei bang na sam khin uh hi.

8th November 2015 ni, Kawlgambup in Democracy ngeina zui in General Election hong nei kik in, 1990 lai mah bang in Chin State (Tedim, Tonzang leh Cikha) teng ah Zomi Congress for Democracy in Seats 6 tawh gualzawhna hong ngah in, Kawlgambup ading in Pi Aung San Suu Kyi makaihna ahi NLD in hong zo leuleu hi. Political experts pawlkhat in agenna ah Pi Suu Kyi (NLD) in azawhdenna pen adang hilo in 1962 Socialist leh 1988 Burmese Military Regime ki ukna nuai pan suaktak mengmeng na ding, Kawlgam hi bang aa ii zawnna, ii suaktak lohna leh minuai aa ii om den na pen ii Gam makaite hoihlohna hang ahihman in ii Makaite mahmah akilaih mengmeng na ding lunggulhna tawh opposition party (NLD) aki vote ngeingai hi ci uh hi. Tua mah bang in, Zomi Congress for Democracy in azawhna zong Zomi Movement ahat man leh mipi in Zomi a deih leh a itman un Zomi Party khat bek ii neih sun Zomi Congress for Democracy (ZCD) aki vote hi ci in gen in, Chin Parties dang te a ki vote lohna zong ii Gam mahmah hong kikhel in Democracy tawh a kalsuan nuam NLD in hong ngah photphot hen, tua khit ciang ii Minam Party tek ah lut kik ding cih mipite lunggulhna hi ci in gen uh hi.

Ahizong in, Pu Chin Sian Thang leh Pi Aung San Suu Kyi te pen akum uh zong ki hal lua lo in, Politic lam ah zong a Party uh a kibatloh uh hang a Policy uh ki bang in Gam ading in khutkilen in nasemkhawm uh hi. Pu Chin Sian Thang ii Party, Zomi Congress for Democracy in minammin “CHIN” hilo in “ZOMI” ahihlam bulphuh in, Zomi mintawh Parliament ah deihna thusun theihna ding gimna leh Zomi a itna tawh ZCD min in hong ding suak hi. Pu Chin Sian Thang leh Pi Aung San Suu Kyi te pen Gam leh Minam ading in Nu leh Pa dinmun hong lak man un mipi in muanna leh lametna tak tawh vote a kipia hong suak hi.

Dr. Chin Do Kham in anuntak sung in Zomi bup ading bulbulh in a Teizang pau, Abeh leh a Pawlpi ading sang in Zomi bup phattuamna ding gimna tawh na hong sep manin amah a sihkhit hang in a thungente leh amin pen Zomite’ taangthu sung ah mang ngei nawnlo ding hi. Pu Chin Sian Thang leh Pi Aung San Suu Kyi te zong aa mau minthanna ding leh phattuamna ding sang in a nuntakna leh a pilna te uh Gam leh Minam ading in hong piakkhiat na hang un mipi in muanna leh lametna nei in vote a pia hong suak hi.

Tua mah bang in, ei Zomi khangthak ten zong Pu Chin Sian Thang, Dr. Chin Do Kham leh Pi Aung San Suu Kyi te’ makaihna te etteh huai sa ing. I Pawlpi, I Beh leh ei phattuamna ding bek hanciam zawlo in ii Minam leh ii Gam bup ading itna leh deihsakna tak tawh na ii sep leh a tawpna ah Pu Chin Sian Thang leh Pi Aung San Suu Kyi te mah bang in haksatna tampi aom hang, atawpna ah Gualzawhna ii ngah veve ding hi.

Zomi Sungah,

Suan Tawng
London

Labels:

Comments

Post a Comment

Popular posts from this blog

Zomi: Who They Are

Zomi Total population ca. 2,500,000 Languages Various Kuki , Mizo , Chin , Naga , Paite Religion Christianity , Animism , Buddhism , Laipian Related ethnic groups Naga , Meitei , Hmar , Mizo , Kuki Zomi [1] is the name of a major tribe found in various parts of South and South East Asia. The term Zomi meaning, Zo People [2] is derived from the generic name 'Zo', the progenitor of the Zomi. They are found in northwestern Myanmar, northeastern India and Bangladesh. Anthropologists classify them as Tibeto-Burman speaking member of the Mongoloid race. In the past they were little known by this racial nomenclature. They were known by the non-tribal plain peoples of Myanmar, Bangladesh and India as Chin, Kuki, or Lushai. Subsequently the British employed these terms to christen those 'wild hill tribes' living in the "un-admiral. They are Zomi not because they live in the highlands or hills, but are Zomi and call the...
2 comments
Read more

CHIN, ZOMI, MIZO, ZO cihtawh kisai Debate

CHIN, ZOMI, MIZO, ZO cih minvai tawh kisai India gam aom ih mipihte kikupna, Debate bawlna hi. Sausimsim in alunglut velvelte bekin atawpdong simzo bekding hi. This is the outcome of the debate about our nomenclatures like Chin-Kuki-Mizo-Zomi on FaceBook – Zolengthe Group. The debate Vaphual shows that every one of us clearly know who we are – We are Zo, but some opined that Kuki nomenclature should be used as it is recognised nationaly and internationally. This is the starting point of the debate: Dear friends, MIZO=ZOMI, then is it something like both side of a coin? If it is so, then there is no chance of sitting under one administrative umbrella. Another Point: Mizo or Zomi ~ Which one should be the right word? I know You will say both. But according to Pu T. Gougin, Founder President of Zomi National Congress, “The land come first and then the people” therefore, it should be Zo… Mi….. that means Zo = Land and Mi = People. He further argued that MIZO is a wrong word; ...
Post a Comment
Read more

Dr. Chin Do Kham Tangthu

Dr. Chin Do Kham Biography Education     Scholar in Residence for Ph.D. Educational Studies Program at Trinity International University, Chicago, USA, May 2003-August 2005.D., Intercultural Studies, Trinity Evangelical Divinity School of Trinity International University, Chicago, 1998.Min.(Doctor of Ministry in Pastoral Leadership), Oral Roberts University, Tulsa, OK, 1994.Special Study Program at Jerusalem Center for Biblical Studies, Israel, 1996. Educational Administrative and Teaching Experiences Adjunct Professor of Missions and Leadership at Myanmar Evangelical Graduate School of Theology (MEGST), Myanmar since Fall 2008 to PresentAssociate Adjunct Professor of Graduate School of Theology at Global University, Springfield, MO, USA 1996-present.Professor and Director of M.A. Missions Program and taught Leadership and Missions courses for M.A./M.Div./D.Min. courses at Oral Roberts University (2006-2008)Dean of Students and Professor of Missions/Leadership at Asia Pacific T...
Post a Comment
Read more