Min Mai-a Hihna (Title) Gelhzia

Min mai-a kizangh "hihna" alak khia/apholak laimal pawlkhat anuai ah hilhcianna:

A diakin iminam sungah pilna lamah Degree sangpi atungsa te'n Laigelhzia ( Literatur view ) formal takin igelh theih ding kisam mahmah hi. Doctrate ngah khinsa khawngte' adingin deihsak pha mahmah kahihman in, ong hawmsawn ing. Minambup in phattuampih dingin lawmetna lianpi tawh kong hawmsawn hi.

I. Lia & Tg; Nu & Pa; Pi & Pu; Sia/Sya & Syama/Sianu; Rev. & Dr.

1. Lia & Taang/Tg.

* Lia Kham Man Niang - Lia, Lia. ci'n comma leh full stop zat kulselo hi.

* Tg. Dal Lam Thang - Hih munah Taang pen atom-a gelh ahihman in, full stop kizangh hamtang hi.

2. Nu & Pa

* Nu Man Lun Cing - Nu, Nu. ci'n comma leh full stop zat kulselo hi.

* Pa Lian Za Mung - Pa, Pa. ci'n comma leh full stop zat kulselo hi.

3. Sia & Sianu

Sia Lian Za Huam - Sia, Sia. ci'n comma leh full stop zat kulselo hi.

Sianu Cing Pum Nem - Sianu, Sianu. ci'n comma leh full stop zat kulselo hi.

4. Pi & Pu

* Pi Cing Khup - Pi, Pi. ci'n comma leh full stop zat kulselo hi.

* Pu Ngam Bawm - Pu, Pu. ci'n comma leh full stop zat kulselo hi.

5. Rev. & Dr. ( Reverend & Doctor )

* Rev. Pau Khan Khai - Rev, Rev cihziau tawh kingahlo hi. Rev. ci-in, full stop zat kulse hi.

* Dr. Hau Za Cin - Dr, Dr cihziau tawh kingahlo hi. Dr. ci-in, full stop zat kulse hi.

II. Degree minte gelhzia & gualhzia:

1. Pu Cin Sian Thang B.A., B.A (Law)., L.L.B.

2. Rev. S. Pau Khan En B.Th., B.R.E., B.D., M.T.S., Ph.D. 

* Rev. Dr. S. Pau Khan En

* Rev. S. Pau Khan En Ph.D.

3. Prof. C. Thang Za Tuan B.Sc., Dip.Ed., M.A (Macq.)., Ph.D.

* Prof. C. Thang Za Tuan Ph.D.

* Prof. Dr. C. Thang Za Tuan

* Pu C. Thang Za Tuan Ph.D.

4. Rev. Cin Do Kham B.A (Theology)., M.Div., D.D., D.Min., Ph.D.

* Rev. Dr. Cin Do Kham

* Rev. Dr. Cin Do Kham ( Ph.D ).

* Rev. Cin Do Kham Ph.D.

Buaihminte igelh ciangin, BA, MA, PhD cih bangin kigelhziau thei hi. Ahizongin Laigelhzia (Literature view ) ah "formal" taktak lo hi. Tuhun ciangin, utbangin kigelh phengphang ta hi. Ahizongin Lai tawh kisai pen "mformal" tak-a igelh theih ding kisam hi. Lai igelh ciangin formal tak-a igelh theih sitset pen eima Standard kilangsak ahihman in, Zomite, laigelhzia ikilamlah ding thupi kasakna tawh hiteng onggelhvat hi-ing.

Laigelhzia tawh kisai'n,

Dal Sian Hung

Zomi Foundation Home Mission

Kuala Lumpur, Malaysia.