Holung Kupkhopna

Dr. Kham Khaw Thang in a thuahkhak thute sungpan in zuih dingin hoih asak thu (18) te hong gelh suk ing. (1) I mawhna te imcip lo ding. Mi tawh thu i neih leh maizum selna peuh in pang tentan loin thum bawl zaw ding. I mawhna te im loin pulak zaw ding. (2) I zawh ngaploh dingte langbawl se loin om hithiat ding. (3) Sum leh paai, annek tuidawnte-ah thang gamtat lo ding. (4) Kineih khem se lo ding. A zawng i hih leh i zawn’ na imlo ding, ahai i hih leh i haina imlo ding. A zawngpi kihausak, a haipi kipilsak, cih bangte hoih lo hi. (5) Mi gensia se lo ding. Midang khat thu i gen leh zong tua i gente pen i gen mite zak-in i gen ngam dingte bek gen ding. (6) I siamlohnate-ah a siam kineih se lo ding. (7) Kamciamna khat peuh i neih leh tangtung sak ding. I tangtun’sak zawh loh dingte kamciamna nei vet lo ding. (8) Mi simmawh bawl in neu ngaihsut se lo ding. Tu hun-a a neute nidang ciang alian suak thei-a, tu hun-a a liante nidang teh a neu suak thei zel hi. I simmawh bawlte i mai-...

KAMMAL HOIH LE THUPIL                                                                                   Rev Hau Lian Kham Rev Hau Lian Kham *I gualzawhlam I theihloh manin    A guallel I hi hi. *Makai hoih a piangsak makai pen    makai hoih hi. *Thungetna tawh muituum lehang,    vangliatna in kha hi. *Lungdamna I khan'saknop leh,    hawmkhiatding ahi hi. *A lungkiate gualzo ngeilo a,    A gualzote lungkia ngeilo hi. *Na pian'thakcil a naki apna  Pasian    in tudong mangngilhlo hi. *Pasian nasepna ah mival omlo,    Amun  lodingpi ah om, cih ombek    hi. *Pasian in ei le ei kiphatding deihlo,    Amah I phatding bek deih hi. *Thu Na ngetciang tupna na    ne...

NUTE PAHTAWINA  “Nupi khat in ama nawi a teep naungek mangngilh thei ding ahi hiam? Isaiah 49:15                      Nu tampi lak ah nu hoih ka neih khak  pen ka lungdam mahmah hi. Citak, thu khual, thuman, itna tawh hong pantah toto in hong khang cingsak hi. Nungak paktat pawl khatte gamtat siat dan in ka nu na om kha  hi zen leh mihing in piang kha lo ding’ cih khawng ka ngaihsun kha zel hi. Nu hoih ka neih khak pen ka lungdam mahmah aa, ka nu ka itna hong khang sak hi. Nu aw na thu khualna hangin a nung ta ka hih lam ka theih ciangin zekai lua ta ing. Ka khan sung lungdam hong thuk zo kei mah leng,ka lungdamna hong theihsak in Nu Nu aw.                      Nute hoihna gen in zom phawt leng bei hun nei in ka umkei hi. Laphuak siamte, laiat siamte in, Nute hong itna leh a hoihnate uh a gelh uh ciangin thu thuk thei mahmah hoih thei mahmah napi, tua t...

1.Zo ngeina a mangngilh lo,Zo ngeina akeemcing Pasian' thuzui Zomite hi ciat ni. -Dr.Zam Khen Thang Ph.D.(Electronics) 2.Zomi khat le khat i kiho ciang midangte' pau khawng zang duaiduai lo in Zomi cihteh Zopau in kihopah lel le'ng mi lak ah ki angtang tuam ban ah vang kinei zaw ding hi. -Col.Gen Za Thang (late) 3.Pilna hauhna i cihte pen tu-a i neihpah loh hang in i tu i ta khang ah zong om thei lai a,Minam leh gam ading pen sep theih hun aa i sep kei leh khangsawn tampi dongin kipelhsuak thei hi. -Capt.Mang Tung Nung (late) 4.Kawl lai leh kawl kam pen nungsinzaw in amau pau mah tawh asuak Zolai mah sin masa le uh khangto baihzaw ding uhhi. -Rev.J.H.Cope,D.D 5.Chin a kici kammal pen Zomite' pau sung koimah mun ah om kha lo hi. -Pu.Cin Sian Thang, B.A B.A (law),L.L.B 6.Zomite i khuamuh manin Pasian in honh it hi lo aa,Pasian in hong it man in khuamu i hi zaw hi. -Siapi Ngen Za Dal,B.A.,Dip.Ed (T.E.O) 7.Zomi cih kammal in i duang hong zenin i iplah phadiak ...