Aizawl Damdawi In a Nun Khawsak zia:

 

Ka ute nen OPD ah kan lut a, doctor in min han en a, in lup a ngai ang, mutbu te in rawn keng em? mi rawn ti nghal a. “Aw, keng ee” kan ti a, chuan kan mutna turah Warden pakhat in min hruai a. Chuan doctor hovin min han en a, X-ray te kan in la a, damdawi min chawh a…..damdawi min chawh ho kha ka ei ta mawlh2 aa…Karkhat tlingdawn trep ah chuan, chhun nge zan tih pawh hre hlei lovin,mi vengtu ka u bulah, “Chaw kan la ei dawn nang ee? Chaw ei tawh ang” ka ti deuh reng a. Chuan ka u in, kan zia dawn lo khawp mai ti pah in, mi vengtu Nurse bul ah, “Ka nau hi a ci a lum reng a, a la thai thei chuang lo, a hah deuh zual zawk e maw ka ti” ti in a va hrilh a. “Aw, naktuk ah a thisen hi lo entir ang che u” ti in lehkha tereuh te mai mi ziah sak a.

Chuan khami zan zinglam 4:30 vel a trangkhan ka hnar alo thi nasia em mai a, thisen hi dan theihloh in a lo chhuak ta churchur mai a. Ka u in zan a damdawi in enkawltu Nurse ho a va ko a. Nurse tleirawl pa hnih vel ani in ka hria a, an rawn tham, ka chalah tui vot in min diah dai a, zeideuh mai khan a kut te hian min rawn dawm a. Mahse, thisen hi a tawp chuang lo. A luan charchar a vangin an buai emem mai a. Chu ti ang karah, zing dar 7:30 bawrvel e maw khan, thisen luang lampang nen a inkaih nawih hmeichhia doctor kha a rawn thleng a. Doctor nu khan Sringe min vih nghal a, chuan ka hnar chhunga chhunluh tur damdawi mi pe a. Khami damdawi kan thunluh hnuah chuan ka thisen luang chu alo reh ve thei hram a. Mahse a chang a a chhuah duh leh chang hian, khami damdawi min han chhun luh sak chua a reh nghal zel…Min enkawltu Nurse te leh doctor ho chungah chuan lawmthu ka sawilo theilo a ni.

Ni khat chu, kan damdawi lei na tur taknghial pawh sum kannei ta miah lo. Ka u hi zingah a va chuak, pawisa puk zong turin. Chhun ni leng in keimah chauh hian khawhar emem mai khan ka om a. “Aw, tun ah chuan lo thi ta ila, vanram ropui tak mai ka tana min siam sak kha ka luah thei ang em maw” tih pawh ngaihtuah hlei thei lo in, ka rilru hi a aa tawh in ka hria a. Ka u hi tlai khawthim hnu chaw ei kham bawrvel ah a rawn thleng a, “Cheng ka hmu love, ka nau. Pathian in rem a tih angang ni mai rawh se” ti pah khan damdawi leitur ka hmuh chuan a rilru hah lutuk khan a lo trap ve tawp a, “U, trap ve suh la, Pathian in rem min ruat sak ang, lungngai duh suh, ka rilru i ti hah zual ee” ka ti a. chumi zawh hun rei vaklo, dar 8:30 vel khan Pathian ringtu nupa pahnih an rawn kal a,. Mi rawn klal pel trep a, an rawn hawilet in, an rawn kir leh a. “Harsatna in nei em?”  ti in min rawn zawt a.

Chuan, ka u pawh “Pute u, kan buai lutuk….” ti pah in chhun nileng a kan hamhaih thu a hrilh a. “Keini nupa chuan Pathian hnen a hlan tur 2/10(sawm a pahnih) hi damdawi in a damlo te (rethei zual thingtlang mi ) te tan kan sem a, warden nu chuan min kawhhmuh a…” ti khan min chrilh rualin, Rs 1000/- min pe nghal a. An chungah pawh lawmthu sawi hlei thei lo in min haw san deih a. Ka lawmdan zia hi ka sawi thiam love, in hrethiam nghal in ka ring che u. He lehkha atrang hian an chungah lawmthu ka hrioh meuh che a ni. “Min rawn dam khawchhuak tu nangni chhungkua ah Pathian hi lalber sela, lawhtlinna tirengin min hual rawh se” Ame!

Lungdai damdawi in a kan in entir laikhan doctor pa khan ka natna hi Viral Fever ti in a ziak a. Khami lehkha keng chhovin Aizawl damdawi in kan pan chu ani. Mahse, doctor hovin Malaria ah min ngaihdeih a vangin, malaria treat in min enkawl a. Khami vangin ka thisen hi alo luang vak alo ni miau. Chuan ka thisen hi kan test tir leh chuan, thisen a tlem lutuk. Unit 2 kan inkhaih angai tih doctor in min hrilh a, a zanzan in kan in khai nghal a, ka harlh khawchhuak in ka dam nghal in ka in hria a. Chu thilthleng chungchang ah thisen a thlan a min pe YMA leh NGO chi hranghrang te chung ah lawmthu ka sawi nawn leh mawlhmawlh e.

Khami thisen tlem lutuk kha ka hnathawhna pu RCa bulah ka u in phone in a hrilh nghal a, “A va mak e, chaw ei a piang arsa hi kan hmeh ziah si a” ti in a chhang a. Kan arsa ei dan hi sawi nawn leh lovang. Ka natna hi malaria ni lovin Viral Fever ani tih damdawi lehkha ah an ziak a, tun thleng engti zia natna nge pawh ka la hre chiang lo.

Damdawi In om chhunga Rilru a Thil Ngaihtuhate:
Lo thi ta ila, tu in nge ka luang an lak dawn?
lo thi ta ila, tu in ah nge min dah ang?
Lo thi ta ila, YMA thlanmual ka chang awm si lova, khawng nge ka lu ka phum ang? tih ringwt hi ka ngaihtuah thin…

CHHUNZAWM ANG AW!