Skip to main content

Tedim Baptist Convention ong Piankhiatna Thu




I. Zogam ah Christian ong tunna:


A. Zogam ah A nungta Pasian' thu 1899 March 15 ni-in, Hakha khua na tung hi.

B. Zomi sung panin Tedim gam Khuasak panin 1904 March 12 ni-in, Pu Pau Suan, Pu Thuam Hangte nupa te Christian nasuak masa uh hi.

C. Hih Christian teng, 1907 pan 1948 March 14 dong Chin Hill Baptist Association ci-in, kipawlna khat sungah na ding hi.

D. 1948 March 11-14 sung, Falam gam Satawm khua, khawmpi panin, Falam uk gam, Hakha ukgam, Tedim ukgam ci-in (FBA, HBA leh TBA) na ding ciat uh hi. (Hih mun ah ki lungtuah zawh lohna thu tuamtuam om kha ding hi).

E. 1953 March 3-7 sung, Saikah khua panin, hih FBA, HBA leh TBA teng kigawm in ZBC hong piangkhia hi.

F. Hih ZBC sungpen thu tuamtuam omin, kinuak, kizol kizui zelin 1995 April5-9 dong ki om hi.


NB
A. Hih hunte sungin, minam vai, sum vai leh paizia vai, cih dan bulphuh in buai mahmah na om zelzel hi. Gtn: . . .
(1) 1982 kum kiim in, ZBC (or) CBC (Zomi (or) Chin) vai.
(2) C C O C or Z C O C cih te . . .
(3) 1990 kiim pawlin sum zatna vai (Carson Memorial Hall . . .)
(4) 1992 kum panmun vai ah minam zui cih dan nengneng om toto hi.

B. Rev. Kam Khaw Thang in hih dan buaina a om ciangin mailam ZBC kalsuan zia ding... cih ngaihsut piakna lai 1987 kum in na gelh ngei hi. (Ki thusim lo napi- ama cih teng mah phu kha veve uh hi).

II. Zogambup Tuiphum Pawlpi Kipawlna (ZBC)


A. Hih a tung a thu tuamtuam te sungpan hon gnawh mahmah thu khat pen 1990 kumkhit ZBC sung ah, ki hi cih pawl lai ding maw! Kikhen ding . . . cih thu pen kimit sak napi, hong kigel zelzel hi.

B. Hih thu a om zel teh ZBC kitam leng . . . ei TBA tawh kua teng kipawl nuam, cih thu 1994 in kikan sak hi. (ZBC kitam leh cih thu hi zaw in, taikhiat pih ding cih thu hi lo hi).

III. ZBC Sunga om Associationte Dinkhiatna


A. 1995 April 5-9 sung Khuasak ah ZBC 15th Triennial kibawl aa, tua sungah (a beisa thu tuamtuamte gawm khopna in) ZBC kongmuang kei uh hi. . . cih lai pia in, TBA, TTBA, KZBA, KVBA leh ZBA te ZBC panin kihemkhia hi. (ZBA pen tua hun sung mah in khel kik uh hi).

B. 1998 April sungin ZBC 16th Trennial Khampat khua ah bawl uh aa, ZBC ah a pawlnuamte nidang aa Association zui cih hi nawn lo in, khuazui innkuan zui leh mimal zui-in sang ding ci-in na khentat uh hi. (Hih pen a keh dekdek TBA te’ muitumna ahih mahn in, ZBC te ki nak zaak dah mahmah hi).

IV. Zomi Baptist Convention of Myanmar(ZBCM)

Hih a tung aa Association 4 teng in ZBCM (Zomi Baptist Convention of Myanmar) 1995 April 5-9 sung Khuasak ah phauk uh hi. A hi zongin TBA in kha 10 sung bek kipawl hi. A hang pen:-
(1). TBA sungah ZBC ciah nuam leh ZBCM a ut ki om a hih manin kitang din aa 1996 March (17) panin 1999 March 22 ni ciang ahi hi.

(2). 1999 March 22 panin pen Baptist (MBC) tawh kizop nopna thu hang leh pai zia ngeina sa, (sangmangte hon gpattah biakpiak pai zia leh thu om zia) hoih sakna hang hi pen hi.

(3). 1999 March 22 ni-in, TBA leh ZBCM te ki akgual khenna khat in, ZBCM pan makaite leh TBA makaite’ TBA zum ah ki ho na ah . . . ZBCM makai te’n . . . Ko Convention ding hi ta ung, MBC in hongkip sak ding hi . . . no TBA te’n nong zuih nop uh leh zui, nong zuih nop kei uh leh ko line Bus Theory’ a zangh hi ung. . . hong ci uh hi.

(4). 2000 kum July 26 ni-in, TBA GC (General Council Meeting) in MBC taisan lo in, Baptist ah kip ni . . . cih khentatna kinei aa, ZBCM Emergency General Meeting Pinlone ah AD 2000 kum July 27 ni in lungkim khentatna (E/G/M2000-01) MBC tawh ki tat ding, kizom nawn lo ding ci uh ahih manin ZBCM tawh mizui ki mudah lo, thu kikel ki . . a ki hi hi ta hi.

V. ZBC leh TBA Kikal Thu

A. ZBCM tawh ki thukhat theih nawn loh khit 2001 kum June + July + August + September kha sungteng in, Paulap tuamtuam zangh in, ZBCM panin TBA gamsung Pawlpi pawl khat hong khenkham uh hi.

B. ZBCM pen MBC (Baptist ahih loh lam) tawh kizop loh uh a theih uh ciangin, MBC tawh a kizom nuam, sangmangte phuh Baptist a ut Tonzang gam Kansauzang te in lai 2 vei hong khak in, TBC in nong vaan zawh kei ding uh leh ko, Pawl dang kasuak ding uh hi. . . hong cih uh ciangin 2003 May kha sungin kivaan in, November kha ciangin hong zom uh hi.

C. Tua mah bangin Tonzang gam, Cauleng/Tauleng panin mipum in zong hongpai, lai zong hong khak uh aa, 2004 kum February kha in TBC hong zom uh hi.
D. Hih mun ah TBA te mah bangin Baptist ut leh MBC lunggulh te ki lainat leh veina hang hi zaw hi.

VI. TBA leh MBA Kizopna

TBA in MBC ngai-in, MBC tawh kitat ngei lo ding . . . cih mah bangin,
A. 2000 kum panin MBC makai siapite TBA GC -te tawh 2 vei hong kimuh pih
  • TBA delegate bup tawh 1 vei, 2001 March
  • ZBC makai leh TBA GC tawh 1 vei, 2000 Dec. 8-10
  • TBA palai mi 7 tawh 2 vei, (Hnaring + Khuasak)
  • ZBC Triennial ah 2 vei, (2001 + 2004)
  • ZBC BM ah 2 vei, (2002 + 2003 Sakta + Falam)
  • MBC BM ah 1 vei (2001 January)


B. MBC te leh ZBC te kimuh kihona tung tawn in ZBC panin TBC (Tedim Baptist Convention) vai . . .
(1). ZBC OC 2003
(2). ZBC EC 2003
(3). ZBC BM 2003
(4). ZBC Triennial Delegate 2004 te in a banban in thupha piakna hong nei aa, MBC EC ah zong kamkupna hon gneih sak khin in, Tedim Baptist Convention ci-in, MBC ah Convention a (17) in kipsakna lai hong pia ding hi ta hi.

VII. TBC leh a sunga om Associationte

Hih TBC sungah
A. Association 3 te:-
(1). Tedim Baptist Association (TBA)
(2). Northern Tedim Baptist Association (NTBA)
(3). Southern Tedim Baptist Association (STBA) teng ki om phot hi.

B. Pawlpi om zah 78.

C. Tuiphum sa mi 9153, Tuiphum nailoh 11318 Gawm 20471
D. Hunbit Pasian nasem 104,
Ordain (Siampi) 39,
Ordain nai lo 65.

VIII. TBC ngimna leh lametna:-


A. Tedim Baptist Conventioin cih dingin tangmi (deligate) bup lungkimna 2001 in kikip sak hi.

B. Tedim gam cihna hi lo zaw in, ii sanggamte leh kumpite’ kipsak Tedim pau a cih a telteng, gamgi nei lo in Pasian naa leh taksa khantoh na semkhawm nuam teng om na na a kihuam pah ahi hi.

C. Ih theihsa ciat bangin, inntuan thak te’n phinbil tawng, langva hai hawm nangawn a kisap dan in ih Tedim Baptist Convention in no tung pan Pasian thupha kong lamen uh hi.


Topa’ thupha!

TBC Committee.

Theih ding ; Tedim Khua Lawibual veng hausa Pa Khai aitang in Khoi Sian Lang khoi5l_genzo@rediffmail.com in a hong kikhak lai hi.

Source: Guite Family Network.
Labels:

Comments

Post a Comment

Popular posts from this blog

Zomi: Who They Are

Zomi Total population ca. 2,500,000 Languages Various Kuki , Mizo , Chin , Naga , Paite Religion Christianity , Animism , Buddhism , Laipian Related ethnic groups Naga , Meitei , Hmar , Mizo , Kuki Zomi [1] is the name of a major tribe found in various parts of South and South East Asia. The term Zomi meaning, Zo People [2] is derived from the generic name 'Zo', the progenitor of the Zomi. They are found in northwestern Myanmar, northeastern India and Bangladesh. Anthropologists classify them as Tibeto-Burman speaking member of the Mongoloid race. In the past they were little known by this racial nomenclature. They were known by the non-tribal plain peoples of Myanmar, Bangladesh and India as Chin, Kuki, or Lushai. Subsequently the British employed these terms to christen those 'wild hill tribes' living in the "un-admiral. They are Zomi not because they live in the highlands or hills, but are Zomi and call the...
2 comments
Read more

CHIN, ZOMI, MIZO, ZO cihtawh kisai Debate

CHIN, ZOMI, MIZO, ZO cih minvai tawh kisai India gam aom ih mipihte kikupna, Debate bawlna hi. Sausimsim in alunglut velvelte bekin atawpdong simzo bekding hi. This is the outcome of the debate about our nomenclatures like Chin-Kuki-Mizo-Zomi on FaceBook – Zolengthe Group. The debate Vaphual shows that every one of us clearly know who we are – We are Zo, but some opined that Kuki nomenclature should be used as it is recognised nationaly and internationally. This is the starting point of the debate: Dear friends, MIZO=ZOMI, then is it something like both side of a coin? If it is so, then there is no chance of sitting under one administrative umbrella. Another Point: Mizo or Zomi ~ Which one should be the right word? I know You will say both. But according to Pu T. Gougin, Founder President of Zomi National Congress, “The land come first and then the people” therefore, it should be Zo… Mi….. that means Zo = Land and Mi = People. He further argued that MIZO is a wrong word; ...
Post a Comment
Read more

Zawgyi KeyBoard Installer For Windows 7

Zawgyi Font for Bit 64 1. Firstly, install the file. The File is Zawgyi Font for Windows 7 . 2. Download this software, its a keyboard for  Zawgyi. 3. Go to "Text Services and Input Language" in Control Panel >>Fonts; and Select "Zawgyi Myanmar Unicode L" Then all will be ok! If you still have some problems on Bit 64, you can run Alpha Zawgyi and then, run the given file from Mediafire . That is "ZawGyil_amd64.msi, ZawGyil_i386.msi and ZawGyi_ia64.msi". Among all these three, you can choose whatever u wanna install, which of them is ok, that means you run one ".msi" file from the downloaded file. It will solve your problems. If you still have problem on installing Zawgyi keyboard on Windows 7, You add this IEZawgyiGtalkFont . Download this and run it. There will be ok! Zawgyi Keyboard Installer for Bit 32. Zawgyi Keyboard Installer for Bit 32 is to run Alphazawgyi only. If you run Alpha Zawgyi , everything is ok.
9 comments
Read more