11 April 2015
Tukha 11 nitak nai 8-9 Kimpawl in, Tonzang khuapi ah Zomi nungakno khat Palik nih in anung amai pan buan uh hi.Tonzaang te numei khat in Yeyathet kici kawlte khattawh kiteng uh hi. Tua numei nu damlo in om a, hongkem ding ka Nau nu hongsap sak un ci in, Phyu Ko Ko လ- 224832၊ Phyu Py လ-224843 Kumpi nasem Palik nih vapai uh hi. Tua te geel in NLC kici nungak no a inn uhpan cycle tawh pui khia in, akikal ah tuang sak uh hi.
"Cycle tung ka tuan kawm in kanung pan hongsawksawk" cih tua nun gen ci hi. Sang pan Sakhan paipih pahlo in Sangtualpi khanglam ah paisuk pih in Palik te geel Zuntha phot uh hi. Tua kal in tua numei nu ciahsawm amutak ciang vaman uh in, cycle taw tinkik uh aa, Phaitu lam pi, lamzin lui khat ah paipih uh a tualai ah buan uh hi.Simmawh hih in anung amai sitlo in buan hi ci hi.
Tua nu kapkap in puan kongleisak ding uh hong ci cihi. A u nukiang paipih kiknawnlo in a inn vuah vakha kik uh a, apa lumkhin in anu in, na u bang ci ahia acihciang, hoihlel cihciang dawng in, lupna zuan suak hi. Nipini Zingsang tho zolo in lumcip ahihman anu apa'n lunghihmawh a dot uhciang in hihthu te theikhia uh hi.
Tonzang mipi tawh kikup uh in, hih palik te geel Zum ah tun uh a, tulai tak thong ah om sak phot cih ciang kiza hi. Teng 30 tawh kilungkim sak sawm cihciang kiza hi.....
by DKTuang
Behlap
------
Tua palik te in a nipi 1 khit ciangin kiman hi.
No comments:
Write comments