A nungta Pasian a bia Zomite tungah i biak Pasian in thupha hong pia in, leitung ah khihcip leh ukcip a i omna panin ei le ei ki makaiha a, minam khat hi dingin hong lem hong gelsak leh a tangtun zawh tu in kum 69 cingta hi cih i thei ciat hi. Banghang in February 20 ni sese Zomi NamNi in kizang hi ding hiam i cih ciangin tangthu tampi na om hi. Tua te lakah a masa pen a kimu thei khat in 1918 kum in Chin National Education Development Organisation cih kipawkna Zomi bup huam ading kiphuan khia hi. 1928 kum ciangin Chin Hills Union Organisation cih kipawlna kiphuan leuleu hi. Tua kipawlna pan in Zomi makaite in ngetna(propsal) thu 9 te 1938 kum in kikhen sat a, 1948 kum in kikupna kinei hi.
1948 kum February 19-22 ni sungin akibawl Falam Khawmpi ah Tedim makai Pu Thawng Za Khup in ukpi thuneihna leh siahtung siahphei beisak ding vai thusunna hong nei a, Zomi mipi ading in a haksa lua hausa thuneihna phiat in mipi kimakaihna zat ding hong pulaak hi. Pu Thawng Za Khup thusunna pen Falam panin U Sum Mang leh Kanpetlet panin U Thang Maung te in thukimpih pah lian hi. Mipi 5000 in thukim pih pah a, himah leh 17 tein nial uh hi. Tua thu tawh kizui in democrcy makaihna tawh kimakaih ding kilunggulh ciat hi. Hite in February 20 ni pen Zomi te tawh kipelh theilo ahihna tangthu ah kimu thei hi.
October 9, 1950 ciangin Chin Affairs Council in February 20 ni pen Zomi Nam Ni dingin official in hong kipsak hi. Tua zawh a masa pen Zomi Nam Ni pen Mindat khuapi ah 1951 kum in kibawl hi.
A hun en kikleng 1951 in a khatveina Zomi Nam Ni kibawl ahih leh 2017 ciangin kum 66 cingpan hi. Tua himah leh 2017 kumin a kum 69 cinna pawipi kibawl hi. Tua pen hih Zomi bup in sal leh ukpi ki-ukna pan suahtakna ngahnang kikup masak pen 1948 siksanin a kisim ahi hi.
Taang Zomi in, “Zomi Nam Ni Vai, Dawnna” cih article a gelhna sungah:
3.7 1948 February 20 ni-in Zomi Nam Ni vai, kuamah in thei kha nai lo hi. Zomi Nam Ni pen1948 February 20 ni pan-a sim ding cih thu pen a kinung vaihawm ahi hi. 1950 kum-a a akivaihawm hi-a, 1951 Februay 20 ni-in Zomi Nam Ni a Khat Veina (1st Zomi National Day; ပထမ အႀကိ မ္ ဇု ိ မီ း အမ်ိဳးသား ေန.) pawi kibawl hi. 1952 February 20 ni-in Zomi Nam Ni A NihVeina (2nd Zomi National Day; ဒု တိ ယ အႀကိ မ္ ဇု ိ မီ း အမ်ိဳးသား ေန.) pawi kibawl hi. Zomi Nam Ni pawi a kibawl loh kum zong om hi. Tua khit ciangin kibawl kik kum zong om hi. Tu-in Zomi Nam Ni pawi a kibawl loh zawh kum tampi hi khin hi. Bawl leeng bawl kei leeng, Kumcin’ penna pai toto hi. 1949 February 20 pen Zomi Nam Ni Kum Khat Cin’na (1st Anniversary Zomi National Day; ပထမ ႏွ စ္ ေျမာက္ ဇု ိ မီ း အမ်ိဳးသား ေန.) ahi hi. Src: http://www.academia.edu/6199538/_13_Zomi_Nam_Ni_Vai_Dawnna
Tua ahih manin
2017 February 20 pen
A 63 Veina Zomi Nam Ni
63rd Zomi National Day
၆၉ ႀကိ မ္ ေျမာက္ ႀကိ မ္ ေျမာက္ ႀကိ မ္ ေျမာက္ ႀကိ မ္ ေျမာက္ ဇု ိ မီ း အမ်ိဳးသား ေန. ့
hi LO hi.
2011 February 20 pen
Kum 63 Cin’na Zomi Nam Ni
63rd Anniversary
(of) Zomi National Day
၆၉ ႏွ စ္ ေျမာက္ႏွ စ္ ေျမာက္ႏွ စ္ ေျမာက္ႏွ စ္ ေျမာက္ ဇု ိ မီ း အမ်ိဳးသား ေန.
a HI hi
Thu khat ah kum i sim ciangin kum khat simna a kisim hi a, 1948 pana sim a kum khat cinna pen 1949 kum in kibawl hi. Tua ahih manin 2017 kum pen Kum (69) Cinna Zomi Nam Ni hi i ci zo hi.
Tua ahih leh 1948 pen simkhawm pah leng A vei (70)na pen 2017 tawh kituak hi. A nuaia Kapteelte man suan pen khial lo hi. Kumcin phazah hi lo a, a kibawlzah a simto uh ahi hi.
A (70) Veina Zomi nam Ni
Lungdam
No comments:
Write comments