Thahna thuak Piang Ngaih Don luang Kawlgam kipua thei ding

Thahna thuak Piang Ngaih Don luang Kawlgam kipua thei ding

Piang Ngaih Don

********************
A innteekte bawlsiat leh thahthuak a hi Nu Piang Ngaih Don i sanggampa Pa Pau Sian Mung (kum 32) pen Nilaini(Wednesday) in Singapore ah a nauluang pham dingin va tung thei hi.

Helping Hands for Migrant Workers, Myanmar(HHM) te donsqk panpihnq $4500 zong pa Mung tunvah ki-ap thei a, tua sum te pen a anaunu vuina ding leh atapa (kum 3) pattah nangin tuam koih ding gen hi. Tua  banah The Humanitarian Organization for Migration Economics te in zong panpihna ong donsak uh a, $5300 val kingah ta cih a kiimnai panin kiza hi.

Nu Donno i luanghawm pen a khua uh Dimpi dong puak theih nangin sum tampi bei ding ahih manin Insurance company in a lang ong sik ding a, a lang pen Kawlgam-Singapore agent te leh Myanmar Embassy in ong sik ding hi cih Ms Kitty Aye Mar (HHM) in gen hi.

Pa Mung in a genna ah a naunu pen nung May kha in Singapore a pai hi a, tua khitzawh innlam pen 5 vei hopih khin cih gen hi. "Ka naunu in amah le a tapa aituam dingin Kawlpi kiim ah innmun khat lei in innlam in khaigui khaigah cing nuam hi" ci in pa Mung in gen hi.

Pa Mung in a naunu a phawkna in a khua uah singlamteh phut khin a, a naunu luang pen a nu le pa zom ah phum ding lunggulh ahih lam gen hi.

Nu Donno pen Mrs Gaiyathiri Murugayan (kum 36) leh anu ahi Prema Naraynasmy (kum 58) te in bawlsia in a thah uh ahi hi.

Ref: The Straight Times
: Helping Hands for Migrant Workers, Myanmar FB page
: Kitty Aye Mar Mar's Status
: Social chat rooms

Thupuak: Len Nupa