SIMLEI PIANDANG TA

Lungngai dihve hih leitung hun,
Khuadak dihve na Kim napam,
Leitung lungnopna dai khinta
Nuntak gim zong nam zo nawn lo
Lunglen huai sim lei piandang ta

Lungmuan ding hi nawn kei
Simlei piandang ta.
Lungmuan ding hi nawn kei
Simlei piandang ta

Gamlak thei kung te huut khinta
Lenggui te zong gahzo nawnlo
Lunglen huai simlei piandang ta
Lo laiah an piang zo nawnlo
Gan khumna bukte hawm khinta
Lunglen huai simlei piandang ta.

Hih leitungin lobang tulta,
Singteh tezong niimzo nawnlo
Gah leh teh zong tawi zo nawnlo
Vasate zong leng zo nawnlo,
Gamsate zong taizo nawnlo,
Lunglen huai simlei piandang ta.

Leitung mun khempeuh galgim nam,
Natna namkim meibangin khang,
Lungmuan ding peuhmah hi nawn kei.
Anduh tuiduhna kialpi te’n,
Muncin gamcin daibang hong nawk,
Lunglen huai simlei piandang ta,