Zatang Nek Ciang Kidop Huai

Zatang Nek Ciangin A Theihhuai leh

××××××××××××××××××××××××××××
Kidophuai Pawlkhat
×××××××××××××××××

Credit: Hau Lun

          Zatang i nek ciangin a kingah ding zah tha a kimin ngah ding kisam hi. Zatang' tha a kimin ngah nadingin a theihhuai leh kidophuai thu tampi om hi.

          Zatang a tamzaw pen cidam nadinga kibawl a vui (ေဆးမႈန္႔) leh a mel tuamtuam bawlna a vui (ပံုသြင္းမႈန္႔) a hi kawvui (ေကာ္မႈန္႔) leh cikhum cih bangte mekkhawm in a bem, a zawl, a sikli cih bangin a mel tuamtuam a kibawl ahi hi.

          Zatang' tha (ေဆးအာနိသင္) ngah baihna, ngah hakna, a kimin ngahna, tawm ngahna cihte pen gilpi in a hup zawhna tung ah kinga hi. Zatang i nek ciangin gilpi sungah a vui a them tampi-in kitam nen phot hi. Tua pan sisan in hup thei pan a sisan sungah kizel in natna tuamtuam hong dam ahi hi.

Zatang na nek ciang;

1. Tui tawh dawnin.

          Zatang nekma in tui lum hiuhiau hai khat bang dawnna in gilpi na nel sakkhol a zatang hupzawhna hatsak hi. Zatang tui tampi tawh ne lehang zatang' tha ki ngah baih hi. Tui tampi dawn kei lehang zatangte gawl leh gilpi kiu khat ah belh thei hi.

2. Lum kawmsa in zatang ne kei in.

          Zatang nek ciangin ding kawmsa (ahkl) tu kawmsa in nek ding hoih zaw hi. Zatang nek khit phet in lum pah kei in. Zatang nek zawh a tawmpen min 3-5 dong bang ding (ahkl) tu phot in. Natna gil neite leh gawl a damlualote in zatang sangin zatui dawn ding hoih zaw hi.

3. Zanlupma nek ding a kisam zatuite

        Zanlup ma nek ding a kisam zatuite na nek ciangin zatang na nek khit zawh a tawmpen min 2-3 dong bang khut leh khe, pumpi gamtangsak phot in (ကိုယ္လက္လႈပ္႐ွားမႈ) lumpan in.

4. Bawngnawi tui (nawitui tuamtuam) tawh zatang ne kei in.

          Bawngnawi ah protein leh fatty acid kihel ahih manin tua datte in zatang themnengte na tuam thei hi. Bawngnawi sungah a kihel Calcium leh iron-te zong zatang sunga datte tawh kigawm in gilpi leh sisan in a hup theihloh dingin hong piang thei hi.

          Mehtui, niangtui, coffee leh niangtehtui cih bang dawn theih tuamtuam te tawh zong zatang dawn se kei in. Tui bek mah tawh zatang nek ding hoih zaw hi. A diakdiak in Sulfa kihel zatangte na nek ciangin kal ah suang a taangloh nadingin tui tampi dawn ding kisam phadiak hi. Tua na nek ni-in a tawmpen tui thawl khat leh lang (1500ml) dawn hamtang in. Tua hi leh zuntha in kal cidam ding hi.

          Natna satnate dam nading zatang (analgesic) leh cisa kiamna zatangte(antipyretic) na nek ciangin zong tui tampi dawn ding kisam hi. Tua in cisa kiamin khua-ul tampi hong pusuak ciangin pumpi tui kisapluatna hangin stroke ngahna pan dal hi.

          Zatang khempeuh nek simin tui tampi dawn ding cih zong hikhin samlo hi. Bukkhuh damna zatui pawlkhat nekciangin zatang nek khit zawh min 5 khit ciang tui dawn thei pan ding cih khawng zong om hi.

          Tua hi aa zatang na nek ding ciangin zatang' tha na ngah kim theih nadingin bang hun a ne ding, bang tawh dawn ding, bangte tawh kilemlo, tua zatui nek hangin bangteng hong piang thei (side effects) cih bangin limtak dotcian ding kisam hi.

Ref; ပါေမာကၡ ေဒၚ ခင္ျဖဴ  (ျမင္းျခံ)
        က်န္းမာေရး သတင္းမ်ား
        Golden triangle Golden triangle