Malaysia UNHCR zumpi panin gambeel hihna a ngen Applicants te tungah UN Card ki piasak nawnlo khading hi ci’n Malaysia Minister khatin genkhia cihthu tuni in Malay Mail Online te’n hong suakkhiasak uhhi. Tua agenkhiapa pen Prime Minister’s Department ah asemkhat hi a, Minister Datuk Seri Shahidan Kassim ahihi.
Minister pa’n a genbehna ah tuni hih UNHCR Card vaitawh kisai Cabinet panin khensatna kineita a, hih UNHCR Documentation tawh kisai Immigration Department leh Home Ministry te in honglen tading uhhi cimawk hi. Abeisa hunsung ah UNHCR panin UN Card apiak uhpen Malaysia kump in theihpih khalo ahih manin, tu in Malaysia kumpi khutnuai ah akoihsawm uh ahihi.
Card apiakhia peuhin omnading leh nekding zong apiakding uh hi a, ahi zongin hih Refugee tepen bangmah panpihna kipialo ahih manin Malaysia gamsung ah nektawmzong in vaksuk vakto uh a, gammi te nawngkaisak mahmah hi ci’n Minister pa’n Reporters te kiangah tuni Putrajaya International Convention Centre ah agenkhiat ahihi.
Tuaban ah hih mite pen Refuge taktak maw cihpen UNHCR tebek ii khensattheih hilo a, Malaysia kumpi tezong akuppih kulding h cihzong genkhia hi. Tua ahih manin Malaysia UNHCR zumpi panin kumpi te theihpihna, kuppihna omlo in UN Card apiakhiat uhpen thumanlo hi cihzong genbeh hi.
Banghanghiam cihleh hih gamsung ah UNHCR te huhna agen khempeuh mihoih hikhinlo theihi. Hong paikhiatna gamah migilo zong hithei hi cihdong in genkhia hi.
Tua hi a, Minister pa genna ah UNHCR zong Card apiaknawnloh nadingin thu kipiakhin a, apiak teiteilai uhleh asepbang un thu kibawlding hi ci’n genkhiamawk hi. “Zomi Quavadis” Zomi te koigam koikuam zuantading???
Thupuak: ZD Sawltak #zomidaily
No comments:
Write comments