A (2) Veina Zosuan Tuailai Khawmpi pan Tangkhatui

A (2) Veina Zosuan Tuailai Khawmpi pan Tangkhatui

Ani April 23-26, Tedim Khuahun: Guah zuzu in vot
Thukham : Eimi zang theilo, malkhat Ks 5000, Zomi zang ding
Gangawhte: Vok nih leh Sial khat
Tanute: Tedim Siamsin
Thubulhphuh : “A Bucing Khantohna Ah” “ Unity and Holistic Development”
Thusungte: 1. Pa Hang Khan Lian' thulu: Zomi, Zogam Zolei
2. Dr. Lian Muan Kim' thulu: Zomi le Makaihzia
3. Rev. Dr, JM Ngul Khan Pau' thulu: A Citak Khangno Khangto
4. ZYA. Sya Pau No' thulu: Gambup Zomi Khangno Kipawlna
5. Sm Vung Deih Cing' thulu: Pumpi Cidamna(Kal)
6. Pa Thang Za Sing' thulu: Cihtakna tawh Sumzonna
7. Dr. Hau Za Cin' thulu: Zomi, Zani, Tuni, Mailam
8. Pa Khup Khawm Mung' thulu: A Bucing Khantohna
9. Dr. Chin Khan Lun' thulu: A Citak Siamsin Lawhcing Hi
10. Rev. Go Za Nang' thulu: Zeisu Nei Khangno Khangto Hi.
11. Zomi Siamsin Kipawlna Tedim+Kalaymyo (mithum)

A 2 veina Zosuan Tuailai Khawmpi a hong kihel theilo, leitung kiuli a om Zomi u leh naute khempeuh leh ka lawm itte tungah hihpawi sung a thupiang honkhat leh thu kigen honkhat Video in na ngah ma un, kicing kei mahleh tawmno khat malep leng, mehlep zong limzaw a cih tawh hong kibang zawdeuh in teh ci ingh. Thusung 11 leh Zanhunte pen a kicing in hong at man kei ning in kei ukzawk nalam ahi Pa Hang Khan Lian thusung hong at ning. Thusungteng khempeuh a mau munciat ah siam mahmah un, zaknop mahmah hi. Tutung I Zosuan Tuailai Khawmpi ah sun in thungai ding minpia pen 305 bangpha in khua kibanglo 50 pan khangnote hongpai ci in Rev Thang Van Lian in gen hi. A lamdang mahmah khatah hun-ukte siam mahmah in hunpen gelsa tawh tampi kipelhlo hi. Tuasang a lamdang zaw khat ah thusin khitciang dotna le dawngna om in, a dongte lah siam in a dawngte zong siam mahmah ban ah thu kikuphun ah lungsimpi or a matured view kinei ciat hi ci-in mu ingh.

#### Khaile Guai!! A tom penpen ding in atsuk pah ni in, Zanhun 23-25 zan leh 26 nisun Rev Dr. J M Paupu in Kha an vakna hong neihsak hi ( Moral and Spiritual) tawh kisai gen in thungai mipite thangah thei mahmah ding in lametna om hi. Tua zan kikhopna ah GZA makai pipa in Video Clip hong khak in Zomite tung ah hanthotna tomno hong nei thei hi. Tedim Idolte le Zambawi etc lasiamte in Zogam Zomi ngaihna la hong sut ziahziah uh a mipi mitle pil kitai mahmah hi. Guai 23 ni zan Chin State Sumkempa Vuangyi Nang Za Mung in thu naikhat sung honggen in zaknop pianpian a hihhang keibel Biakinn sung hikei leh a bilpan man in tu o a cinuam hizen ingh. Banghang hiamcih leh “Zomite I khantohna ding in Kumpite tawh khut kilen ni, Democracy pen kumpite zang in lampi kihong mahmah ta hi cihthu hong genciang 47 kumpan Kawlte khutsung ah Zomite itunna thu, le 48 pan tuciang dong Zomite khantohna lampi delh in ikalsuan hang hihciang bek i khantohna, Kawl kumpi in i khantohnang lampi hongdal ban ah mualmite hong simmawhnate ka ngaihsut ciang, tuabang in thugente a za nuam khollo ka hihman hi. Zomite in Pasian na neikei leng Zu le Va bang gamsung ah vakvak lai ding cihthu zong ngaihsut in hong om pha kikkik hi. Democracy leh thuman in i gam akalsuan hi leh gamdang khong ah sumzong in i paipai a kullloh ban ah migam a palikte hong matmat zong kullo ding cihte zong ka ngaihsutna ah hong lut thakthak hi. Politics tawh kisai leh Zomite mailam tawh kisai tampi kei mimal in ka ngaihsut ciang Nang Za Mung thugen pen kabil ah hong kha mahmah in a zan masa pen phun nang tampi tawh ka tunna in na ciah ingh. 24 ni hun masa in Pa Hang Khan Lian in anuai a bang in thusun(g)na hong nei a, lungsim hong khoihkha tam mahmah hi, Zomi u le nau lungngai khawm in pankhop theihna a om zenzen leh I gam I lei a ding in mapang khawm ta ni. ­­­­­­­

Pa Hang Khan Lian’ thulu: Zomi, Zogam Zolei Zomi
• Tuhun Kawlgam Nitumna saklam, India gam nisuahna saklam aa teng Minam neuneute
• Midangte in Chin, Lushei, Kuki, Naga cihbangin sam uh aa
• Amau leh a mau Zomi, Mizo, Lai, Asho, Yaw, Khumi, K’cho, Daai, Mara…cihbangin kilo ziazua uhhi.

Tutak Zomi aa kilo phadeuhte dinmun Kawlgam Cencus 2014:
• Tedim-87389
• Tonzang-21262
• Cikha -11139
• Gawm=119789
• Rih -6622
• Kawlpi-347363
• Tamu- 59315
• Khampat-38699
• Gawm =451999
• 100 ah 15 Zomi hileh-67800
• Kawlgam Zomi gawm (atawmpen)-187589 Kawlgam Cencus-2014 “—Kei’ aa dingin tamlua hi” Thukhente 7:2a Gambup mimal: 51 million val Zomi (Tedim, Tonzang, Cikha, Kawlpi, Tamu, Rih) 187589 51000000/187589=272:1(Zomi mimal khat leh namdang phazah) Gideon Mirian galkap 135000/300=450:1(Gideon galkap khat le a galte phazah lahna) I kisap zah 51000000/450=Zomi kisamzah(11,3333) Aval -1875890 - 113333 = 74256 “lau in ling mikhempeuh a inn ah ciah un’ ci in” a cihi. Theihding: kumpi langpang galkuan ding aa sawlna hilo hi. Gtn. Mission khahding hilehang.

Taanglai Zogam leh Zolei ah Zomite: amau le amau khuasat, hausa sem in amau’ mun, amau’ gam ciat tawh nungta khuasa uhhi. Amau innmun, logam, singhalh ciat nei uh aa, pupa’ neihsa innmun logam a hihi. Tua innmun, logam, leitangh tungah kuamah in thuneihna neihbeh nawnlo hi. Tua innmun, logam, leitang kem, huu, cingh, vil, puah pah uhhi. Etpakding: Meiteite nawhkhiatna
Tuhun Zogam, Zolei:
• Kum 1900 kiim aa kipan Mangkang Kumpi in Zogam teng ongsim, ongla aa Zomite in agam alei uh khahsuah uhhi.( Siallum kulh)
• Zogam Zolei Mangkangte’ thuneihna ong suakhi.
• Amau’ taang in Ukpi, Hausa upa guang uh aa thunei taktak Mangkang Kumpi a hihi. Zogam Zolei thuneihna khahsuahlam alak Pupa’ late:
(a) " Tui zumh mangkang, mei bang hing khang, Zota kual sung zin bang ling ee, pianna kagam lei hi’ ee phal singh ee," 
(b) "Pianna lei le, ka Zogam lei, laal kanawk sansi in zel ee, ngallian vontawi ka laulo lai ee" pen Dopmul (Kun Hen)te Pu Mang Za Thang’ la hi.

A. "Tuan aa pupa siam aw ee kei ei siam aw, hei ah gamgii suang nei phutta ei maw,"
B. "Hei ah gamgii suang nei phuhta ei maw, vontawi sanggah mualhem vatai taa ning" cih Gamngai hausa Pu Mang Songte’ la a hihi.

Mang to pan kawl to ah:
• 1948 kum Mangkang kumpi tungpan suahtaakna I laak ciang ei sang aa pil zaw, hat zaw, siam zaw, hau zaw, tam zaw Kawlte tawh laak khop ding kipumpiak ihihman in
• Zogam, Zolei midangte khutsung tung leuleu hi.
• Zogam Zolei thunei kilaih hi. To kilaih ihihi.
• Tuni dong a hihi.
• Zomite in Zogam Zolei thuneihna I Khahsuah zawh kum 100 valta hi.
• Ezikiel 11:15b ( Midangte khutsung ah piakkhia)

Dotna leh ngaihsut ding:
• Zogam leitang pupa’ neihsa, nang sang aa thunei zaw om nawnlo ahihlam na thei kha ngei hiam?
• Tuni tuhun in Zogam leitang ah thunei nawnlo na hihlam na phawkkha hiam?
• Leitang tawh kisai utpeuh akipiak ciang nang ong kidong ngei hiam? Na vengpa akidot lam ee na theikha ngei hiam? Na hausapa ee a kidot ngeina? Gtn. (Tai 9, Tulsuk Kiim Acre 300)
• Zogam leitang cih om nawn lo ahihlam na mukha ngeihiam? Kawlgam kiukna thukhenpi khenpi 37 nasim ngei hiam?
• Kawlgam sung aa kilemna, daihna a omlohna a bulpi in hih leitang tung aa thunei kituhna hi cileng na sang thei diam? Leitung bup ah ee?
• Na khua ah gtn: Rohingya te ong khuasa leh bang na ci tam? Na ngaihsun kha dihdih ngeihiam? Phawkpak ding:
• I pu, ipate in gam leh lei pen a nei a siam khat om hi cih upna na nei uhhi.
• Tuhun Christiante upna khaicii na nei khin uh hi.
• Leitung ah a gam a lei tawh a tokaai a khasiat huai minam, Zomite bek hiphial lehang kilawm hi.
• Ezekial 11:16 ( ong piakik nuam hi)
• Ezekial 11:17-21 ( Piakkik theihzia ding kalhna) No 2-11 ciang hoih thei mahmah aa video kingah ciang I etciat ding in hawi ding hihang. Hihbang in Pa Hang Khan Lian in thu hongsung ciang Zogam Zolei ah Zomite teng a thuneihna bangmah ki nei nawllo hi cihthu theihsasa I zakkik ciang ngaihsutna tampi hong ombeh hi.
• Kumsim pawi bawlbawl tawh Zogam Zolei ah thu kinei zo taktak ding hiam?
• Isrealte Pasian ei Pasian hi ci-in thu ngetnget tawh Zogam Zolei lakik zo taktak ding I hihiam? ( Isrealte in thunget leh nasep thuah uh hi, galhiam tawi in a gam uh lakik uh hi)

Zogam pen tulai tak a ba in I lawhlawh hi aa I gamah ei thuneihna bangmah omlo hi. Nungdeuh in ZOLL te Tedim khuapi ah laihilh in a omvua, a hizong in Hungngai in ciahsak lel hi. Hihpen a za khate heh mahmah a a hizong in bangmah cih theilo uh hi. Saklamte zong Khanglam Zomite gina hongsa lo in a heh tampi tak om uh hi. Saklam ah hihbang in laihilh in vapai leng kuaman hongciah sak hetlo ding hi. Tua a hih leh ei bang kisam I hihiam? Zomite khangto in mun tuamtuam ah international level in Zomi Idol bang kinei zota hi, hih in igam Ilei hong lakkik sak ding hiam? Gam neilo in migam mi lei peuh igam ci den kei ding I hihiam? A bucing khantohna ah kalsuan ding I hih leh gam nei masa ni, I gam lakkik ding hunt a mahmah hi, mi khut tawh gul mat sawm kei ni. Democracy or Federalism I hi zong minam in hong kem ding ninam galkap kisam hi. Zomite aw Gampen sisan tawh a kilei a hihman in I gam sisan le Pasian tawh la kik ding hihang.
Thupuak: Cin Lian Khai