Leitung ah pau(language) tampi tak om a, tua te lakah a khangto pen leh a ki tamzat pen in English cih i theihsa ahi hi. Tua English i cih zong amau Lai hi a, amau a din ol mahmah inteh i cih sam hang, haksa pi mah in na sin in, na kan den uh hi. Tu in tua Enlish tawh kisai in 4th grader ci in Tan 4 ciang a tung sang naupnang khat in theih diang a kilawm leh, hi teng thei leh 4th Grade a pass zawh nangin in laimal thupi mahmah mal 100 pen the American Heritage Dictionary te in ong bawlkhia uh hi. Tua ong bawlkhiat uh pen ei Zolai tawh tu in simtheih leh sintheih ding in Tongdot.Com in hanciam in ong bawlkhiat sak zo hi.
Hih kammal 100 te pen a laibu in ki bawl khia zo nailo ahih manin .pdf tawh a nuai a link ah kingah thei hi. Hih laibu pen sang naupang te beka ding a thupi hi zenzen lo in, a hilh siate mahmah a dingin zong thupi zawkan lai hi. Zogam khuata lamah cih bek hilo, Kawlgam ah hi English laimal te thei hileng i naupang te English ah tavai hetlo ding cih i gen ngam hi. Zogam, Kawlgam bek hilo in US, AU, UK leh EU gam tuamtuamte ah zong kihilh kipattah huai laimal te ahih lam i ki phawk thak sak hi. Hi bang hamphatna leh sim theih ding hun manpha i ngah zong i lungdam mahmah hi. Ong patkhiatsak leh ong matut sak Tg Khaipi of Tongdot.com ( hun khatlai in http://zodictionary.com) tungah zong nakpi in i lungdam hi. Ama kipiakkhiat zawhna hang in Zomi in a hamphat lawh tek dingin zong kong lamen hi.
Hih laibu tungtawn in Zomi a kuama ciat in i tate, i naupang te mi nuaiah om lo in, lai leh pau ah lawm le gual phaktan a phak zawh na dingun i panpih ciat ding zong i lunggulh mahmah hi. Hi lai a sim mimal kim adingin phattuamna hi takpi ta hen.
A Phamawh English Kammal 100 A Phamawh English Kammal 100.PDF
No comments:
Write comments