Abraham Lincoln nuntakna etteh huai leh ciinhuai pawlkhat

Abraham Lincoln Suahni Thupiang Khat

Abraham Lincoln suahni khat in USA gam sungah ama Birthday ni tawh ki
tuak in Limsuai ki demna om ding  cih TV khawng, Zateplai ( News
Paper), Journal..cihte ah tangko zihziah uh hi. Tu hunin i suahni
khawng online ah eima lawmten tangko sese kullo in hong theihpihta cih
ka ngaihsut teh amau hun lai sangin ki khangto mahmahta cih ka phawk
hi. Limsuai a uk tawh a siamtawh a siamlo tawh tua ki demna ah ki
helnuam ciat uhhi. A ni hong tungta USA gam sungah Limsuai ki dem
ngeingai uhhi. A khatna hong ki telta hi. A khatna pen Los Angeles
panin khatna hong ngah hi.

A khatna ngahpa in bang limsuai hiam cihleh Abraham Lincoln khan
khiatna Singinn hoihlo khat suai hi. Tua tungah kumpi zumpi innkangpi
( whitehouse) suai aa, tua ki kal-ah kahlei ki dawhsak hi. Tukum 2015
June kha pen kum 31 ka cinni-in  hih thu ka phawk kha dihdih hi. Tua
inn kikal ah Laigelh hi. Tua lai ki gelh in, " Hih USA kumpi zum inn
leh Abraham Lincoln inn neuno kikal ah tuni dongin Kahlei ki khunglai
hi, a painuam khempeuh in hanciamna leh tupna a neih khempeuh adingin
tua Kahlei om lai hi", cih ki gelh hi cihi.  Tua lim(picture) pen tuni
dongin Whitehouse inn sungah ki suang lai hi kici hi.

Tu hunin nang suahni-in Limsuai ki demding om hileh na lungsim hong
sukha penpen bang hi ding hiam? Nupi khat in a tapa USA kumpite zumpi
Whitehouse ah paipih hi. A Tapa in tupna nei-in USA kumpi a suah dong
tupna ngimna hanciamna a neih ding deihlua mahmah ahih manin hih lim
ki suang et pih hi. A thuteng atapa kiangah gen hi. Nu leh Pa ten amau
hanciam theihpih bangbangin tate pil ding hong hanciampih nuam hi.
Abraham Lincoln ahihleh pattah ding ki cian a neilo mipa khat hi. Ama
thu a gen zom suak vet dihni anuai ah...

Abraham Lincoln khut tektek tawh atapa sangkahna Sang Siapipa lai a
khakna sungah, "A khuak pilna tengteng leh a thahatna tengteng
haksatna lianpipite phulna dinga zang dingin hong sinsak inla, ahi
zongin a septheih sunsun lungsim khempeuh leh nuntakna beina ding tan
ah zong thuhkikding lametna neilo a sem dingin hong hilhsak in. A kul
hun a mipi thugen khempeuh umpah lo ngam dingin hong hilhsak inla, a
dikzaw leh a hoihzaw thei ahih leh mipi langpang ngam dingin lungsim
hangsanna hong neisak in", cih laikhak ngeu hi. Pa ten thu taktak tawh
Tate mailam ding khualna tampi ki nei hi cih hong phawksak hi.

Abraham Lincoln pen kumpi ahih laitakin ni dangin amah alangbawl
mahmah mipa pen gamthu vaihawmna ah makai khatin koih mawk hi. Hi thu
pen hithei asa mahmahlo nupi khat in "Banghang in na galpa, gam
makaipite lakah khat in koih mawk na hiam?" ci-in dong hi. Tua bangin
a dottak ciangin Abraham Lincoln in "Nupinu aw, ka galpa pen lawm in
ka bawlzawhna pen ka galpa tungah a gualzo hi zaw hilo ka hi hiam?"
cih san hi. Lai Siangtho sunga thu tawh a nuntakna ki tuak mahmah hi.
Ei khawng hileng bel i thatsuk na mel ki theilo hi.

Hanciampih ding neihlo, Haulo, Laibu neihlohna, melsiatna, gen
theihna...cihte ah mite ( nu leh pa, sanggamte) konlawh lo in hanciam
taktak in tupna a neih manin lawhcing hi. Daupai zuahzuah hetlo
haksatna tampi thuak himah leh matunlo in khawl cihte neilo ahih manin
leitungah mi minthang leh etteh huaite lak ah ki hel tawntung hi.

Zomite Pasian a tuam deuh hilo hi. Ih neih Pasian a ki bang ahihi. Ei
zong leitung mipil milian dingin Pasian in khangnote hong koih theilua
hi. Ka khang sungin Pasian in Leitungbup ah aminthang dingin Zomite
mipil milian hong muhsak kal ding ngahlah mahmah ing. Lungdam.

Thawn Tuang