Mo Man Thu

* Khai le' Zomi te Pasian hong angvan na huhau ciding i hiam, nun na tual niam luat ziak ciding i hiam,

i tam het loh-hang in, leitung bupphial ah akikhen thaang minam te i suak-khin ta hi, tulai Zomi sung ah popular pha diak Zopuan kideih mah² laitak zongh a hihi, a hihang in tua Zopuan i silh man in bang mah phat-tuam na i mungei kei ding hi ( a puan thupi lo kacih na hilo ) Zomi ten i kepcing ding kadeih thu a hih leh I ngei na ( Zo ngei na ) hizaw hi, "numei-in pasal kisam, pasal in-numei kisam" cih khanglui ten Paunaak a neih bang mah un' nungak leh tangval khat ong kiten tak ciang in ,Kilaak na, Kilei na cih te i nei to dimdem hi, tuni kong gen nop thu in ,Kilei ni aa a kulpeel mawh " MO MAN THU " a nuai ah gelh suk hi, hih in Zomi te minam pi i hih na hong laak a hihi, khang thak Zomi ten kemcing in, nuntaak pih in, thupi bawl ni...

** Nupa khat a kiten ciang in, Laak leh Lei thuah pah ki om in, kiten khit teh ki nung lei pan zongh ki-om hi. Mo a kilei ciang in Vok Tuuk li khat a neupen in kigawh in, man leh mual thu kigen in, a nuai aa bang in kigen hi.

1. Thaman = Ks. 4.00 peek li kilui tek tek hi, vok neilo ten tua thaman pek 4 la in, vok khat tun sa ding in lei-in Tanu tun sa go in mokha zo a hih man in, tha man pan SAMAN a ci zongh om in, tua ciang in tua thaman lak loh a sa kigawh zo ta lel aih teh ci-in thaman peek 4 a la nawn lo zongh ki om ta hi cih theih huai ta hi... Theih ding nidang lai Vok tuuk li, peek 4 bek a mat hun lai peek in Zomi ten MO MAN THU na gen khin cih na hi.

2. Man kaang / Sanggam sum = Man kaang pen peek 6.00 kipia hi, Lam taan a hih kei leh sangngam sum zongh kici hi, Mopi te baangkua pipa in sik hi, tua hang in sangngam sum zongh kici hi .

3. Pu man = Pu man peek 2.00 kilui -in i monu i Pu ( a gawng pua pa ) nek ngiat ding hi, Pu man pen Pu te tung a Tute ii kitat na a hihi, hih Puman a neek khit aa kipan in I Pute tawh kimat na om nawn lo in I pian na I Pa ten nop/dah na i tuak zongh in i Pa ten a gawng pua ta hi, a nei zaw deuh ten peek 2 pen tulai hun in tawm lua ta a hih man in Puan ten khat niik ten khat cih bang tawh behlap uh hi.

4. Min man = Minman pen Pu man tawh kikim in peek 2.00 mah kiluui hi, Min tap te neek ngiat ding a hihi, Min tap nu in a Tunu min phuah lai-in bil vuh na ci'n khi/tau a hizongh na khat peuh² a neih leh a deih zah² ngen thei hi, hih zongh nidang bang in a vek pi-in a neek leh antawi zongh pia thei lai hi, tulai aa ding in bel soklek tang khat bek leizo a hih man in puan ten/niik cih bang tawh kibeh lap den zaw hi.

5. Zang dawh = Zangdawh i cih pen Beh tulpi pa neek ding hi-in, peek 1.00 kiluui hi, tuhun ciang peek 1 tawm lua ta a hih man in van dang khat peuh tawh kibeh lap hamtangh hi.

6. Ang khen/ Nu man = Ang khen pen tulai hun in a Nu kitam piak zaw in puan buu tam nawn lo a hih man in ( Blanket ) puanza pi hoih te khat kipia hamtangh hi .

7. Kan man = Kan man pen hizah cih ciang tanh na om lo in, kan na a thuak nu nget zah² deek theih om lo in piak kul hi, a hih hang in tuhun ah a ne kua mah om nawn khol lo hi... Theih ding Kan man cih teh U numei neilai aa pasal nei masa te cih na hi..

Ka lung dam mun dang ah ki share thei hi... deih sak na takpi tawh.....

Ref: Sawm Pau