I Gam leh I Minam a ding bagn Party?

Thungaihsun theite aa ding:USDP Party
1. USDP in kumpi kum 5 sem khin, adiakdiak mualtung mite vai kilamdanglo ahihman in makai zolo, muan huailo cihna hipahhi. Tua ahihman in piak huai nawnlo. Kuakua in kuang a lui zongin.
2. Tedim, Tzg pan USDP i kah hang, Chin State ah kumpi sem i hihhang, Tedim district ding ong pialo in USDP kahlohna Hakha pia cih nungsang bang paulam aa pia nawn ding?
3. 914-Zomi kalsuanna ah ii MPte (mimal, tualniam thusun nacihsak un) CHIN deih vive ahihman in laihloh phamawh uh.
4. Asep sung uh neksim taaksim teng i theihkhitsa. Angei aa ong ngei ding, ong suuk zawlai ding uh. Tua ahihman in tu aa zah phazo khin. Hau khin, nuam sakhin uh.

NLD
Tdm, Tzg ah makai gina omlo, thumu omlo, 914-Zomi movement bang ZCD te aa sa cih limlim bel makai aa neih hang, i teel hang a mawkna in mu ing. Kua mah (tu aa makai mindawk teng lian) kuanglui ding zong kipat huai sa keng.

ZCD
I minam min pua party hi. Thapiak huai kici ciat mahhi.
Ahihhang inn lam aa om mipi in tuaci muhlo uhhi.
Kawlzang ah NLD party a kipahtaakna pen a party policy hilo in makaipi nu (ASSK) ii mimal hang hizaw hi.

USDP mipi in a pahtaaklohna pen a makaiteng galkap lui vive ahihhang ahihi.
ZCD zong tu aa mindawk teng lian tawh i minam party ahihhang mipi in kimuang zolo, vote ong kipiaksaklo ding hi. Gensiatna hilohi. Telcing (ong) loding hihang.
Pu Chin Sian Thang, kum tamluata, zong dingtang zo nawnlo, thungaihsutna hat nawnlo, tualo kua iplah ding om? Omlo.

Tua ahihman in, innlam ah mipi in, "A party en kei ni-in a hunteh a mimal en ni" peuh kici mawk hi. Ei (gamdangte) cihbang in mitsi liang in kipiak sawmlo hi.
USDP pan aa makai khat inbel, "Ko party bel thungaihsun thei, mipil, ulian zawdeuh te kacialcial uhhang kuamah kuang lui ding ut het kei" ci bilbel hi. Kei theihpih, kumpi nasem lui, nasem lai ulian, min nei, a hopih uh tawm nawnlohi. ZCD in ee mipi ong muansak ding mi hopih i nei hiam? Eiteng mah kipat sawm i hiam?

I khua ciat ah vote pia theiding i khua aa om mimal sang tamzaw cihkhat zong ging ahihman in ei khua ciat aa vote pia ding list sit (check), etcik huai sa -ing.
Ki pum gup bel innlam aa te'n sang zo sa keng!
Minam vai thusung ding i minam party mah neih ding cihihang. Zong himahhi. I ngaihsut ding ah, "thusun ciang athupi hilo in khensatna athupi ahihi"
Ong khensat pihding, ong panpih ding party partner i neihiam? ong kicihna tua ahihi.

Hakha ah hih MP 4 tawh kumpi i phuan zodiam, i thusun ong kimang zodiam, pawlpih i nei hiam? ong kicihna hihmun ahihi.
I thanemna teng i genciang a kipholaak hilo hihang.
Tua himawk ahihleh bangcih ding?
Kikup ding ahihi.

Hang Kl