Pilsinna (Awareness)

Thumapi:

Theihkholhna (Awareness) chih thulu a nei a April 14, 2015 ni a ka thugelh, Lamka pansan niteng thukizakna leh Social Networks khenkhat ah suah in om hi. Tuni in hiai thu toh kisai mah thulu a nei in bangzah hiam gelhnawn le’ng i chi ahi. Theihkholhna (Awareness) hilhchetna i piakdan pen kibang vek lou diing in ka koih hi. I gennop pentak ahihleh mailam hun hong tung diing toh kisai thil bang hiam mengmuhna kichian nei a, nasep-silbawl khat peuhpeuh Pilsinna (Awareness) nei loupi a lohchinna om thei lou diing ahi chih gennuam i hi. Ei pau a, ‘Pilsinna’ ahihke’h ‘Theihkholhna’ kichi kammal omzia pen Mangkang pau a, ‘Awareness’ kichi kammal toh agennop kibang leh kikim diing in ka koih hi.

India Prime Minister, Shri. Narendra Modi in August 15, 2014 - Independence Day ni a athugenna ah, New Economic Policy, “Make in India” kichi puangkhe ziahziah mai hi. Gamdang akipan sumsin mite atam theipen India a laklut a, huchia sepna tuamtuam tampi piansak diing tup-le-ngim pipen a nei ahihdan gen hi. Tua ni a athugente ziak in Leitung buppi sawi liing zou mahmah ahihman in gammual – kilchih akipan sumsinna toh kisai ‘Manufacturing Companies’ lian taktak India ah tuni chiang in hong lut zungzung mai uhi.

Make In India: Tup-le-Ngim Bang ahia…?

• “I tell the world, ‘Make in India’. Sell anywhere but manufacture here. We have the skill and talent for it,” chi in August 15, 2014 Independence Day ni a athugenna ah, Narendra Modi in puangkhia hi. India gamsung a thil bawlkhiakte khovel munchih ah zuakkhiak diing, tua diing in India in siamna leh hihtheihna kinei ahi chih khovel theisak hi.
• Foreign Companies in India gamsung ah sum-le-pai hong leihbua a, India neekzonna leh sumsinna nasatak a khantouhsak ahihtheihna diing deihna ziak a hiai ‘Make in India’ thupuan bawl ahi hi.
• Foreign Direct Investment (FDI) mitampite in na gen vengvung ua, sum kawlveina amaute in tangtak in India ah hong nei uhen, asumte uh India mipite in zang uhen, huchi in sum ngahtheihna diing in thil tuamtuam patkhiat diing kisam masa hi, chih PM in tangkoupih ziahziah mai hi.
• PM in a gen zelna ah, mi tamtakte in FDI na gen souhsouh ua, ken bel hiai bang in FDI hilhchetna ka pia hi: Foreign Direct Investment ahih rualrual in, FDI omzia bel “First Develop India” chihna ahi chi in gen hi. Sepna (Jobs) atam theipen India ah piansak diing. Tuailai laisiam tampite in sepna aneih diing uh ahi chih leh mizawng-le-gentheite in zong sepna aneih diing uh; huchi a sum zat diing kiningching milip in aneih chiang ua hamphatna taktak pen mi teng kiang ah hawmzak a hong omta diing ahi chi hi.
• Tulel a India a om, Manufacturing Companies khempeuh gamdang a pawkkhiat diing hi lou, India sung mah ah thil bawlkhia unla, gamdang ah zuakzaw un, sum-le-pai kiningching India mipite in angahna diing un hahpan un chidan ahi.

State Mission On Make In Manipur: Chief Minister O. Ibobi Singh in Puang:

Prime Minister Narendra Modi in “Make in India” chih thupi a nei a, Gamdang apan Multi-National Companies tuamtuam samkhawm a India gamsung a ‘Investment’ hong bawl diing a chialna nei in; India tuailai tampi sepna nei lou mite in sepna angah diing uh deihna ziak leh Indian Multi-National Companies tuamtuam in zong mahni gamsung ngei a thilthak bawlkhia a atamthei lamlam gamdang a zuakkhiak diing chih thupi a aneih toh kiton in May 3, 2015 ni in Chief Minister Okram Ibobi Singh in, Official Meeting sam hi. Tua Meeting hun a Shri. O. Ibobi, CM in athugenna ah “State Mission On Make in Manipur” puangkhia a, World Bank in Sectors tuamtuam ah panpihna pia a, abiiktak in Handloom; Aromatic Plants, Lemongrass, Patchouli, Stevia, Turmeric & Ginger chihte achiing nuam Farmers, kuapeuh kiang ah kithuahpih diing uh ahihdan zong gen hi (Source: The Sangai Express dated 3rd May 2015 issue, Headline).

Apaisa, April 13, 2015 ni in City Convention Centre, Main Hall, Imphal ah Department of Commerce & Industries, Government of Manipur makaihna nuai ah Workshop-cum-Farmers Conference on “Aromatic & Medicinal Plantation, Processing & Marketing Linkages” kichi thupitak a neih in om hi. Hiai hun ah: State Mission On Make in Manipur with Zero Defect, Zero Effect, Zero Unemployment 0 + 0 + 0 = 100 % employment kichi laibuta hawmkhiat in om hi. Zohuan (Farming) bawl a bangchi bang a haichii chiin diing hi hiam chih toh kisai thu poimoh taktak, Lou-nei mite theih diing a hoih thu tamtak hiai laibuta sung ah gelh in om hi. Medicinal & Aromatic Plants tuamtuam tu kum sung ngei a Farmers 2,500 vel in bawl a, amaute in aphatuampih theih teitei diing uh deihna ziak in First Batch, “Master Farmer Trainers Training Course on Plantation and Primary Processing of Aromatic Crops” kichi sinsakna, Fragrance and Flavour Development Centre (FFDC), Kannauj, (U.P) ah Training diing in District khat akipan mi 4 zel Manipur Sorkar in avek a kigawm palai 36 Kannauj (UP) ah sawl hi. Training hun pen ni sawmsung (May 4 – 14, 2015) ahi hi. Hiai ‘Article’ gelhtu ngei leng Lamka (Churachandpur) District ai-oh a kuan mi li (4)-te lak ah vakihel hi.

State Mission On Make In Manipur Objectives:

• 100 % employment in selected cluster of villages covering all the Blocks of Manipur.
• One cluster of 5 – 6 villages having about 2500 households in each Block.
• Additional income for every household (minimum Rs. 60,000 per annum).
• At least one person from each household to be associated for Income Generating Activity (IGA) in a group with assured buy-back/marketing linkage.
• 2,25,000 households in Phase-One in one year 2015 – 2016 (by 31st March, 2016).
• Total 4,50,000 households by 31st March, 2017 (Phase II).

Lou-nei Mite Kipahna:

Mailam hun ah laisiam sepna nei lou chih himhim om lou a, Medicinal & Aromatic Plants – Lemongrass, Citronella, Patchouli, Palmarosa; Turmeric, Ginger chihte tengteng tu kum akipan naktak a chiing diing in Lou-nei mite (Farmers) kiang ah Manipur Sorkar in hasotna pia hi. Tua baan ah, Puan-gat toh kisai (Handloom products) zong tampi pawkhia a mi tampite neekzonna diing bawlkhia a, Factories & Industries tuamtuam phutkhia a tuailai sepna nei lou, thadah om maimai chih himhim om lou diing, mahni siamna zil a sepna neih chiat diing chih thupi a nei in, “Zero Unemployment; 100 % Employment” Shri. O. Ibobi in tangkoupih lauhlauh a; Commerce & Industries Department Minister, Shri Govindas Konthoujam in nungthuap a beihpi suah diing in Phualpi Sorkar, Multi-National Companies nih/thum toh pangkhawm in Market Linkages bawlfel vek in omta hi.

May 3, 2015 ni in Commerce and Industries Minister K Govindas; PC Lawmkunga, Chief Secretary leh Officials – Horticulture, Fishery, Veterinary, Industries, Labour, Agriculture, Sericulture and Power Departments a dinmun sangtak neite ngen toh ‘State Mission On Make In Manipur’ sepkhiakna diing toh kisai thu poimoh kikupna Hun (Meeting) ah, “World Bank in ‘State Mission On Make In Manipur’ lohchinna diing in Rs. 100 crore in pang diing ahi” chi in Manipur Chief Minister, O. Ibobi Singh in gen hi (Source: The Sangai Express dated 3rd May 2015 issue, Headline).

Ngaihven Hunlaitak Ahi:

Zohuan bawl a neekzonna pen ei pawl a diing a thilhoih mahmah hong hi ngei diing ahi chih achian hi. Gam-leitang kepbitna diing baan ah, sum-le-pai kiningching zaw leh hauhsakna detdou i ngahtheihna diing in bel mahni khut nasep gah ah kinga thei le’ng i gam ah diktatna in vaihawm thei pan diing hi. Khosakna aniam luat ziak a singtang mite lak ah diktatna kitasam deuh mah hi diing in uphuai hi. Nekzonna detdou leh sum naak kichian anei lou mite a di’n ngaihven hunlaitak ahi hi. Lou-nei mite a diing a hamphatna hunkhop om thei diing in thil geel kichiantak Manipur Sorkar in bawlkhinta ahihman in, chihtakna, kuhkalna, taihmakna, ginomna leh pilsinna (awareness) neih hun takzet ahita hi.

Thukhupna:

Hamphatna kichi hun teng a om gige ahi kei a, ahunlai a aboh siamsiam mi hampha hi lel uhi. Huaiziak in, hiai hun pen khahsuah louh ahoih mahmah diing hi. Mipite leh Hausate kaal ah kitheihsiamna hoihzaw seem khanletsak hun ahi khol diak hi. Gam hunbitna diing toh kisai – apilpi a I pankhawm theihna uh om sun zong ahilai hi. Mailam saupi mengmuhna nei a, gam vai toh kisai a buaina pung deuhdeuh ahihman in, singtang gam, Zohuan diing a bawltheihna liai teng beek humbit a aom theihna diing in michih khanloh hun ahi. Hausate in zong khosung mite leh i khua-le-tui hihpihte mangngilh mai lou a, lei gah akibang a i ngah chiat theihna diing in vaihawm siam mahmah le’ng i chi ahi.

State Mission On Make In Manipur toh kisai kitelzaw seem a athei ut mi kuapeuh in hiai ‘Article’ gelhtu kiang hiam ahihke’h, akisaipih thuneitute kiang ah zong a kanchet theih diing hi.

Contact No. +91 8729871959
Src: ZogamOnline.com